Köttur í kringum heitan graut

Hvers vegna í ósköpunum er ekki hægt að fá svar við spurningunni:  Er arðsemi íslenskrar orkusölu yfir eða undir meðalfjármögnunarkostnaði (ROIC vs. average cost of capital).  Það er þetta sem skiptir máli fyrst og fremst.

Hver er skilgreiningin á "lágu verði" hér?  Hvers vegna er ekki hægt að tala um málin umbúðarlaust.  Af hverju er verið að fara í kringum þetta eins og heitan graut? 

Skýrsluhöfundur segir að þeir hafi ekki neinna sérhagsmuna að gæta.  Það er ekki hans að dæma um það.  Það ríkir lítið traust til opinberra aðila núna svo þessi yfirlýsing er kjánaleg.  Hún er ekki trúverðug fyrr en hún er staðfest að óháðum og sjálfstæðum aðilum, helst erlendum með engin pólitísk tengsl á Ísland.

Alþekkt að orkuverð hér sé lágt

Hvar eru peningarnir?

Ef 100 ma eign verður að 96 ma skuld á einu ári er vonandi 4 ma eftir.  Hvar eru þessir peningar?

Svo má spyrja sig hvernig gat maður með ekki betra viðskiptavit fengi öll þessi lán?  Var það út á hárgreiðsluna og teinóttu fötin eða persónuleg sambönd við stjórnmálamenn? Hafa faðir og sonur verið að spila ljótan leik þar sem faðirinn tók alla áhættuna en sonurinn tók við peningunum?  Er þetta enn eina Barbabrellan til að kasta ryki í augu almennings og dómstóla?

Fór eitthvað af þessum peningum í vasa íslenskar stjórnmálamanna?  Enginn nema Eva Joly getur tekið á þessu.

Eitt stærsta persónulega gjaldþrot í heimi verður á litla Íslandi?  Er furða að útlendingar skulu vera skeptískir á Íslendinga?

 

PS.  Það hafa margir bent á að eign Björgólfs hafi verið 100 ma í plús og sé nú 96 ma í mínus og þar með sé hér um viðsnúning upp á 196 ma eða næstum 1 ma pund sem Björgúlfur hefur "sóað"  Gera aðrir betur.  Ég þakka athugasemdirnar.

Einn sá ríkasti í heimi gjaldþrota

Allir hugsa um sig, enginn hugsar um mig nema ég!

Eva er í þessari grein að segja gamla sannleikann að stjórnmálmenn hvar sem er hugsa aðeins um eigin hag, næstu endurkosningu.  Prófkjör eru upphaf og endir alls.  Íslendingar ættu að skilja þetta vel, þeir þurfa ekki annað en að líta á samsetningu Alþingis.  Svavar og Icesave nefndin var skipuð af þessum öflum.

Íslendingar geta ekki gert meiri kröfur til erlendra stjórnmálamanna en sinna eigin.

Við lifum í "realpolitik" heimi og verðum að aðlaga okkur að þeirri staðreynd.

Stöndum ekki undir skuldabyrði

Almenn skynsemi stjórnar Icesave viðhorfum erlendis

Þessi frétt í FT um Icesave staðfestir það sem margir hafa haldi fram.  Hollendingar og Bretar eru aðeins að fara fram á það sem almenn skynsemi krefst.  Þeir þurfa ekki að beita sér neitt sérstaklega þar sem umheimurinn utan Íslands frá Helsinki til Washington er á sveif með þeim. Þetta geri stöðu okkar enn veikari.

Eignarrétturinn er verndaður í stjórnarskrá Íslands og mannréttindasáttmála SÞ og Evrópu og því er eðlilegt og sjálfsagt að siðmenntuð lýðræðisþjóð sjái sinn sóma í að ganga frá þessum málum tímanlega og faglega.  

Sú staðreynd að við fengum ekki "góðan" samning er okkar vandamál sem við verðum að lifa með.  Við getum ekki hagða okkur eins og óþekkur og ofdekraður krakki sem er vanur að fá allt.  Sá tími er liðinn en því miður hafa margir hér á landi ekki gert sér grein fyrir þeirri staðreynd.

Íslendingar kenni Hollandi og Bretlandi um allt slæmt

Pólitísk töf

AGS er segja við íslensk stjórnvöld "þið hafið tæpan mánuð til að koma Icesave í höfn". 

Þetta er ekki tæknilegt vandamál heldur stórpólitískt. 

Icesave stoppar allt, svo einfalt er það.  Alþjóðasamfélagið hefur nú sagt hingað og ekki lengra.

Nú verður hinn óþekki krakki að taka meðulin sín, skila öllu dótinu sem hann er búinn að vera með í láni og sætta sig við minni vasapening. Þetta verður erfitt en mun þó hafast að lokum.

Stjórnvöld halda í vonina

Há laun engin trygging

Há laun á Íslandi hafa ekki tryggt að til æðstu stjórnar hlutafélaga á opnum markaði hafi valist fólk sem hefur haft hagsmuni hins almenna hluthafa að leiðarljósi.

