RÚV tapar 2 milljónum kr. á dag!

Enn ein fréttin um gríðarlegt tap íslensk fyrirtækis.  Hvers vegna er ekki tekið á þessu tapi á meðan skorið er miskunnarlaust niður í lífsnauðsynlegri bráðaþjónustu spítalanna. 

Er RÚV í núverandi mynd heilög kýr sem ekki má hreyfa á meðan sjúklingar í hjartaáfalli fá ekki læknismeðferð í sjúkrabílum lengur og þurfa fyrst að fara á Borgarspítalann í móttöku áður en þeir komast í meðferð á Landspítalanum þar sem hjartadeildin er staðsett? 

Þessi lífshættulegi niðurskurður á bráðaþjónustu sem hefur verið harðlega gagnrýndur af fagfólki virðist vera hannaður af Guðlaugi og innleiddur af Ögmundi.  Segið svo að Sjálfstæðismenn og Vinstri Grænir geti ekki unnið saman! 

Tap RÚV 365,1 milljón króna

Að svara ekki fyrirspurnum og bréfum er dónaskapur!

Hér er enn eitt dæmið um séríslenskan dónaskap - að svara ekki bréfum, tölvupósti eða fyrirspurnum.  Það er alveg sama hvar í þjóðfélaginu er komið við, alls staðar er sama viðmótið.  Í raun er þetta tengt íslenska stefnuljósinu.  Þar er íslenska viðhorfið: "ég veit hvert ég er að fara svo ég þarf ekki að gefa stefnuljós". 

Hvenær ætla Íslendingar að læra þá almennu kurteisi að þakka fyrir bréf strax með móttökutilkynningu þar sem sendandinn er látinn vita í hvað ferli hans fyrirspurn mun fara og hvenær endanlegt svar muni vera gefið.  Erlendis er reglan að fyrirspyrjendur fái móttökutilkynningu innan 48 tíma.  Ef ófyrirsjáanlegar tafir verða á afgreiðslu mála ber að láta viðkomandi vita af þessum töfum strax og útsýra hvað hafi breyst og hvernig tekið verði á nýjum aðstæðum.  Á Íslandi þurfa viðskiptavinir og skjólstæðingar yfirleitt sjálfir að reka á eftir málum með endalausum upphringingum og skeytasendingum.  Þeir sem suða mest fá "bestu" þjónustuna!

Ég hef sagt það áður, en flestir útlendingar sem ég hef talað við og hafa haft einhver samskipti við Íslendinga minnast iðulega á þessa ókurteisi og afskiptaleysi.  Sérstaklega eru þeir hissa hversu losaralegar samskiptareglur eru innan opinbera geirans.

 

 

Súpueldhús í miðbæ

Mannslíf í hættu

Þegar fagfólk varar við áhættum og þegar um líf sjúklinga er að tefla ættu stjórnmálamenn að hlusta.  Það þarf ekki fagfólk til að skilja að ekki er skynsamlegt að flytja bráðamóttöku á einn stað á meðan lífsnauðsynleg tæki og kunnátta er á öðrum stað. 

Að byrja að skera niður í bráðaþjónustu er ekki góður fyrirboði.  Hér er byrjað á öfugum enda.  Allir aðrir möguleikar til niðurskurðar ættu að vera skoðaðir fyrst áður en kemur að bráðaþjónustu.

Áhyggjur vegna sameiningar

"Førtidspension"

Hugtakið "førtidspension" hefur sem betur fer ekki verið mikið þekkt á Íslandi.  Þetta er hins vegar vel þekkt aðferð í nágrannalöndunum til að spara og losna við fólk.

Búast má við að þegar niðurskurðartillögur ríkisstjórnarinnar verða kynntar mun þessi aðferð verða notuð til að ná niður sparnaði án þess að atvinnuleysistölur versni til muna. 

Vanalega er byrjað á elsta atvinnuhópnum þ.e. þeim sem eru yfir 60 ára.  Hvað þeim verður boðið er ómögulegt að segja en staða ríkisins er ekki beysin um þessar mundir svo best er að hafa ekki miklar væntingar.

Hár meðalaldur forstöðumanna ríkisins og fjöldi þessara stofnanna bendir til að þar megi finna sparnaðarleið. 

Eina sem getur bjargað fólki í þessum stöðum er rétt kyn og flokkskírteini.  

 

29% forstöðumanna ríkisstofnana konur

Úrslitin hafa greinilega komið VG á óvart

Úrslit kosninganna hafa greinilega komið stjórnarflokkunum á óvart.  Það lá alltaf fyrir að VG og S myndu fá meirihluta og því var eðlilegt að búast við að stjórn yrði mynduð fljótt eftir kosningar. 

VG hafa líklega ekki gert ráð fyrir styrk Framsóknar og Borgarahreyfingarinnar.  Þetta hefur sett strik í reikninginn og það mun taka tíma fyrir VG að sætta sig við veikari samningsstöðu.

Á meðan bíður þjóðin.

Viðræður halda áfram

Dollarinn mun styrkja samningsstöðu Íslands gagnvart ESB!

