Beðið eftir Godot alls staðar!

Ísland virðist hafa breyst í eitt allsherjar leiksvið þar sem allt og allir bíða eftir Godot áður en til athafna getur komið.

Að ekki sé hægt að veita sjúklingum lyf vegna þess að beðið sé eftir staðfestingu á að það megi skipta um framleiðenda (eins og að skipta frá kók yfir í pepsí!) sýnir betur en margt annað þá ákvörðunarfælni og seinagang sem nú tröllríður öllu hér.  Líklega er verið að bíða eftir að heilbrigðisráðherra gefi grænt ljós á þetta.  Sá ráðherra-flöskuháls sem nú hefur myndast í ákvörðunarferli stjórnvalda á eftir að kæfa það litla sem eftir er af framtakssemi og áræði þjóðarinnar.

Hvernig ætli staðan sé með nýjustu og dýrustu krabbameinslyfin ef eitt einfalt magalyf fæst ekki?  Því miður bendir margt til að dýrustu lyfin munu ekki fást nema í gegnum kunningsskap eða rétt flokksskírteini!  Auðvita verður þetta allt gert "löglega" í gegnum klínískar leiðbeiningar sem miða að því að spara frekar en að lækna.  Þar þarf heilbrigðisráðherra ekki annað en að líta til Bretlands og láta þýða skjöl frá hinni alræmdu stofnun sem nefnist því haldhæðnislega nafni NICE.  Stofnun sem fáir Íslendingar hafa heyrt um en allir sjúklingar hér á landi ættu að þekkja.  Meir um þetta seinna.

Bagalegt þegar lyfin eru ekki til

Athugasemdir

[Haukur Pálsson (IP-tala skráð) 19.5.2009 kl. 09:11]

Blessaður og sæll, Andri

Innilegar hamingjuóskir með daginn.

 Kveðja, Haukur