Framsókn byggir með ráð og dáð!

Hér kemur enn einn flokkurinn með töfrasprota sem á augabragði mun breyta íslensku efnahagslífi til hins betra.  Allt þetta virðist vera hægt með ráð og dáð en ekki fjármagni.

Allar hugmyndir Framsóknarflokksins virðast annað hvort kosta ekkert eða borgaðar af erlendum kröfuhöfum.  Þetta er ekkert annað en óskhyggja.  Varla er minnst á ríkisfjármálin og skattastefna flokksins er ein allsherjar þoka.

Þessi stefnuyfirlýsing er svo ótrúlega léleg og illa sett fram að ég get ekki fengið mig til að eyða meiri tíma í svona vitleysu.

Eina undantekningin er stefna flokksins um nýja stjórnarskrá sem ber að fagna.

Vaxtalækkun og niðurfærsla skulda

Er Alþingi komið með útibú í Westminster?

Hvernig væri að Alþingismenn ræddu sínar eigin skýrslur um þetta mikla mál áður en skýrsla erlendra þingmanna kemur þar til umræðu?  Hér er skýrsla sem er unnin faglega en búast má við að hún verið notuð á Alþingi í flokkspólitískum tilgangi.  Öll áherslan verður lögð á að firra íslenska stjórnmálamenn ábyrgð og kasta ryki í augu kjósenda. 

Þetta er enn ein sönnun þess að íslenskir kjósendur þurfa í auknu mæli að sækja haldbærar og óháðar upplýsingur um íslensk þjóðmál í erlenda fjölmiðla og skýrslur sérfræðinga og nefnda þjóðþinga innan ESB!

Árna Mathiesen getur að minnsta kosti skellt Doris Day á fóninn og tekið sveiflu undir:

 

 

Ræða skýrslu Breta á mánudag

Hlutverk breytast en aðferðirnar þær sömu

Steingrímur J. Sigfússon ... krefst þess að öll skjöl og gögn sem snúa að lánsumsókn Íslendinga til Alþjóðagjaldeyrissjóðsins og umræðu um samkomulag vegna Icesaeve-reikninga, verði þar lögð fram og gerð opinber ... VG segir ríkisstjórnina hafa hundsað löggjafarþingið og haldið upplýsingum frá almenningi í þessu máli sem öðrum.  Mbl 17 nóvember 2008

Þessi frétt úr Morgunblaðinu frá nóvember talar sínu máli og sannar að ekki er allt sem sýnist.  Allir fjórflokkarnir nota sömu aðferðir þegar þeir eru í ríkisstjórn. 

Þetta á ekki að koma þingmönnum á óvart.  Þeir þekkja leikreglurnar og þetta er aðeins gert til að ganga í augun á kjósendum.

Það er orðið auðveldast að skilja það fólk sem mun skila "auðu" í næstu kosningum.

Fengum hroka en ekki svör

Er þingræði á Íslandi?

Þessi skýrsla fjárlaganefndar breska þingsins er um margt athyglisverð.  Eitt það athyglisverðasta við hana er þó að sitjandi fjármálaráðherra er harðlega gagnrýndur af þingmönnum síns eign flokks, verkamannaflokksins. 

Hin faglegu og óháðu vinnubrögð nefndarinnar sem byggja á staðreyndum og sjálfstæðri greiningu er í hróplegri andstæðu við hin klúðurslegu og pólitísku yfirklór sem einkenna störf Alþingis.

Það er óhugsandi að meirihluti Alþingismanna sama í hvað flokki þeir tilheyra mundi undir nokkrum kringumstæðum gagnrýna fjármálaráðherra síns eigin flokks. 

Nei, íslenskir þingmenn haga sér eins og trúboðar á Alþingi en ekki eins og sjálfstætt hugsandi fulltrúar kjósenda.  Þessar kosningar munum engu breyt um þetta.  Sorglegt en satt.

Hryðjuverkalög of harkaleg

Cheerios pakkinn í 1000 kr og bensínið í 300 kr!

Gjaldeyriskrísan sem er í uppsiglingu eftir kosningar er hrikaleg. Nú lítur út fyrir að lífskjör á Íslandi verði skrúfuð aftur um 60 ár.

Það mun verða þjóðinni dýrt að kjósa yfir sig VG fjármálaráðherra (Left Green Finance Minister) Endurfjármögnun Landsvirkjunar mun gera útslagið um það, ef það klúðrast þá verður hér skálmöld!

