En er rétt reiknað?

Engin óháð og sjálfstæð stofnun er til á Íslandi sem getur farið yfir þessar tölur Seðlabankans og reiknikúnstir og gefi hlutlaust mat hvor hér sé rétt að staðið. 

Nú er slæmt að hafa ekki Þjóðhagsstofnun.

3100 milljarða skuldir

Norðmaður skýrir frá aðgerðum í ríkisfjármálum!

Það er ansi hart að þjóðin þurfi að heyra um aðgerðir í ríkisfjármálum frá norska Seðlabankastjórnum. Svein segir: "Gert er ráð fyrir verulegum niðurskurði útgjalda hins opinbera og að skattar verði hækkaðir, auk annarra tekjuaukandi aðgerða sem kæmu til framkvæmda í áföngum fram til ársins 2011."

Ekki gerir Seðlabankinn ráð fyrir þessu nema að hafa eitthvað í höndunum sem er meir en íslenskir kjósendur hafa.  Er það þetta sem Steingrímur og Jóhanna eiga við þegar þau segja "allt upp á borðir" og "upplýsingar til almennings" en fyrst til norska ríkisborgarans Svein Harald!  

Er Osló yfir Reykjavík?

Umtalsverð vaxtalækkun í júní

70% lækkun mælt í evrum

46% raunlækkun í krónum á fasteignum segir ekki alla söguna. Mælt í evrum verður lækkunin mun meiri líklega nálægt 70%.  Það er því líklegt að allir sem tóku húsnæðislán í gjaldeyri munu enda uppi með negatífa eiginfjárstöðu. 

Ísland mun fara í sögubækurnar sem "besta" dæmið um þá gríðarlegu áhættu sem því fylgir að taka húsnæðislán í erlendum gjaldeyri.

Ísland vinnur engin gull á Ólympíuleikunum en í fjármálu eigum við hvert heimsmetið á fætur öðru. 

46% raunlækkun fasteigna

Pólitísk fyrirgreiðsla

Á meðan bankaráðin eru pólitískt skipuð er erfitt að sjá að aðgerðir í atvinnulífinu séu teknar af óháðum aðilum á viðskiptalegum grunni.  Þetta fyrirkomulag getur haft ófyrirsjáanlegar afleiðingar fyrir atvinnulífið á landinu um ókomin ár.  Stærsta hættan er að atvinnuleysi og lág laun verði viðvarandi enda hefur ekkert land getað rekið stóran hluta af sínu atvinnulífi undir ríkisforsjá með góðum árangri.  Austur Þýskaland komst næst því, er það leið sem við viljum fara?

Atvinnulífið í höndum íslensku ríkisbankanna

Stuðningur við ESB eykst í réttu hlutfalli við lífskjarahrunið

Það lág alltaf fyrir að stuðningur við ESB mundi aukast eftir því sem lífskjör hér falla.  Í raun má segja að krónan sé einn stærsti áhrifavaldurinn í aftöðu fólks til ESB.  Almenningur er nú farinn að láta pyngjuna ráða.  Dýrtíð, atvinnuleysi, skuldafen, almenn ringulreið og óvissa er allt vatn á myllu ESB. 

Það hljóta að vera mikil vonbrigði hjá VG að ekki tókst að rétta af krónuna í mars og létta höftunum.  Fallið í apríl og hert höft innsigluðu ESB málið eins og kom í ljós í kosningunum og þessi skoðanakönnun bendir einnig til.

Hvað getur Steingrímur staðið lengi á bremsunni?   Kjósendur VG virðast vera farnir fram úr flokksforystunni og margir komnir á sveif með ESB sinnum!  

61,2% vilja aðildarviðræður

Vantar þjálfað starfsfólk

Það hreinlega vantar þjálfað og reynt starfsfólk sem getur sest niður með einstaklingum og fyrirtækjunum og farið í gengum stöðuna og komið með raunverulegar lausnir fyrir hvern og einn. 

Það er ekki hægt að búast við að Ísland hafi starfskraft til að stjórna svona prógrammi miðað við það skuldafargan sem hvílir á þjóðinni.

