Trygging ekki sama og gæsla

Bæði Mexikó og Pólland hafa leitað til AGS í tíma og sótt um lánalínur til baktryggingar svo ekki sé hætta á að ríkin komist í gjaldeyrisþrot.

Ísland er allt annað dæmi.  Okkur var þröngvað inn í AGS.  Geir og Davíð gerðu allt til að forðast AGS þar til allt var komið í óefni og erlend ríki settu okkur afarkosti sem ekki má skýra frá. 

Þá og aðeins þá gáfust stjórnvöld upp og sögðu sig á sveit hjá AGS.

 

AGS kemur Mexíkó til hjálpar

Athugasemdir

[Friðrik Hansen Guðmundsson, 18.4.2009 kl. 11:49]

Sú saga gengur að samningar Alþjóða gjaldeyrissjóðsins, AGS, sé í þrem lögum. Þannig hafi þeir alltaf samið.

• Fyrsta lagið er kynnt almenningi og fjölmiðlum.
• Annað lagið er kynnt ákveðnum aðilum í stjórnsýslunni og helstu þingmönnum.
• Þriðja lagið er síðan kynnt einum eða tveim ráðherrum.

Þannig vinnur AGS er sagt.

Þetta er hugsanlega ein ástæða þess að AGS er ekki búið að afgreiða lán númer tvö til okkar. Þeir bíða þar til núverandi bráðabyrgðastjórn fer frá. Þegar ný ríkisstjórn tekur við setjast þeir að forsætisráðherra og kynna honum samninginn til fulls og skilyrðin sem honum fylgja.