 Erlendir kröfuhafar og bankar eru að búast til atlögu.

Evran komin yfir 160 krónur

Prinsipp maður

Hér er réttur maður á réttum stað.  Gunnar þekkir til bankastarfsemi og þeirra sem eiga líklega mestan þátt og ábyrgð í hruninu.  Þetta er mikilvægt.

Gunnar hefur sýnt og sannað að hann er heiðarlegur prinsipp maður sem stendur og fellur með sinni sannfæringu.

Reynsluheimur Gunnars er víðari og fjölbreyttari en gengur og gerist meðal Íslendinga svo honum mun reynast auðvelt að innleiða alþjóðleg viðurkennd vinnubrögð innan FME.

Ég óska Gunnari vel gengis í nýju starfi og starfsmenn FME mega vera stoltir af sýnum nýja yfirmanni.

 

Gunnar Andersen forstjóri FME

Skuldir og krónan magna vandann

Allar þjóðir eiga nú við efnahagserfiðleika og aukið atvinnuleysi að etja, en vandamálið er stærra á Íslandi eins og flestir vita.  Þar eiga hinar gríðarlegu skuldir landsins og ónýtur gjaldmiðill mikla sök.

Brýnustu aðgerðir í efnahagsmálum nú eru:

1. Ákveða og ná samningum við erlenda kröfuhafa og banka um hvaða skuldir við ætlum að borga og hvernig, og hvaða skuldir við verðum að fá felldar niður.  Aðeins þá mun fjármagn fara að streyma til landsins.  Erlendir fjárfestar og bankar þurfa að vita hver greiðslugeta Íslendinga er í raun og veru.  Í núverandi ástandi halda fjárfestar að sér höndum því þeir vita ekki hvort við erum í raun gjaldþrota eða ekki.  Því lengur sem þetta ástand varir því erfiðar verður að snúa þróuninni við. 
2. Krónan er dauð og kemur í veg fyrir að fjölbreytt atvinnulíf blómstri hér.  Henni þarf að skipta út um leið og samningar nást við krónubréfshafa.  Valið stendur aðeins um evru og dollar.  Senda verður skýr skilaboð til ESB að við ætlum að sækja um aðild og að gjaldeyrir þjóðarinnar verði annað hvort evra eða dollar.  Gott væri að þegar verði hafnar viðræður við Seðlabanka Bandaríkjanna og honum kynntar hugsanlegar aðgerðir hér til að taka upp einhliða dollar.  Þetta setur pressu á ESB að láta okkur fá evru á undaþágu. 

Við verðum að fara að tala við nágrannalöndin okkar um þessi mál strax. 

17.944 á atvinnuleysisskrá

... og gengið féll um 10%

Vonandi verðu hin nýja Peningastefnunefn ekki jafn óheppin næst þegar hún ákvarðar vaxtakjör.  Greinilegt er að þegar nefndin leit á sína mæla og ákvað að lækka vexti gleymdist að kíkja á haftamælinn enda er þetta nýlunda fyrir alla meðlimi ráðsins.  Fáir hafa reynslu í að ákvarða vexti í þeim furðuheimi sem íslenskan krónan nú skrimtir. 

Vonandi er búið að gera við lekann svo hægt verði að fara að lækka vexti frekar.

Voru sammála um að lækka vexti um 1 prósentu

Dregið í land eða hvað?

Lilja Mósesdóttir frambjóðandi hjá VG sagði í Morgunblaðinu 26. mars að VG muni leggja á 2% sanngjarnan eignarskatt eftir fyrirmynd frá öðrum Norðurlöndum.

Nú er þessi yfirlýsing Lilju sem Steingrímur einnig endurtók í Sjónvarpinu allt í einu kölluð hræðsluáróður.  Hvað eiga kjósendur að halda.?  Hver er skattastefna VG?

Það er að sumu leiti óréttlátt að gagnrýna aðeins VG.  VG hefur að minnsta kosti talað um skattamál sem er meir en aðrir flokkar hafa gert.

Hvar standa S, B og D í þessum málum?  Kjósendur verða að fá tölulegar upplýsingar varðandi stefnu allra flokka í ríkisfjármálum fyrir kosningar en ekki eftir.

Árétting um eignaskatt

"If I were a rich man"!

Þessi frétt kemur ekki á óvart. 

Bankar sem hafa engan efnahagsreikning og fyrirtæki sem eru á barmi gjaldþrots eiga vel saman! 

 

Nánast engin lán til fyrirtækja