Exista: 800,000,000 kr. í arð til fyrri eigenda?

Krafa Exista um 800,000,000 í rekstrarkostnað er þvílík firra en engu tali tekur.  Þetta er ekkert nema enn ein Barbabrellan til að koma peningum yfir í hendur fyrri eigenda. 

Á meðan lánadrottnar og kröfuhafar taka á sig skellinn fara fyrri eignendur sem bera ábyrgð á gjaldþrota stöðu fyrirtækisins fram á hundruð milljóna í "fyrirfram greiddan arð".  Þessi rekstrarkostnaðarkrafa er ekkert annað en dulbúin arðgreiðsla.

Exita hefur rústað eign hluthafa og þeir sem þar sitja í stjórn er ekki boðlegt koma fram með svona kröfur.  Dótturfélög Exista eru sjálfstæðar einingar sem spjara sig betur ef móðurfélaginu er lokað. 

Skilanefnd á að loka Exista nú þegar og spara 800,000,000 kr. sem eiga að fara í að hjálpa húsnæðislántakendum en ekki halda bakkabræðrum uppi í vellystingum.

Það verður athyglisvert að sjá nöfn þeirra sem telja það boðlegt að þyggja sæti í stjórn Exista?

PS.  Ætli það sé eitthvað samband á milli rekstrarkostnaðar Exista og kostnaðar skilanefndanna?

Exista birtir ekki reikning

Athugasemdir

[Guðjón Sigþór Jensson, 26.8.2009 kl. 12:56]

Þessi aðalfundur er einkennilegur að ekki sé meira sagt. Hvernig má boða til aðalfundar ef ekki eru lagðir fram ársreikningar? Eru þeir einkamál þeirra sem komust yfir félagið á umdeildan hátt? Af hverju var aðeins 2% greitt inn í félagið af milljörðunum 50? Hvað er verið að fela?

Ræða stjórnarformanns er varnarræða hans í erfiðleikum. Hann er hneykslaður yfir þeirri gagnrýni sem fram hefur komið, m.a. vegna þess að Exista tók sannanlega stöðu gegn krónunni.

Mosi