En hvað varð um íslensku málverkin erlendis?

Eru íslensku málverkin erlendis með í þessu.  Útibú bankanna erlendis skörtuðu víst því besta í íslenskri málaralist.  Hver er þau núna?

Verðmati á listaverkum bankanna ekki lokið

Fokið í flest skjól

Ef Norræni fjárfestingarbankinn er hættur að lána okkur eru við algjörlega upp á IMF komin.  Hvað gerir Landsvirkjun með sína endurfjármögnun?  Meira segja IMF er með allt í biðstöðu og afgreiðir engin lán til okkar.  Af hverju ekki?  Af því hér logar allt í deilum og rifrildi vegna vankunnáttu og kjánaskapar.

Erlendi aðilar spyrja sig hvort hægt sé að treysta dómgreind íslenskra stjórnvalda sem afgreiða Icesave á þennan hátt.  Eftir bankahrunið tekur ekkert betra við.  Afglöp, vankunnátta, ofurbjartsýni, rifrildi og seinagangur tröllríður öllu hér.  Þessi þjóð lærir ekki af fyrri mistökum.

Að vissu leyti á þjóðin skilið Icesave samkomulagið, hún kaus þessa flokka á þing og þjóðin á skilið þá stjórnmálamenn sem hún kýs.  

Því lengur sem þessi Icesave sirkus heldur áfram því fleiri lönd og stofnanir erlendis munu efast um getu Íslendinga til að ráða við efnahagsvandann hér á landi.   Hvaða lönd standa með Íslendingum gegn Hollendingum og Bretum?  Ekki einu sinn Norðmenn, sem vilja ekki koma nálægt þessu.

Hvað segir það okkur um stöðu okkar erlendis?  

Hættir að lána Íslendingum

Vandamálið eru einstaklingar

Þótt tillaga Péturs um gegnsæ hlutafélög sé gott útspil, tekur hún ekki á aðalvanda íslensk viðskiptalífs.  Það eru "krosstengsl" einstaklinga gegnum kunningsskap, skólagöngu og flokkspólitík. 

Þessi tillaga nær ekki til þessa þátta. Taka verður stjórnarhætti fyrirtæka til algjörra endurskoðunar og seta lög þar um.  Sérstaklega verður að gæta þess að í almenningshlutafélögum séu óháðir stjórnarmenn í meirihluta sem gæta hagsmuna almennara hluthafa.  

Sú lenska hér á landi að stjórnarmenn sé valdir af stærstu hluthöfum til að gæta þeirra hagsmuna hefur reynst okkur hörmulega.  Þar myndast klíkur sem ná 51% atkvæða og geta þar með ráðskast með hluti almennings og lífeyrissjóða að vild. Allir vita hvernig það endaði!

Þótt réttur strúktúr sé nauðsynlegur er hann alls ekki nægjanlegur.  Það mun ekkert traust skapast á milli hlutabréfamarkaðsins og almennings fyrr en stjórnarhættir verða gegnsæir.  Þeir sem sitja í stjórnum fyrirtækja verða að gera hreint fyrir sínum dyrum.  Þar verður að koma fram hvers vegna þeir sitja í stjórn.  Hvaða þekkingu og reynslu hafa þeir sem koma fyrirtækinu til góða?  Eru þeir óháðir og sjálfstæðir?  Hvaða tengsl hafa þeir við viðskiptavini, byrgja, fjárfesta og aðra stjórnarmenn? 

Enginn strúktúr getur komið í staðinn fyrir persónulegt traust.  Það er hins vegar af skornum skammti á Íslandi.   Brennt barn forðast eldinn.

 

Gegnsæ hlutafélög gegn krosseignarhaldi

Alþingi á að senda Icesave tilbaka til ríkisstjórnarinnar

Alþingi á að taka af skarið og senda Icesave samninginn tilbaka til ríkisstjórnarinnar þar sem forsendur hafa breyst með ESB aðild.

Samningurinn var gerður áður en til aðildarumsóknar kom en þar sem Ísland hefur nú sótt um aðild er eðlilegra að málið verði tekið upp á breiðari grundvelli í Brussel.

Þetta er sú leið þar sem allir geta haldið andlitinu.  Bretar og Hollendingar geta ekki neitað að aðild að ESB skipti ekki máli enda hafa þeir blandað Icesave og ESB saman.

Notum þetta okkur í hag.

Icesave sett á ís?

Það sem koma skal

Lögreglan er í sama báti og aðrar stofnanir ríkisins.  Í mesta góðæri í sögu landsins voru allar ríkisstofnanir meira eða minna í fjársvelti.  Sjúkrahús, skólar og löggæsla var sniðinn þröngur stakkur og þessir aðilar gátu ekki þjónustað borgarana nema með því að fara yfir fjárlög eða fá aukafjárveitingu.

Hvað gerist núna þegar enga peninga er að fá og allt á að skera niður?  Hætta er á að þegar skorið er niður fyrir ákveðið mark hrynji þjónustan þar sem þeir starfsmenn sem eftir eru ráða ekki við álagið.  

Þetta gerðist í Bretlandi þegar heilbrigðisþjónustan þar var haldið í fjársvelti í byrjun níunda áratugsins.  Ríkið kallaði eftir sparnaði sem hafði hræðilegar afleiðingar sem tók um 10 ár að leiðrétta.  Biðlistar lengdust og þjónustustigið hrapaði hjá mörgum sjúkrahúsum. 

