Erlendir fagaðilar rúlla upp íslenskum flokksmönnum - eina ferðina enn!

Hvert klúðrið rekur annað hér á landi um þessar mundir en öll hafa þau það sameiginlegt að erlendir fagaðilar rúlla upp vanhæfum og barnalegum íslenskum stjórnmálamönnum og pólitískum leppum þeirra.

Flokksskírteini fjórflokkanna virðist vera helsti "gæðastimpill" stjórnvalda til að senda fólk í samningagerð við erlenda fagaðila.  Vankantar á þessu kerfi eiga að vera öllum ljósir en samt er ekkert gert.  Hvers vegna?

Skilanefndir, bankaráð, stjórnir ríkisstofnanna og ríkisfyrirtækja eru öll pólitísk skipuð.  Sitja þar hæfustu og bestu synir og dætur þessa lands til að gæta hagsmuna komandi kynslóða?  Hversu margir geta svarað þeirri spurningu hiklaust játandi?  

Hefur Icesave málið ekkert kennt þessari þjóð?  Ef ekki, þá er framtíð þessa lands varla björt.  Þá munu þúsundir flýja þetta land ekki vegna þess að þar séu ekki gullin tækifæri heldur vegna óþolandi pólitískrar spillingar og lágkúru.

Tilboðið óhagstætt fyrir OR

Gömlum stjórnarháttum viðhaldið hjá Geysi

Á aðalfundi Geysis Green Energy á að viðhalda gömlum útrásarháttum.  Allt gengur út á að tryggja völd og hagsmuni.  Bankaráðin eru jú pólitísk svo það er það eina sem þau kunna.

Væri nú ekki skynsamlegra að ráða 2 óháða stjórnarmenn sem hafa engin tengsl við hluthafa.  Faglega aðila sem geta gætt hagsmuna almennings, starfsmanna og annarra aðila sem GGE hefur tengsl við.

Er ekki komin nóg reynsla af gömlu stjórnarháttunum sem byggjast á að gæta hagsmuna meirihlutaklíkunnar á kostnað almennings.

Ætli faglegir og óháðir stjórnarmenn séu ekki hæfari til að sýra GGE en íslenskir aðilar sem hafa flokksskírteinið í lagi?

Vilja fjóra menn í stjórn

Fleiri látast af læknamistökum en í umferðarslysum!

Margar þjóðir þar á meðal Bretar hafa komist að því að fleiri látast af læknamistökum en í umferðarslysum.  Þetta er óhugnanleg tölfræði sem fáir vilja hugsa um hvað þá ræða.

Það er ekkert sem bendir til að þessi tölfræði eigi ekki við á Íslandi.  Við erum mjög framarlega í  fyrirbyggjandi aðgerðum og rannsóknum á umferðarslysum?  En hvernig ætli staðan sé um læknamistök?  Hver rannsakar þau og hver hefur eftirlit með þeim sem eru þar ábyrgir?

Landlæknir á að fylgjast með þessu, ekki satt?  Hvernig gerir hann það?  Eftir hvaða ferli er farið þar?  Getur sú vinna talist óháð og sjálfstæð þegar læknar rannsaka sjálfa sig, samanber mannréttindadóm sem Ísland tapaði ekki fyrir svo löngu?  Hver hefur eftirlit með Landlækni og hans störfum og skýrslum?

Er ekki kominn tími á að óháðir erlendir fagaðilar taki út störf Landlæknis?

Sakar Landspítala um mistök

Kerfið er að gefa sig

Það er æ betur að koma í ljós að Ísland hagar sér nú eins og gjaldþrota ríki.

Fyrirtækin eru flest í gjaldþroti eða biðja um nauðasamninga. 

Almenningur getur ekki lengur staðið undir lánum og byrjað er að tala um að fella niður höfuðstól lána hjá þeim.

Boginn er spenntur upp í topp hjá ríkinu með Icesave samkomulaginu.

Á sama tíma reynir Seðlabankinn í örvæntingu að viðhalda gjaldmiðlinum og vernda hagi fjármagnseigenda.

Gríðarleg spenna hefur myndast milli fjármagnseigenda og skuldara.  Skuldarar heimta að þeir standi jafnfætis fjármagnseigendum sem er skiljanlegt en ómögulegt að framfylgja í réttarríki með stjórnarskrá sem verndar eignarréttinn.