Athyglisverð grein um Ísland og ESB eftir blaðakonuna Bronwen Maddox birtist  í breska blaðinu The Times í dag.  Þar heldur hún því fram að samningsstaða Íslands gegn ESB sé veik um þessar mundir vegna slæms efnahagsástands.  Hún telur að ESB og sérstaklega Spánverjar (sem taka við forsæti ESB í byrjun 2010) munu þrýsta mjög á Ísland í sjávarútvegsmálum og nota evrun til að ná fram tilslökunum af hálfu Íslands.

Hún telur að betra sé fyrir Ísland að leysa gjaldmiðlamál sín áður en að ESB viðræður hefjast.  Einhliða upptaka evru sé ekki rétt aðferð enda muni það aðeins veikja stöðu okkar enn frekar.  Hins vegar geti Ísland notað stöðu sína á milli Evrópu og Norður Ameríku sér til framdráttar. 

Upptaka á dollar og nánari samskipti við Norður Ameríku muni styrkja okkar samningsstöðu við ESB.  Þar með er evrugulrótin slegin úr hendi Brussel eins og ég skrifaði um hér fyrir nokkru síðan.

 

Þarf ekki einhug um umsókn

Stefnir í þjóðargjaldþrot?

Það er margt sem bendir til að Ísland nálgist þjóðargjaldþrot með degi hverrum.  Alltaf eru að koma fram verri og verri upplýsingar um stöðu bankanna, fyrirtækjanna og ríkisins. 

Hvað gerist þegar Ísland getur ekki staðið í skilum á lánum og skuldbindingum ríkisins?  Mun IFM hlaupa undir bagga og lána ríkinu fyrir vöxtum og vaxtavöxtum? Hversu lengi mun IMF fjármagna ríkið? Hvenær verða Íslendinga krafðir þess að leggja auðlindir sínar sem veð gegn lántökum ríkisins?  Hvert er raunverulegt sjálfstæði Íslands í þessari stöðu? 

Um 40 prósent lána slæm

Írar gefa tóninn fyrir Ísland

Ég hef margoft skrifað hér hversu  athyglisvert það er að fylgjast með Írlandi í samanburði við Ísland.  Bæði löndin fást við mikla kreppu.  Hins vegar er Írland stærra land of hefur betur mannaðar stofnanir til að fást við kreppuna.  Betri gögn og tímanlegri ákvarðanir er eitt sem aðgreinir Írland frá Íslandi. 

Sú þögn sem ríkti hér fyrir kosningar um efnahagslega stöðu Íslands og þá sérstaklega ríkisfjármálin, og stöðu bankanna og atvinulífsins var mjög alvarleg.  Ísland virðist ekki hafa neina óháða stofnun eða háskóla sem getur staðið upp og birt tölur og staðreyndir á viðkvæmum pólitískum tímamótum. 

Til dæmis er athyglisvert að fundur Félags viðskipta- og hagfræðinga sé haldinn rétt eftir kosningar en ekki fyrir.  Athyglisverðar tölur og viðhorf komu þar fram sem betra hefði verið að fá fyrir kosningar. 

Hversu mikið að íslensku þjóðlífi er gegnumsýrt pólitískum afskiptum?

Mesta niðursveifla frá kreppunni miklu?

ESB trompið færist frá Steingrími til Jóhönnu

Þó VG hafi óneitanlega unnið mikinn sigur í þessum kosningum eru það viss vonbrigði hjá þeim að fá færri þingmenn en Sjálfstæðisflokkurinn. 

Þessi úrslit hafa skákað VG út í horn.  Þeir voru orðnir ansi sigurvissir og farnið að haga sér eins og ráðandi flokkur samanber hinn misvitra viðsnúning á samþykki þjónustusamnings EES degi fyrir kosningar.  Reyndari stjórnmálamenn eins og Jóhanna hefðu aldrei teflt svo djarft og það læðist að manni sá grunur að Samfylkingin hafi vísvitandi gefið VG aðeins of mikið sigrúm til að líta valdsmannslega út í síðustu ríkisstjórn vitandi að það var dæmt til að gera óháða kjósendur tvístígandi í garð VG. 

Tími Jóhönnu hefur svo sannarlega runnið upp.  Hún mun leiða Ísland inn í ESB og verður þar með tryggður sess sem eins merkasta og áhrifamesta forsætisráðherra Lýðveldisins.  Eins og svo oft vill verða mun sá besti feta í fótspor hins versta.

Til hamingu Jóhanna.

27 nýir þingmenn

Sigur Jóhönnu og ESB sinna

Jóhanna hefur nú umboð frá kjósendum til ESB viðræðna.  Þær viðræður þurfa að byrja strax.

Samkvæmt spám áttu S+B+O að fá 31 þingmann en fá 34 sama styrk og S+VG.  Þessu buggust menn ekki við.  Þetta eru auðvita vonbrigði fyrir VG.  Þeirra staða innan ríkisstjórnar VG og S hefur veikst til muna og fróðlegt verður að sjá hvort þeir kyngja ESB aðild á móti ráðherrastólum?  Annað eins hefur nú gerst í íslenskum stjórnmálum.  Hins vegar er Samfylkingin í óskaaðstöðu, hefur um tvo jafnsterka möguleika úr að velja.

Reynsluleysi VG í ríkisstjórn sagði til sín.  Eitt er að vera í stjórnarandstöðu annað að vera í stjórn. 

Guðbjartur: Bjartsýnn á áframhaldandi samstarf