Strax í nóvember átti að kalla á hóp sérfræðinga frá Norðurlöndunum sem reynslu í svona vinnu og fá þá til að skipuleggja þetta og stjórna.  Þar með hefði ekki aðeins fengist kunnátta og þekking heldur einnig sjálfstæði og óháð mat.

Ef þessi vinna hefði  byrjað fyrir 6 mánuðum værum við langt komin með hana og ólíklegt að sú ringulreið og öngþveiti sem nú ríkir væri til staðar.

Ísland þarf hjálp erlendis frá, við komumst ekki út úr þessu sjálf.  Við einfaldlega höfum ekki þann sérþjálfaða og óháða mannafla sem þarf til.

ASÍ vill bráðaaðgerðir á morgun

Fæðist tvíburastjórn?

Fáum við tvær stjórnir fyrir verð einnar?  Eins sem fer með ESB málið og samanstendur of OSB og svo hina sem fer með "önnur" mál og samanstendur of S og VG? 

Svo er að sjá hvernig tvíburunum komi saman?  

Flokkarnir eru ósammála

VG gefur eftir vegna OB handsprengjunnar!

Ljóst er að stjórnin verður óstarfhæf ef ESB verður ekki lagt fyrir þingið strax.  Annars ætti stjórnin alltaf yfir höfði sér að OBbarnir hótuðu að henda inn á Alþingi sinni handsprengju þ.e. sameiginlegri ályktun Framsóknar og Borgarahreyfingarinnar um að hefja ESB viðræður.  Hvað mundi Samfylkingin gera þá? 

Það verður að gera þessa handsprengju óvirka annars fá OBbarnir of mikil völd á Alþingi og geta þvingað fram breytingar sem þóknast þeim.

Nú er bara að sjá hvernig og hvenær ESB viðræður verða lagðar fyrir þingið.

 

ESB-málið til Alþingis

Neyðarlögin fyrir Hæstarétt strax!

Hvernig geta dómstólar tekið á nauðasamningum án þess að taka á rót vandans, Neyðarlögunum, sem sett voru í október?   

Með neyðarlögunum var venjulegum leikreglum kastað fyrir róða og stjórnarskrá landsins sett í uppnám.  24 erlendir bankar hafa farið í mál við íslenska ríkið, FME og Seðlabankann.  Hvers vegna gera samtök heimilanna ekki slíkt hið sama?  Í réttarríki er það eina leiðin.  Dómstólar eiga að skera úr þessu en ekki framkvæmdavaldið.  Leiðrétting sem byggir beint eða óbeint á lögum sem standast ef til vill ekki stjórnarskrá landsins er engin lýðræðisleg leiðrétting. 

Neyðarlögin fyrir Hæstarétt strax!  Þjóðin verður að fá dómsúrskurð á þessi lög áður en lengra er haldið.  Að ekki megi lögsækja ríkið er valdníðsla sem stenst ekki grundvallar mannréttindi.

Meta þarf hvert tilfelli

Steingrímur hefur rétt fyrir sér hér

Það er rétt hjá Steingrími að greiðsluverkfall myndi hafa mjög alvarlegar afleiðingar fyrir þjóðarbúskapinn sem sendur á hnífsoddi eins og er.  Auðvita er vandi skuldara mikill en leiðin út er ekki að velta þessu yfir á ellilífeyrisþega og aðra þá sem hafa verið ráðdeildarsamir og ekki tekið stór lán. 

Það heyrist ekki mikið í þessu fólki hér á blogginu enda flest komið á eftir ár og ekki eins bloggsigldir og yngri kynslóðin sem hefur alist upp við að fá allt upp í hendurnar og aldrei kynnst neinu efnahagslegu mótlæti.  Þetta eru auðvita mikil viðbrigði fyrir hana en örvænting og örþrifaráð sem setja foreldra hennar á vonarvöl er ekki lausnin.

Það er ábyrgðarhlutur að kalla á svona róttækar aðgerðir þegar ríkisstjórnarviðræður eru á viðkvæmu stigi.  Allir þurfa að sína stillingu og sanngirni.  Það er erfitt en þarf samt að gerast.  Við megum ekki við meiri áföllum.

 

Varar við örþrifaráðum