Á hvaða gengi?

Það er enginn vandi að ná verðbólgu niður í 2.5% 2010 bara að fella gengið niður í 250 - 300 kr evran eða lægra fyrr árslok. 

Þá er nokkuð öruggt að krónan hangi í 250 kr evran út 2010 og verðbólga verður 2.5%. 

Vola!

Norsk viska frá 1262!

(Eru ekki kosningar eftir viku? Hvað er verra en pólitískur og norskur Seðlabanki?)

Verðbólga í 2,5 prósent 2010

Fordæmi fyrir Icesave

Með því að borga allt út fyrir innistæðueigendur Kaupthing Edge er komið fordæmi að borga út fyrir aðra aðila þar á meðal Icesave. 

Útlendingar gera ekki greinarmun á Edge og Icesave. 

Ef íslenskur ráðherra borgar út í Þýskalandi verður sá sami að borga út í öðrum ESB löndum. 

Allir íslenskir bankar eru undir skilanefndum skipaðar af íslenskum stjórnvöldum. 

Hvað þýðir þetta fyrir íslenska skattgreiðendur?

 

Innistæður Edge greiddar út

Mikil hrossakaup í vændum

Skemmtileg hrossakaup á milli Steingríms og Jóhönnu eru í vændum. 

Þar verður tekist á miklum hagsmunum.

Flokksgæðingar S og VG hugsa sér gott til glóðarinnar.

Hefur eitthvað breyst í íslenskum stjórnmálum?

 

Hafa ekki leyst ágreining um ESB

...nema í löndum þar sem IMF hefur lánað peninga!

IMF vill meiri innspýtingu stjórnvald til að koma atvinnulífinu aftur af stað.  Hins vegar gildir þetta ekki um Ísland og önnur lönd sem hafa þurft að leyta á náðir sjóðsins.

Uppsskrift stjóðsins er nefnilega að endurgreiðsla lána til IMF kemur fyrst á undan uppbyggingu atvinnulífsins.  Kreppan hjá þjóðum sem hafa þegið IMF hjálp verður því mun alvarlegri og lengri en frjálsum þjóðum.  En það er eitt af hinum ófrávíkjanlegu skilyrðum sjóðsns.  Allir hugsa fyrst um sig.

IMF veit einnig að Ísland hefur enga aðra möguleika og getur því skipað fyrir af öryggi.  Við höfum reyndar tapað okkar efnahagslega sjálfstæði og sagt okkur á sveit hjá IMF.  Kaldur raunveruleiki sem er erfitt að horfast í augu við.

Allt tal um að við getum skipt um "kennitölu" og hlaupið frá okkar erlendu skuldum eins og Icesave er barnaskapur.  Meir en 2/3 af okkar útflutningi fer til ESB og þar er Bretland langmikilvægasti markaður okkar.  Þessir aðilar halda á öllum trompunum eins og Gordon Brown hefur sýnt í verki.

Ef Bretar beita okkur hryðjuverkalögum verður þeim og ESB ekki skotaskuld úr því að rifta EES samningnum og bjóða okkur tvíhliða samning með sérstökum "Icesave" tolli á okkar sjávarútvegsvörur.  Svo þurfa allar gjaldeyristekjur okkar að fara um erlenda banka, þannig að ansi erfitt er fyrir okkur að lýsa yfir "gjaldþroti" og byrja aftur á nýrri kennitölu. 

Því miður hafa Íslendingar gjörsamlega ofmetið stöðu sína í alþjóðasamfélaginu.  Smæð hagkerfisins hér gerið það að verkum að útlendingar geta beðið og sýnt okkur þolinmæði.  En ekki misskilja þessa þolinmæði, við erum geymd en ekki gleymd.  Sá dagur mun renna upp að við verðum krafin greiðslu. 

Útlendingar eru praktískir, þeir munu leyfa íslenskum stjórnmálamönnum að telja landsmönnum trú um að auðlindir landsins séu í eigu þjóðarinnar.  Afrakstur og hagnaður mun hins vegar renna í erlenda vasa til að borga skuldir. 

ESB verður okkar eina raunhæfa leið út úr vandanum til að varna landflótta, fátækt og viðvarandi atvinnuleysi.  IMF samningurinn mun að lokum sannfæra meirihluta þjóðarinnar.  Þegar niðurskurðurinn og launalækkanir fara að bíta af alvöru munu margir skipta um skoðun.  Það er enn langur tími til jóla.

 

Vilja meiri innspýtingu

Spurning til allra flokka: Hver verða hlutföllin og stærðirnar?

Einni spurningu vill enginn flokkur svara: Hver verða hlutföllin á milli skattahækkana og niðurskurðar til að ná jafnvægi í ríkisfjármálum?

Þetta er sú spurning sem kjósendur þurfa að fá að vita og síðan hvaða skattar verði hækkaðir til að fylla upp í skattagatið og hvar verði skorið niður til að fylla upp í niðurskurðargatið.

Þetta er ekkert flókið en ekkert fæst upp úr flokkunum nema að fara eigi blandaða leið.  Þetta er ekkert svar enda er þetta augljóst hverju 10 ára barni og í raun eru stjórnmálamenn að gera lítið úr kjósendum með að tuða um hluti sem þýða ekkert. 

Hið tölulega tómarúm sem umlykur þessar kosningar er ótrúlegt.  Íslendingar verða að fara að gera meiri kröfur til sinna stjórnmálamanna. 

Tökum dæmi. 

