Aðildarviðræður verða að hefjast í sumar þegar Svíar fara með forsæti ESB

Ef ekki verður farið í ESB viðræður í sumar þegar Svíar fara með forsæti ESB missum við líklega af lestinni og þurfum að bíða í fleiri ár eftir viðræðum.

Þetta vita VG og því þurfa þeir aðeins að þrauka og skáka Samfylkingunni út í horn til áramóta.

Eftir það geta þeir samþykkt þjóðaratkvæði um viðræður fullvissir þess að ekkert verður úr þeim sama hvernig kosningin fer því ESB verður líklega ekki til viðræðu allt næsta kjörtímabil ef þær hefjast ekki 2009.

VG ekki tilbúinn í aðildarviðræður í sumar

Björgvin er ekki trúverðugur

Er þetta ekki sami maður sem vissi ekki að bankakerfið sem hann var ábyrgur fyrir var á fleygiferð út af Látrabjargi. 

Hvers vegna ættu kjósendur að trú þessum manni núna?  Getur Jóhanna bakkað þennan mann upp?

Evrópustefnan verði á hreinu

Eru íslenskir blaðamenn sofandi?

Góðar fréttir um óvænt fé en hvers vegna birtist þetta í bresku blaði?  Hvers vegna eru það yfirleitt breskir blaðamenn sem eru fyrstir með fréttirnar og íslenskir starfsbræður þeirra eru í þýðingarhlutverki? 

Það lítur núna út sem Bretar séu okkar bestu bandamenn og þeir einu sem virðast hafa upplýsingar til að styrkja erlent traust á Íslandi.  Hér er eitt dæmi svo var það skýrsla bresku þingnefndarinnar, osfrv.

Bretar hafa aldeilis snúið blaðinu við, hvenær ætlað Íslendingar að vakna af sínum Þyrnirósasvefni?

 

Óvænt fé í íslenskum banka

Getum við fengði magnafslátt á Illuga og Guðlaug?

Hver alþingismaður mun kosta kr. 3.2 m.  

Á þessum síðustu og verstu tímum held ég að kjósendur ættu að fara fram á magnafslátt.

Sérstaklega á þetta við um þingmenn sem eru nú í endurvinnslukjöri.

Kosningar kosta 200 milljónir

Geta Íslendingar tekið upp sömu mynt og Danir?

Það verður hrein nostalgía þegar hægt verður að nota sömu mynt í Reykjavík og Kaupmannahöfn.  Á þeim degi verður okkur hugsað til fortíðarinnar og okkar forfeðra sem gerðu slíkt hið sama fyrr á öldum. 

Eitthvað held ég nú samt að þetta muni standa í fáeinum þjóðernissinnum sem mega ekki hugsa þessa hugsun á enda.

Er ekki tími kominn til að minna þjóðina á "maðkaða mjölið"?

Danir nálgast evruna

Mary Poppins og kosningabaráttan

Ég er farinn að halda að Mary Poppins hitti alveg í mark hvað varðar aðgerðir flokkanna í ríkisfjármálum eftir kosningar. 

Julie Andrews setur tóninn og flokkselítan á Íslandi er í trans eins og krakkarnir hér að neðan.

Boðaði kosningaerindið

Enn eitt sjálfsmark Íslendinga

Íslendingar gera það ekki endasleppt erlendis um þessar mundir.  

Sjálfsmörk og sviðin jörð er það eina sem þeir skilja eftir sig. 

Svo þurfa útlendingar að þrífa skítinn og borga þá hreinsun enda erum við ekki borgunarmenn.

Frábær landkynning.  Áfram Ísland !

West Ham ekki selt næstu 3 ár

Skortur á óháðum, tímanlegum og ábyggilegum upplýsingum er alvarlegt vandamál.

Einn alvarlegasti vandi sem steðjar að þjóðinni er skortur á óháðum, öruggum og tímanlegum upplýsingum.  Án ábyggilegra upplýsinga verður ekki tryggt að stjórnvöld taki réttar ákvarðanir. 

Stjórnmálamenn vaða reyk þegar kemur að ríkisfjármálum.  Sú staða sem komin er upp að ekki er hægt að reikna út hvað t.d. 2% eignaskattur, eða 5% hátekjuskattur gæfi mikið í ríkiskassann er fáránleg.  Ekki mundu kjósendur í nágrannaríkjunum okkar sætta sig við svona vinnubrögð.

Nei, ég get ekki munað eftir annarri eins upplýsingakrísu síðan á tímum Sovét.  Allar haldbærar upplýsingar koma aðallega frá erlendum stofnunum eða sérfræðingum.

Þær litlu upplýsingar sem til eru á Íslandi er pólitískt stjórnað.  Blaðamenn og almenningur hafa ekki aðgang að óháðri og sjálfstæðri stofnun sem getur afla og miðlað nauðsynlegum upplýsingum um hagstærðir þjóðarbúsins. 

Samþykkt að fækka ráðuneytum

Trygging ekki sama og gæsla

Bæði Mexikó og Pólland hafa leitað til AGS í tíma og sótt um lánalínur til baktryggingar svo ekki sé hætta á að ríkin komist í gjaldeyrisþrot.

Ísland er allt annað dæmi.  Okkur var þröngvað inn í AGS.  Geir og Davíð gerðu allt til að forðast AGS þar til allt var komið í óefni og erlend ríki settu okkur afarkosti sem ekki má skýra frá. 

Þá og aðeins þá gáfust stjórnvöld upp og sögðu sig á sveit hjá AGS.

 

AGS kemur Mexíkó til hjálpar

...og lífskjör á Íslandi falla meir en í öðrum löndum

Hvað þurfa lífskjör að falla mikið hér á landi þar til að landsmenn gera sér grein fyrir að ESB aðild er eina raunhæfa langtíma lausn á vanda þjóðarinnar?

Allar Evrópuþjóðir þar sem meðaltekjur eru lægri en meðaltekjur ESB hafa sótt um aðild eða bíða þess að sækja um aðild. 

Það virðast verða örlög þessarar þjóðar að keyra þjóðartekjur niður fyrir ESB meðaltal fyrr en aðild verður á dagsskrá.  En þá getur það orðið of seint og hvað þá?

Fátækt, atvinnuleysi, skömmtunarseðlar  og landflótti.

 

Flóknara að ganga í ESB