Margir halda að við getum fellt allar skuldir niður en samt átt allar okkar auðlindir, hús, bíla og fyrirtæki.  Við segjum bara, þetta var allt í plati, glæpamenn skrifuðu undir, ekki þjóðin.

Við hrópum en hlustar einhver utan landsteinanna?

 

 

Ræddu um að hækka vexti

Ríkissjóður rekinn á sterum

Í augnablikinu er ríkissjóður eins og þjóðfélagið allt rekið á sterum sem lina þjáningar og gefa gálgafrest á hið óumflýjanlega.

En sá tími mun koma að steragjöfin verður minnkuð og hvað þá?

Ekki er hægt að reka ríkissjóð endalaust með minni tekjum og meiri útgjöldum.  

Hinn raunverulegi niðurskurður verður brátt að byrja og hinum óumflýjanlegu skattahækkunum verður ekki frestað mikið lengur. 

AGS gaf okkur rúmt ár til að undirbúa okkur fyrir þennan skell.  Gert var ráð fyrir að við notuðum tímann til að lækka vexti og verðbólgu, stabilisera krónuna og koma bönkunum í eðlilega starfsemi svo þeir gætu aðstoðað heimilin og atvinnulífið.

En í staðinn, æðir verðbólgan áfram, gengið sígur og sígur, vextir er fastir í tveggja stafa tölu og bankarnir eru enn í startholunum þar sem gjaldþrot og vanskil hrúgast upp í lokuðum skúffum.

Sá vetur sem brátt gengur í garð verður erfiður svo ekki sé dýpra í árina tekið.  Ef Icesave var erfitt fyrir Alþingi mun fjárlagafrumvarp fyrir 2010 ekki verða auðveldara.

Minni tekjur og meiri útgjöld

Exista og Icesave

Stjórnarformaður Exista ætlar ekki að láta sitt eftir liggja í Icesave málinu.  Á aðalfundi án ársskýrslu í gær sagði Lýður:

"Ég leyfi mér meira að segja að efast stórlega um að nýr hópur lykilstjórnenda, sem ekki gjörþekkir inniviði félagsins gæti tekið við því við núverandi aðstæður og fetað þann vandratað veg sem liggur að endurreisn þess á næstu árum.  Gífurlegir hagsmunir eru í húfi.  ... endurgreiðslur Exista til íslenskra kröfuhafa, einkum banka og lífeyrissjóða [skipta] tugum miljarða króna sem ella gætu tapast að miklu eða jafnvel öllu leyti.  Þar á meðal eru fjármunir sem munu renna til gamla Landsbankans og um leið upp í Icesave-reikning þjóðarinnar" (feitletrun mín)

Hér er komið stórkostlega að orði.  Lýður gefur í skyn að Exista hafi fengið "Icesave" peninga að láni frá Landsbankans sem nú eru orðnir að "reikningi þjóðarinnar".

Verða hlutirnir nokkuð skýrari en þetta?  

Svo eru hér nokkrir gullmolar úr ræðu Lýðs sem ég leyfi mér að vekja athygli á:

"Á innlendum vettvangi hafa heyrst gagnrýnisraddir vegna rekstrarkostnaðar Exista sem ég tel að hafi alla tíð verið stillt í hóf." 

Samkvæmt ársskýrslu Exista 2007 námu launagreiðslur til stjórnarformanns 24 milljónum á mánuði miðað við gengi evrunnar í dag.

Um fjárfestingarstefnu Exista erlendis segir Lýður:

"Öllu varfærnari getur fjárfesting á erlendum vettvangi vart verið."

Fjárhagsleg staða Exista var góð en er slæm, samanber:

"Styrkur Exista til að standa af sér þetta mikla áfall er í fyrsta lagi fólginn í sterkum efnahag félagsins fyrir hrun og afar góðum rekstri dótturfélaga þess ... ,enda þótt skilyrði um fjárhagslega stöðu kunni að vera brostin."

Með öðrum orðum, viðskiptavinir dótturfélaganna eiga að borga brúsann!

Og svo kemur rúsínan í pylsuendanum:

"Jafnframt munu kröfuhafar fá veð í eignum félagsins, en það hafa þeir ekki í dag"

Hvað þýðir þessi setning?  Hafa erlendir kröfuhafar ekki veð í Símanum? Á að fara að afhenda Símann og Skipti til útlendinga?  Hér er þörf á ítarlegri útskýringum. 

Gegn hagsmunum Íslands

Sókn er besta vörnin, eða hvað?