Eftir því sem meiri upplýsingar birtast um stjórnarhætti og athafnir íslenskar hlutafélaga verður varla komist að annarri niðurstöðu en að stjórnir þessara fyrirtækja hafi sýnt vítavert gáleysi í sínum störfum.

Í flestum löndum er hægt að draga stjórnarmenn til ábyrgðar hafi þeir sýnt vítavert gáleysi í skyldum sínum að standa vörð um hagsmuni allra hluthafa.

10 mánuðum eftir hrun hefur lítið gerst til að bæta réttarstöðu hins almenna hluthafa.  Þeir virðast sem fyrr berskjaldaðir fyrir yfirgangi meirihlutans sem getur farið með fjármuni hlutafélaga að vild.

Í núverandi stöðu sýndi almenningur vítavert gáleysi ef hann setti krónu í íslensk hlutafélög án verulegra réttarbóta.  Þetta á einnig við um fjármuni almennings sem er geymdur í þeirra lífeyrissjóðum.   

270 bankamenn með yfir milljón

Pólitískir amatörar eina ferðina enn?

Það er rétt hjá Ágústi Hafberg að ný skýrsla um arðsemi orkusölu er mjög villandi og erfitt að átta sig á henni.  Það er t.d. ómögulegt að fylgja forsendum á útreikningi ROIC arðsemi og það rýrir skýrsluna mjög mikið að hvergi er gert grein fyrir "average cost of capital" í hinum mismunandi viðmiðunarlöndum. 

Þetta er álíka og að komast að þeirri niðurstöðu að bílar keyri of hratt án þess að hafa viðmiðun um hver hámarkshraðinn er.

Því miður bendir margt til að hér hafi stjórnvöld eina ferðina enn sett pólitískan amatörisma fram yfir fagleg vinnubrögð.

Segir upplýsingar um arðsemi villandi

Frestun á láni IMF álitshnekkir fyrir Ísland

Frestun á láni IMF er mikill álitshnekkir fyrir íslensk stjórnvöld.  Það mun vera einstakt að OECD meðlimsland gefi út yfirlýsingu um að öll skilyrði IMF hafi verið uppfyllt en þrátt fyrir það fái frestun hjá stjórn sjóðsins á elleftu stundu. 

Icesave er orðið einn stærsti pólitíski prófsteinn sem þessi kynslóð stjórnmálamanna hefur þurft að glíma við og teygir anga sína frá Brussel til Washington.   Í húfi er hvort Íslendingar hafi pólitískan vilja og getu til að ráða sínum málum á faglegan og viðurkenndan hátt.

Greinilegt er að efasemdir hafa vaknað viða erlendis um stöðu landsins, ekki aðeins efnahagslega stöðu heldur einning pólitíska og stjórnsýslulega stöðu landsins.  Erum við í stakk búin til að leysa okkar vandamál, tímanlega og faglega?

Því lengur sem Icesave dregst því hraðar munu þessar efasemdir breiðast út og festast í hugum fólks.  Efnahagsleg ímynd landsins hefur beðið gífurlegan hnekk eftir hrunið, spurningin er hvort pólitísk ímynd landsins sé á sömu leið?

Við erum að falla á tíma.  IMF hefur gefið okkur tæpan mánuð til að klára Icesave.  

 

Vonast eftir láni í lok ágúst

Almenn skynsemi á að ráða

Að halda því fram að Björgólfur Thor sé ekki tengdur Landsbankanum og þeim sem þar tóku ákvarðanir sýnir mikinn dómgreindarskort af stjórn gamla Landsbankans.  Í raun sýnir það að stjórn Landsbankans var ekki óháð og sjálfstæð.  Hvaða einstaklingur í stjórn bankans gætti hagsmuna almennra hluthafa?

Þegar faðir og sonur fara með meirihluta atkvæða, ráða alla stjórnarmenn sjálfir og taka allar helstu ákvarðanir er í hæsta máta kjánalegt að halda því fram að sonurinn sé óháður föðurnum af því að hann á minna en 20% hlut.

Fyrrverandi stjórn Landsbankans dæmir sig sjálf með svona yfirlýsingum og sýnir og sannar að engin uppbygging á íslenskum hlutabréfamarkaði getur átt sér stað nema að skýr og ýtarleg lög séu sett um stjórnarhætti.  Þar verður að tryggja að meirihluti stjórnarmanna séu óháðir helstu hluthöfum (10%) og meirihluta "klíkum" og leppum hluthafa.  Í raun eiga þessi lög að ganga út á að allir innlendir hluthafar séu tengdir nema sýnt sé fram á annað og það staðfest að erlendum aðilum.

Þegar kemur að tengslum er Íslendingar alls ófærir að dæma hvað teljast tengsl og hvað ekki. 

 

Litu ekki á Björgólf Thor sem tengdan aðila

Bensínskömmtun fyrir jól?

Ef Alþingi fellir Icesave, stöðvast IMF prógrammið, lánstraust okkar fellur, lán verða kölluð inn, Norðurlöndin munu ekki senda peninga til okkar heldur lyf, fóður og matvæli. ESB verður sett á ís og bensínskömmtun hefst fyrir jól.

Brýnt að leysa Icesave-deilu