Af hverju tók þetta næstum 6 mánuði?

Stjórnvöld og Alþingi verða að fara að vinna hraðar og markvissara.  Koma verður fram með praktískar lausnir í atvinnumálum sem hægt er að framkvæma fljótt og örugglega. 

Þjóðin situr, bíður og vonar...  en hversu lengi?

 

  

Greiðsluaðlögun komin í gegnum þingið

Hvaða stefnumál ríma saman? Ekki ESB!

ESB aðild þýðir minni niðurskurð, minni skattahækkanir, lægri vaxtakostnað, afnám verðtryggingar og auðveldari aðgang að fjármagni til að skapa ný störf.

Samt segja allir flokkar nema Samfylkingin að ESB sé ekki aðalkosningamálið.  Stefna flestra flokka er lítið meir en almenn viljayfirlýsing sem í mörgum tilfellum hefur ekki unnist tími til að ljúka.  Þegar kemur að ríkisfjármálum eru kjósendur beðnir um að skrifa undir óútfylltan tékka.  ESB er sú sprengja sem á eftir að springa fyrr en seinna. 

Hvenær ætlar fólk að fara að vakan upp og gera sér grein fyrir því að ríkið getur ekki eytt kr. 600ma á ári ef það aflar aðeins um kr. 400ma. 

ESB aðild er lykillinn í að brúa þetta bil með sem sársaukaminnstu aðgerðum fyrir kjósendur. 

Stefnumál stjórnarflokka ríma saman

"Detox" kynslóð Bjarna

"Ný kynslóð" samanstendur af:

Þorgerði Katrínu, Illuga, Kjartani, Guðlaugi Þór osfrv.

Það er merkilegt hvað prófkjör geta gert.  Þau eru algjör detox og endurnýjun.

Ég bara vona að óháðir kjósendur og aðrir kjósendur sem ekki eru í áskrift hjá x-D séu hinum nýja formanni sammála.

Annars skiptir það ekki miklu máli.  D lista fólk sem kýs B eða S lista er í bestu málum þar sem það veikir Vg í áframhaldandi stjórn. 

Nýrri kynslóð treyst til verks

Silfur Egils

Það var fróðlegt að koma í þátt Egils og hann á þakkir skilið fyrir ágætan þátt sem hefur haldið uppi sjálfstæðri gagnrýni á menn og málefni.  Þjóðin þyrstir eftir upplýsingum og greiningu á þjóðmálum. Stjórnmálamennirnir hafa misst sitt tangarhald á umræðunni og fólk krefst þess að heyra frá breiðum hóp viðmælanda. 

Hér kemur stutt yfirlit yfir stöðu þjóðarinnar og þá 2 möguleika sem ég nefni í þættinum.

Tökum sama ástandið núna:

• Allir bankar fallnir og viðreisn bankakerfisins óviss
• Ónýtur gjaldmiðill sem krefst hárra vaxta og hafta til að skrimta á innlendri grund
• 75%  fyrirtækja á leið í gjaldþrot eða greiðslustöðvun
• 20% heimila í neikvæðri eignastöðu og gríðarlegir greiðsluerfiðleikar hjá enn fleirum
• Sívaxandi atvinnuleysi
  
• Skuldafen Íslands eitt það versta á byggðu bóli
• Tekjustofnar ríkisins hafa hrunið og velferðarkerfið í uppnámi
• Enginn aðgangur að erlendu fjármagni nema með aðkomu AGS
• Icesave og erlendar kröfur ófrágengnar
• Stjórnmálamenn ringlaðir og flokkarnir flestir stefnulitlir
• Þjóðin reið, óttasleginn, tortryggin og bitur
  

Og þeim möguleikum sem eru raunverulegir til að vinna okkur út úr þessu eru aðeins tveir:

1. AGS gæsla og króna
2. EB innganga og evra

Fyrri möguleikinn er ekki að ganga upp.  Nýlega lækkuðu vextir um 1% og krónan féll yfir 10%.  Þetta sýnir að það er ekki raunverulegt að reka nútíma hagkerfi með kr.  Þetta mun þýða fátækt, atvinnuleysi og spillingu um ókomin ár.  Erlendir aðilar munu ekki treysta Íslendingum ef þeir velja þessa leið og erlent fjármagn án aðkomu AGS mun fara til annarra landa en Íslands.  Í þessari leið munu erlendir kröfuhafar, bankar og AGS halda á öllum spilunum.

Seinni möguleikinn þar sem við göngum í samband sjálfstæðra þjóða mun vera sá gæðastimpill sem við þurfum til að færa ró yfir gjaldeyrismál okkar, laða að erlent fjármagn og bæta réttarstöðu íslenskra borgara. Atvinnumálum er best borgið með inngöngu inn í EB, sérstaklega fyrir háskólamenntað fólk. 

