Brennt barn forðast eldinn!

Þessi samningur sýnir að Íslendingar hafa misst allt traust og trúverðugleika erlendis.  Þetta er þvílík niðurlæging fyrir OECD þjóð og skipar okkur á bekk meðal "vandræða" þjóða.  Erlendir aðilar sem vilja hafa samskipti við Ísland í framtíðinni munu auðvita nota þennan samning sem fyrirmynd. 

Nú munu útlendingar kefjast þess að Ísland leggi fram sínar auðlindir sem veð.  Þeir munu passa sig að Íslendingar geti ekki sett enn ein neyðarlögin til að komast hjá því að greiða sínar skuldir.

Brennt barn forðast eldinn.

Icesave-samningar birtir

Óhæf bankaráð að hætti Gylfa?

Hvernig væri að Gylfi léti verkin tala í staðinn fyrir að kasta steinum í sitt eigið glerhús!  Bankaráðin eru öll skipuð eftir þeirri aðferð sem Gylfi er að krítisera!  Að íslenskir blaðamenn skulu láta Gylfa komast upp með þennan tvískinnung er sorglegt en kemur ekki á óvart.  Gylfi minnist ekki á að hann ætli sjálfur að fara efir lágmarks viðmiðunum um góða stjórnarhætti hjá sjálfum sér.  Bankaráðin eiga að vera pólitísk en ekki fagleg og sjálfstæð. 

Svona fréttir sýna og sanna að ekkert hefur breyst á Íslandi eða er líklegt að breytast.  Engar aðgerðir bara ódýrt snakk.  

Það hörmulega við Ísland er að enginn blaðamaður hefur kjark eða þekkingu til að hjóla í Gylfa.

"Við létum og látum þetta yfir okkur ganga" eru einkunnarorð íslenskra blaðamannastéttar.  

„Við létum þetta yfir okkur ganga“

Heilbrigðisráðherra Lettlands segir af sér

Heilbrigðisráðherra Lettlands sagði af sér í gær eins og flestir fréttamiðlar um allan heim sögðu frá! 

Heilbrigðisráðherrann sagðist ekki treysta sér að framkvæma þann niðurskurð sem þingið samþykkti nýlega.  Niðurskurður upp á um 1 milljarð evra var samþykktur á þriðjudaginn og þar er farið fram á 30% samdrátt í útgjöldum til heilbrigðismála.  Óljóst er hvort fækka þurfi fleiri spítölum, en í apríl var gert ráð fyrir að 24 spítalar yrðu enn starfhæfir eftir 4 ár af þeim 59 sem starfa í dag.

International Herald Tribune er með ítarlega umfjöllun um þessa frétt í dag þar sem Ísland ber einnig á góma.  Þar segir:

"Like Iceland, another small country that lived beyond its means during the credit boom, ...  the government (of Latvia), however, has been better able than Iceland was in drawing on international support..."

Já, það eru ekki bara íslenskir bloggarar sem eru gáttaðir á vinnubrögðum íslenskra stjórnvalda!

Svo verður athyglisvert að fylgjast með hvað Ögmundur gerir 2010!

 

Vinnubrögðin óskiljanleg

Ef samningurinn var ekki leyndarmál hvers vegna var hann ekki lagður strax fram fyrir alþingismenn og síðan þjóðina?  Af hverju þessi U-beyja hjá Steingrími gegnum Indriða?  Ef þetta er smjörþefurinn af íslenskum vinnubrögðum þá hafa Bretar og Hollendingar komist í feitt.

Spurning um daga hvenær leynd verður létt af Icesave

Icesave: Ekki milliríkjadeila heldur afarkostir!

Það er misskilningur að Icesave sé milliríkjadeila.  Þegar aðilar deila eru skiptar skoðanir um orsök og afleiðingar.  En ekki hér.  Bretar og Hollendingar skrifa 100% af þessu á Íslendinga.  Þeir eru ekki að deila aðeins að krefjast þess sem stolið var af þeim. 

Bretar og Hollendingar háðu enga milliríkjadeilu við Þjóðverja að loknu stríði.  Þjóðverjar voru látnir skrifa undir stríðslokasamkomulag alveg eins og Íslendingar eru látnir skrifa hér undir.  

Hins vegar keppast íslensk stjórnvöld og blaðamenn að fegra þetta af bestu getu og telja þjóðinni trú um að hér sé um samkomulag jafninga að ræða. 

 

Harðasta milliríkjadeilan

Gjaldþrota land

Þessi Icesave samningur sýnir að í augum útlendinga er Ísland gjaldþrota.  Þetta er ekki milliríkjasamningur heldur þrotasamningur.  Sú staðreynd að Steingrímur J. skuli vera orðinn helsta klappstýra fyrir þessum samningi sýnir alvarleika málsins.  Hann veit sem er að þetta er okkar síðasta hálmstrá.  

Ef Hollendingar geta gengið að eignum ríkisins ef við stöndum ekki við skilmála samningsins hvað heldur fólk að gerist ef við skrifum ekki undir hann?  Bretar léttu hryðjuverkalögunum af Landsbankanum áður en Alþingi samþykkir þennan samning sem sýnir að í þeirra augum er þingið hér algjört formsatriði, "afgreiðslufólk á kassa" eins og einhver sagði. 