Gefum okkur að við förum að dæmi Íra og brúum hallann með 1/3 skattahækkunum og 2/3 niðurskurði og að hallinn sé kr. 180 ma sem þarf að fara niður í 0 2012.

Skattahækkanir:

• Matarskattur á lúxus matvöru                          kr.  ? ma
• Virðisaukaskattur                                           kr. ? ma
• Skattur á bensín, áfengi og tóbak                     kr. ? ma
• Hátekjuskattur                                              kr. ? ma
• Fyrirtækjaskattur                                           kr. ? ma
• Eignaskattur                                                 kr. ? ma
• Erfðafjárskattur                                             kr. ? ma
• Fjármagnstekjuskattur                                    kr. ? ma
• Aðrir skattar og gjöld                                     kr. ? ma
• Samtals:                                                                 kr. 80 ma

Niðurskurður:

• Launalækkun ríkisstarfsmanna                        kr. ? ma
• Samdráttur í heilbrigðisþjónustu                      kr. ? ma
• Sparnaður í menntamálum                             kr. ? ma
• Lægri örorkubætur og ellilífeyrir                       kr. ? ma
• Færri sendiráð og utanríkisþjónusta                 kr. ? ma
• Önnur útgjöld ríksins                                     kr. ? ma
• Samtals                                                                kr. 120 ma

Getur einhver hjálpað mér að fylla í eyðurnar hér að ofan?

 

Soffía frænka og Kasper

Úti er ævintýri

Erlendir spekúlantar hugsa sér nú gott til glóðarinnar þegar Landic verður tekið til gjaldþrotaskipta.

Þessir sömu aðilar sem tókst að pranga fasteignum inn á Íslendinga á uppsprengdu verði munu geta endurheimt fyrri eignir á brunaútsöluverði.  Mismunurinn milli söluverðs og kaupverðs fyrir útlendingana mun verða mikill og ágóðinn af íslenska ævintýrinu góður.

Klókir erlendir fjárfestar eru fljótir að þefa upp græningja með opið ávísanahefti.  Og aldrei hljóp eins á snærið hjá þessu fólki og þegar íslenskir útrásarvíkingar fór á stjá.

Landic Property óskar eftir greiðslustöðvun

Pólitískur Seðlabanki?

Hvers vegna er Seðlabankinn farinn að verja krónuna núna rúmri viku fyrir kosningar en gerði það ekki síðastliðinn mánuð?

Hvers konar hentistefna er þetta?  Varla eykur þetta trú á sjálfstæði bankans.  Þvert á móti. 

Tekur norski gæslumaðurinn nú við skipunum frá Fjármálaráðuneytinu?

Það er búið að vera aðalmarkmið stjórnvalda, Seðlabankans og IMF að koma á stöðueika á gjaldmiðilinn og lyfta höftum.  En það öfuga gerist, gengið lækkar og höftin aukast.

Hvað er að gerast hér?  Það eina sem heyrist frá stjórnvöldum er sama gamla tuggan samanber Jón Sigurðsson í dag þar sem hann segir:

"Forgangsverkefni í þeirri endurreisn séu þrjú: stöðugleiki krónunnar, lækkun vaxta og afnám gjaldeyrishafta. Sagði Jón trúverðugleika Seðlabankans þegar hafa verið aukinn og upphaf þessa starfs, m.a. vegna reglubreytinga, lofa góðu."

Er verið að tala hér um Ísland? 

 

Seðlabankinn ver gengi krónunnar

Áfall fyrir stefnu IMF

Hið mikla fall og óstöðuleiki krónunnar samhliða auknum höftum er mikið áfall fyrir stefnu IMF og sýnir að mistök voru gerð við greiningu á efnahagsástandinu hér.

Ástæðan er einföld.  Enginn þekkti neitt til Íslands hjá IMF. Ég efast um að starfsmenn þeirra stofnunar viti hvar Ísland er á landakorti.  Nei, IMF greip til þeirra tækja sem þeir þekkja og hafa notað í öðrum löndum, eins konar "cut and paste" aðferð sem nú virðist vera að mistakast.

Það sem er enn verra er að ekkert heyrist frá IMF eða stjórnvölum um stefnubreytingu.  Haldið er áfram á sömu braut, höftin hert, vextir hafðir háir (en lækkaðir aðeins vegna kosninga), verðbólgan og atvinnuleysi látið aukast.

Efnahagsleg framtíð Íslands mun byggja á 3 undirstöðum:

1. Höftum
2. Eignatilfærslu frá sparifjáreigendum til skuldara
3. Ríkisforsjá í atvinnumálum

Kannast ekki einhverjir við þetta frá fyrri tíð?

Vaxtagreiðslur til eigenda jöklabréfa veikja krónuna

Dramb er falli næst

Þegar stjórnmálamenn byrja að kenna fjölmiðlum um þeirra ófarir er hætta á ferðum. 

Þá eiga viðvörunarbjöllur að hringja hjá kjósendum.

Guðlaugur og Illugi fá sín svör frá Reykvíkingum eftir rúma viku. 

Guðlaugur telur málið ekki skaða flokkinn

Steingrímur hálfdrættingur Bjarna!

VG virðast ekki styðja sinn formann til forsætisráðherra eins og Sjálfstæðismenn.  Bjarni fær sama fylgi og hans flokkur en Steingrímu virðist aðeins njóta fylgis tæplega helmings síns fólks.

Hver ætli ástæðan sé? 

Ætli helmingur VG kjósenda séu í raun Samfylkingarfólk sem ekki styður ESB aðild?

Meirihluti vill Jóhönnu áfram