Eftir þessa reynslu er flatur niðurskurður á framlínuþjónustu í breska heilbrigðiskerfinu ekki á dagskrá nú.  Allt annað verður skorið niður fyrst.  Sérstaklega hjá ráðuneytum og á skrifstofum hins opinbera. 

Á Íslandi virðist þessu öfugt farið.  Á sama degi og við fréttum af erfiðleikum lögreglunnar er okkur tilkynnt að starfsmönnum sem eiga að fylgjast með gjaldeyrislögunum hafi fjölgað hjá Seðlabankanum.  Sem sagt, löggæsla á peningum er mikilvægari en löggæsla borgaranna.  Er þetta rétt forgangsröðun?

„Erfitt og sársaukafullt“

Pínlegur varnarleikur

Adam var ekki lengi í paradís.  Blekið er varla þornað af ESB aðildarumsókninni fyrr en deilur byrja.

Barnaskapur og einfeldni Íslendinga er skiljanleg og kannski eina afsökun okkar.  En að halda að við getum sótt um aðild að ESB án þess að Icesave, sem er hápólitískt og eldfimt innan ESB, skipti hinar þjóðirnar engu máli og sé ekki tengt umsókninni er fráleitt.  Allt sem viðkemur Íslandi tengist ESB umsókninni beint eða óbeint.  

Svona formlegt samband við okkar nágrann þar sem við erum með yfirklóri að reyna að spila vonlausa vörn er aumkunarverð.  

Ætli þeir segi ekki í London um Össur "when in a hole stop digging"

 

Hafði samband bæði við Breta og Hollendinga

Icesave: Þjóðarstolt

Icesave er stórpólitískt mál hér á landi sem og í ESB löndunum.  Þetta snýst ekki eingöngu um peninga heldur þjóðarstolt.  Hver blikkar fyrst! 

Þetta er stórhættulegur leikur fyrir litla Ísland.  Við erum í engri aðstöðu og höfum engin vopn til að vinna þessa baráttu.  Nú þarf að sýna stillingu, klókindi og raunsæi.

Við verðum að leysa þetta út frá praktískum sjónarmiðum.  Málið er að hlutirnir munu ekki reddast ef Icesave er fellt.  Hvað tekur við þá?

Eina leiðin er að samþykkja Icesave með þeim fyrirvara að hann sé óréttlátur, einhliða og að samningsaðilinn hafi notað veika stöðu landsins sér í hag. 

Eftir 2-3 ár þegar ný ríkisstjórn hefur tekið við í Bretlandi og hlutirnir hafa róast eigum við að fara fram á að samningurinn sé tekinn upp til endurskoðunar.  Þessi aðferð er mun líklegri til árangurs og mun auðveldara verður að fá almenningsálitið í Evrópu á okkar sveif ef förum fram á endurskoðun eftir um 2 ár á þeim forsendum að við vorum "þvinguð" til að samþykkja Icesave á sínum tíma.

Ögmundur: Hugsum um þjóðarhag

Praktísk lausn

Icesave er eins og hvert annað hundsbit.  Slæmt, en við verður að taka því eins og menn og halda okkar striki.  Það er ekki hægt að hætta í miðjum klíðum.  Við getum ekki frestað endurreisn efnahagslífsins lengur.

Fitch kemur með réttar ábendingar.  Að lenda í ruslaflokki er verra en að samþykkja Icesave.  Icesave má alltaf taka upp seinna og vefja inn í ESB umsóknina.

Nú er tími til kominn að hætta þessari þrjósku og fara að hugsa praktískt.

 

 

 

Telja að ljúka verði Icesave

1.5% vextir á almennri sparisjóðsbók

Landsbankinn tilkynnti nýja vexti í dag og þar er heldur betur tekið úr pyngju ellilífeyrisþega og sparifjáreigenda.  Sjaldan hefur sparnaður landsmanna brunnið upp á báli verðbólgunnar eins og nú. 

Stýrivextir eru 12% og verðbólga yfir 13% en vextir hjá Landsbankanum á sparisjóðsbók er 1.5%.  Hæstu vextir á vörðunni eru 7.30%  á sparnað yfir 60,000,000.00 

Það er greinilegt að í krafti gjaldeyrishaftanna hefur ríkisstjórnin valið að skattleggja sparifjáreigendur bakdyramegin.  Hvers vegna er þetta hvorki kynnt né rætt í fjölmiðlum? 

Eru 12% stýrivextir Seðlabankans bara sýndarmennska?

Réttur maður á réttum stað

Enginn Íslendingur hefur meiri reynslu og þekkingu af flugrekstri en Sigurður Helgason.  Ef fagleg sjónarmið ráða koma fáir aðrir Íslendingar til greina sem formaður stjórnar Icelandair.

Þegar Sigurður lét af störfum hjá Icelandair var það stöndugt og vel rekið fyrirtæki.  Í dag er það rjúkandi rúst, þökk sé Hannesi Smárasyni sem virðist hafa haft það eitt að sjónarmiði að komast yfir fjármuni félagsins sem hann síðan brenndi á báli glæfralegra fjárfestinga, svo ekki sé sterkara að orði komist.

Það verður mikið verk fyrir Sigurð að koma Icelandair í stöndugt form aftur, en í það verk er Sigurður réttur maður á réttum stað.

 

Sigurður aftur til Icelandair