Þessi Icesave samningur einn mest niðurlægjandi milliríkjasamningur í Evrópu síðan á stríðstímum.

Enskir dómstólar skera úr Icesave-deilum

Hollendingar varpa ljósi á íslenskt klúður

Hér kemur faglega unnin skýrsla af óháðum aðilum á réttum tíma til að styrkja stöðu Hollendinga gagnvart Íslandi. 

Hvar er samsvarandi íslensk skýrsla unnin af óháðu fagfólki?  Af hverju er slík skýrsla ekki tilbúin nú til að styrkja stöðu Íslands?  Af hverju eru íslenskar skýrslur um Icesave ekki á forsíðum dagblaða í Hollandi og Bretlandi?  Hver sér um að miðla íslenskum sjónarmiðum til fjölmiðla í ESB löndunum?  

Íslensku vinnubrögðin og aulahátturinn við þetta Icesave mál eru gjörsamlega fyrir neðan allar hellur og ljóst er að Ísland stórtapar hér og ekki í fyrsta sinn.

Það er varla til þess hugsandi að þetta sama lið á að semja um ESB aðild!  

 

 

 

Gátu ekki stöðvað Icesave

17. júní: Voru sambandsslitin mistök?

17. júní verður aldrei sá sami aftur.  Sá hreini, tæri og saklausi dagur er að sökkva í spillingu , græðgi og skuldafen og mun aldrei ná sér.  Það er eins og hann hafi fengið slag og lamast öðrum megin.  Fyrrum þróttur og afl er horfið. 

Það er hollt að minnast þeirra fórna og dugnaðar sem fyrri kynslóðir lögðu á sig til að þessi dagur rynni upp.  Hvernig gátu þessar kynslóðir alið af sér þvílíkt afskræmi sem nú hefur fótum troðið íslenskt lýðræði svo aldrei mun gróa um heilt.

Gleymdist ekki að setja upp viðvörunarkerfi sem var sniðið að þörfum landsins?  Var ekki gefið að þegar hinu mikla takmarki var náð sem sameinað hafði þjóðina öldum saman færi í fyrra horf?  Þá myndu hinir siðblindu og taumlausu smákóngar aftur vakna til lífsins og setja allt í bál og brand á nýrri Sturlungaöld.  Sagan hefur endurtekið sig og enn á ný nálgumst við 1262 þó lausnin í þetta skipti verið ekki sú sama, en það er ekki okkur að þakka heldur hafa mál þróast á annan hátt á meginlandinu sem kemur okkur til góða.

Hins vegar er þjóðin nú þvinguð til samninga við erlenda aðila vegna vanstjórnunar og spillingar alveg eins og fyrr á öldum.  Hið sorglega er að Ísland skuli vera þvingað inn í ESB en ekki ganga þar inn með reisn af fúsum og frjálsum vilja til að taka þátt í uppbyggingu Evrópu á jafnvægisgrundvelli við okkar nágrannalönd.

Kapp er best með forsjá og það hefði kannski verið viturlegra að halda sambandi við Dani líkt og Kanada gerir við Bretland.  Það hefði gefið okkur stuðning og styrk á ögurstundum.  Bandaríkjamenn tóku þetta að sér á meðan herstöðin var hér en þegar þeir fóru var landið sett á stjórnlaust flot.  Íslendingar hafa alltaf hagað sér eins og milljón manna þjóðfélag en til að svo megi vera þurfum við hjálp og stuðning erlendis frá.  Yfir 1100 ára saga kennir okkur það.  

Hærra atvinnuleysi, háir vextir og veik króna

Hækkun á tryggingargjaldi er mjög varasöm aðgerð og betra hefði verið að skera niður í útgjöldum ríkisins.  Með þessu er ríkið að færa sinn niðurskurð yfir á einkageirann, m.ö.o. það er verið að hlífa ríkisstarfsmönnum á kostnað þeirra sem vinna í einkageiranum. 

Þessar skattaaðgerðir munu ekki leiða til lækkunar vaxta og sterkari krónu eins og niðurskurðaraðgerðir hefðu gert.  Því er þetta ein versta útkoman fyrir atvinnulífið og kallar á meira atvinnuleysi.  Fyrirtækin í landinu geta ekki staðið undir hærri sköttum án þess að vextir lækki.  Eitthvað verður að gefa eftir,  annað hvort lækka laun eða fólki verður sagt upp.

 

 

 

Skattahækkanir úr ríkisstjórn

Bankar: Íslensk einokun eða erlend samkeppni

Framtíð íslenskrar bankastarfsemi er ekki björt.  Annað hvort erum við með íslenska ríkisbanka sem starfa einir hér á markaðinum eða við afhendum bankarekstur til erlendar aðila. 

Íslenskur banki getur ekki starfað við hliðina á góðum og traustum erlendum banka einfaldlega vegna þess að sparifjáreigendur myndu færa sig yfir til þess banka sem hefur traustastan bakhjarl.

Því verður að láta Glitni og Kaupþing í hendur útlendinga og breyta Landsbankanum í geymslustofnun fyrir eitraðar eignir "toxic assets".

Útibú erlendra móðurbanka?