Ræða stjórnarformanns Exista á nýliðnum aðalfundi byggðist á málefnalegu tómarúmi og leiftursókn á andstæðinga æðstu stjórnenda Exista sem fólst í að:

1. tala niður til fréttamanna

2. tortryggja skilanefndamenn

3. gagnrýna stjórnvöld

4. afgreiða bloggara sem hugleysingja

Eina ljósið í tilverunni er að Exista á sér frelsara sem einn getur afstýrt glötun fyrirtækisins!

 

Lýður: Mannorðsmorð leyfð

En hvað með heildarlaun stjórnarformanns?

Samkvæmt síðasta ársreikningi Exista frá 2007 var Lýður Guðmundsson með heildartekjur frá Exista upp á 1,580,000 evrur eða 292,000,000 kr (24 milljónir á mánuði) á núverandi gengi. (bls. 96 í ársreikning 2007)

Er það rétt skilið að heildarlaun stjórnarformanns séu nú komin niður í 400,000 kr. á mánuði, eða fær Lýður aðrar greiðslur frá Exista?

Hver er svo heildarrekstrarkostnaður við Exista.  Ef hann er ekki 1 ma eða 800m heldur miklu lægri tala eins og Lýður sagði á aðalfundi, hver er þessi "miklu lægri tala"?

Stjórnarlaun Exista lækkuð um 60%

Exista: 800,000,000 kr. í arð til fyrri eigenda?

Krafa Exista um 800,000,000 í rekstrarkostnað er þvílík firra en engu tali tekur.  Þetta er ekkert nema enn ein Barbabrellan til að koma peningum yfir í hendur fyrri eigenda. 

Á meðan lánadrottnar og kröfuhafar taka á sig skellinn fara fyrri eignendur sem bera ábyrgð á gjaldþrota stöðu fyrirtækisins fram á hundruð milljóna í "fyrirfram greiddan arð".  Þessi rekstrarkostnaðarkrafa er ekkert annað en dulbúin arðgreiðsla.

Exita hefur rústað eign hluthafa og þeir sem þar sitja í stjórn er ekki boðlegt koma fram með svona kröfur.  Dótturfélög Exista eru sjálfstæðar einingar sem spjara sig betur ef móðurfélaginu er lokað. 

Skilanefnd á að loka Exista nú þegar og spara 800,000,000 kr. sem eiga að fara í að hjálpa húsnæðislántakendum en ekki halda bakkabræðrum uppi í vellystingum.

Það verður athyglisvert að sjá nöfn þeirra sem telja það boðlegt að þyggja sæti í stjórn Exista?

PS.  Ætli það sé eitthvað samband á milli rekstrarkostnaðar Exista og kostnaðar skilanefndanna?

Exista birtir ekki reikning

Hvaða lán fær næsta kynslóð

Nær öll umræðan í dag snýst um að hjálpa þeim sem tóku húsnæðislán sem þeir ráða ekki við, en hvað með næstu kynslóð?  Mér fyndist skynsamlegt að áður en kemur til almennra aðgerða að lántakendur verið flokkaðir niður í nokkra hópa.

1. Þeim sem voru seld lán sem þeir augljóslega gátu ekki staðið við og bankinn átti að vita betur.  Þetta er sá hópur sem hefur bestu lagalega stöðuna  og ætti að fá úrlausn fyrir dómstólum strax.

2. Þeir sem tóku húsnæðislán í erlendir mynt að ráðlagningu bankanna. Þeirra lánum á að breyta í krónur á genginu þegar lánin voru tekin.

3. Þeir sem tóku lán í erlendri mynt að eigin frumkvæði.  Hér þarf að skoða hvert tilfelli fyrir sig

4. Þeir sem tóku lán í krónum og höfðu alla burði til að standa við lánin þegar þau voru tekin en hafa misst vinnu eða orðið fyrir tekjumissi.  Hér verður að lengja í lánunum og veita greiðsluaðlögun.

Þessi listi er ekki tæmandi en einhvers staðar verður að byrja og því fyrr því betra.

Síðan verður að fara að huga að næstu kynslóð.  Hvernig á hún að koma þaki yfir höfuðið?  Hvaða lán standa henni til boða og á hvaða kjörum.  Húsnæðismarkaðurinn fer ekki af stað fyrr en tekið er á þessum hópi.  Hann má ekki gleymast. 

Höfuðstóll lána verði lækkaður