 

Króna fjötur um fót

Alltaf er betur að koma í ljós hversu óútreiknanlegir vegir krónunnar eru.  Nú er að spretta upp nýr gjaldeyrismarkaður fyrir utan landsteinana fjarri öllum höftum.  Krónubréfhafar selja sín bréf og krónur til erlendra kaupenda íslenskra sjávarafurða.  Hér er krónan seld á um 240 kr. evran svo íslenskur fiskur er allt í einu kominn á 30-40% útsölu.  Ekki nóg með það, íslenskur sjávarútvegur og þjóðarbúið verður af gjaldeyri og tekjum.  Þetta er alvarleg þróun.  Ef þetta verður viðvarandi þá er ekki langt í það að bíða að verð á íslenskum afurðum byrji að lækka til neytenda erlendis.  Það verður erfitt að hækka það verð aftur ef þetta gerist.  Öll plön um að styrkja krónuna með jákvæðum viðskiptajöfnuði og stækkandi gjaldeyrissjóði eru nú í uppnámi. Hins vegar virðist alvarleg gjaldeyriskrísa vera í uppsiglingu. 

Þetta er klassískt dæmi um hversu hættulegt það er að hugsa ekki hlutina til enda.  Fljótræði og ringulreið sem ríkti þegar þessi höft voru sett eiga eftir að kosta þjóðina.  Betra hefði verið að fljóta krónunni í nóvember og láta krónubréfhafa skipt á lágu gengi líklega 300kr evran og losna við þá.  Þá værum við núna í mun betri málum, líklega með stöðugt og hærra gengi.

Nei, það er fleira en aðild að EB sem getur skaðað íslenskan sjávarútveg. 

Terminator

Það verður ekki annað sagt en að landsfundur Sjálfstæðismanna sé hin besta afþreying.  Alltaf er hægt að stóla á Davíð.  Hann bregst ekki þegar kemur að því að hrista upp í mannskapnum.  Nú þegar hann er á lausu er ekki upplagt að fá hann í Spaugsstofuna.  Þar mun hans tími koma.

Vilhjálmur: Ómakleg ummæli

Að hlaupa frá vandanum

Hér kemur enn ein furðuleg yfirlýsing frá viðskiptaráðherra. 

Nú virðist það orðið dyggð að hlaupa frá vandamálum og skuldum.  Fyrir vikið munum við enda með "heilbrigðari ríkissjóð" 

Hvers konar skilaboð eru þetta til almennings sem stendur í skuldaerfiðleikum eða til erlendra ríkja sem hafa lánað okkur að ekki sé talað um erlenda kröfuhafa. 

Þetta getur aðeins þýtt eitt: heimili og fyrirtæki sem eiga við of mikla fjárhagserfiðleika til að geta leyst þá hljóta að gera eins og ríkið, reyna ekki að leysa þá og þar með enda upp með heilbrigðari skuldastöðu. 

Hér er lausnin komin fyrir einstaklinga og fyrirtæki.  Ríkið gefur tóninn.  Þetta getur aðeins endað á tvo vegu: þjóðargjaldþrot eða eignarupptaka hjá öllum sem hafa hagað sér skynsamlega. 

Landflótti og stöðnun mun fylgja.  

 

Munum geta fjármagnað eftirlaun

En hvers konar jafnræðisstjórn? S+VG eða S+B

Jóhanna þarf að setja markið hærra fyrir Samfylkinguna og koma fylginu upp í 40% til að gefa flokknum  þá  sterku samningsstöðu sem forystuflokkur þarf að hafa til að halda ríkisstjórn við verk út kjörtímabilið.  Án þess styrks er líklegt að stjórn S+VG springi fyrr en síðar.

Jafnaðarstefnan leiði þjóðina

Órökrétt niðurstaða en skiljanleg!

Þar sem EB aðild er eitt aðalmarkmið flokksins hefði verið mun rökréttara að kjósa Árna Pál.  Hans reynsla og þekking er meiri og mikilvægari en Dags. 

Dagur hefur hins vegar ákveðin sjarma sem Jóhönnu skorti, svo valið er skiljanlegt.

Nú þurfa Samfylkingarmenn að segja hvort þeir vilji frekar samstarf með VG eða B.  Þetta er stórmál fyrir kjósendur hægra megin við miðju sem hafa áhyggjur að stefnu og/eða stefnuleysi VG.

Dagur nýr varaformaður

Aðeins x-S eða x-B getur varnað vinstri stjórn!

Það verður ekki af Davíð skafið, hann lífgar upp á allar samkomur og talar tæpitungulaust.  Hvort hann er hæfari Seðlabankastjóri en "norski lausamaðurinn" er annað mál.

Þar sem enginn vill fara í stjórn með Sjálfstæðisflokknum er aðeins um eitt að velja, kjósa næst besta kostinn sem er annað hvort x-S eða x-B. 

Að kjósa x-D styrkir aðeins VG.

Ef nógu margir Sjálfstæðismenn kjósa S eða B þannig að samanlagt fái þeir 50% er búið að sparka VG út í háa grasið. Annar möguleiki er meirihlutastjórn S án B.  Óskastjórn EB sinna.  Hnífurinn gæti snúist í höndum Steingríms!

Kaldhæðni örlaganna er að hvert atkvæði sem er greitt x-D færir Sjálfstæðismenn nær 2% eignarskatti VG.

Já, nú eru góð ráð dýr!

 

NB.  Að kalla Svein Harald lausamann, er nú ekki eins fjarlægt sannleikanum og sumir halda.  En meir um það seinna.

Víkingar með Samfylkingu