Landsvirkjun að falla niður í "non-investment grade" flokk

Þetta eru ekki góðar fréttir fyrir Ísland og stöðu íslenskra fyrirtækja í augum erlendra fjárfesta.  Landsvirkjun, eign þjóðarinnar, fær BBB- einkunn fyrir langtímaskuldir, lægsta einkunn í "investment grade" flokki en þar sem fyrritækið er sett á athugunarlista er það í raun komið í "junk" flokk.  Enda segir í áliti S&P:

 In our opinion, Landsvirkjun's stand-alone credit quality has further 
deteriorated, and we now assess Landsvirkjun's stand-alone credit profile as 
'B-', reflecting a weak and highly leveraged financial risk profile and a weak 
liquidity position.

Það er líklega ekki langt í það að lánsmat íslensk ríkisins verði lækkað enn frekar sem mun þýða hærri vexti á erlend lán sem aftur kallar á hærri skatta og meiri niðurskurð. 

Það vill oft gleymast að aðgangur að erlendu fjármagni og lánskjör Íslands erlendis er alfarið á hendi erlendar aðila og stofnanna.  Þessu geta íslensk stjórnvöld ekki ráðið eða breytt með skipunum.

Neikvæðar horfur hjá Landsvirkjun að mati S&P

Athugasemdir

[Bonzo (IP-tala skráð) 9.5.2009 kl. 10:11]

Eiginlega eru Standard & Poors að benda á að það myndi breyta miklu um mat þeirra á fyrirtækinu ef það yrði einkavætt.

[Andri Geir Arinbjarnarson, 9.5.2009 kl. 10:52]

Einmitt, með því að einkavæða Landsvirkjun og setja hana í hendur óháðra stjórnenda og fjárfesta fæst betra lánsmat og aðgengi að erlendum lánum. 

Það má líka lesta þetta að erlendir aðilar hafi litla trú á að Íslendingar geti stjórnað sínum málum á óháðan og sjálfstæðan hátt.  Innlend pólitík, hagsmunatengsl og árekstrar og kunningsskapur í 300,000 þjóðfélagi er það sem erlendir aðilar óttast.  

[Björn Kristinsson (IP-tala skráð) 9.5.2009 kl. 16:39]

Er ekki málið að fela erlendum bönkum að taka yfir alla bankastarfsemi á Íslandi.

Er ekki að sjá að þetta kennitöluflakk sé að skila okkur neinu.

Með því að fá erlendu kröfuhafana til að taka yfir gamla bankakerfið fengist ef til vill einhver tiltrú á íslenska hagkerfinu.