Lífeyrissjóðirnir látnir kaupa OR rusl

Samþykkt Reykjavíkurborgar um að heimila OR að auka skuldabyrgði sína um 10 ma kr. er óskiljanleg.  Fyrirtækið rambar á barmi gjaldþrots, lánshæfni er komin í ruslaflokk, og fjármálastjórnun síðustu ára er með eindæmum.  Nær hefði verið að fara fram á rannsókn á hvers vegna OR er í jafn vonlausri fjárhagslegri stöðu og raun ber vitni.

Sagt er að þessir peninga eigi að fara í fráveituframkvæmdir.  Ekki væri ég hissa ef eitthvað af þessu fé færi í að borga "arð" til eigenda og vexti til lánadrottna.

Svo verður athyglisvert að fylgjast með hvort lífeyrissjóðirnir kaupi þessi bréf og á hvaða vöxtum og með hvaða afföllum.  Í flestum löndum eru skýr lög um að lífeyrissjóðir geta og mega ekki kaupa ruslabréf (junk bonds).  Þessi lög hafa verið sett til að vernda hagsmuni sjóðsfélaga.

Sú staðreynd að opinber aðili leggur til að lífeyrissjóðirnir kaupi rusl sýnir að viðskiptasiðferði á Íslandi er langt fyrir neðan það sem boðlegt getur talist. 

Eins og svo margt annað er viðkemur fjármálum og neytendavernd eru svona aðgerðir löglegar á Íslandi en bannaðar erlendis.  Er furða að útlendingar hristi hausinn yfir íslenskum vinnubrögðum og siðferði. 

Nú verða sjóðsfélagar að standa upp og verja sína hagsmuni og fjármuni.  Það er ekki lífeyrissjóðanna að borga fyrir þau hörmulegu mistök sem hafa átt sér stað hjá OR.

 

Athugasemdir

[HF (IP-tala skráð) 18.11.2009 kl. 17:53]

Lífeyrissjóðirnir verða að svara OR með beiðni um opinbera rannsókn á OR. Eftir að hún liggur fyrir má skoða hvort hægt er að kaupa skuldabréf af OR og þá með hve miklum afföllum.

[Guðfinna (IP-tala skráð) 23.11.2009 kl. 16:15]

Ekki má gleyma "sérstöku endurmati" upp á 55,8 milljarða, á meðan eigið fé alls er ekki nema 37 milljarðar.  Ef ekki væri fyrir þetta "sérstaka endurmat", væri OR með 18,5 milljarða neikvætt eigið.  Sem sagt 18,5 milljarða skuldir umfram eignir eða mínus 8,9%.

Hér gæti verið um svokallað "creative accounting" að ræða.  Ef svo væri, þá OR tæknlega gjaldþrota og væntanlega um sakamála að ræða?  Getur það verið?

[Þrándur (IP-tala skráð) 23.11.2009 kl. 21:40]

En eru ekki sæmileg veð fyrir þessu?  Er ekki akkur í því að kaupa þetta, bíða eftir að þetta gjaldfalli og henda pólítíkusum út úr fyrirtækinu - fara síðan að huga með fullum fókus að arðbærum rekstri með ópólitískri stjórn?

[Birgir Gislason (IP-tala skráð) 24.11.2009 kl. 09:19]

Ekki má gleyma rúmlega 9 milljarða tapi OR í haust á sölu sinni á hlut í HS Orku til Magma Energy.  Það verður athyglisvert að sjá hvernig menn færa það til bókar.  Það hefur bein áhrif til lækkunar á eigin fé félagsins (ef vafasömum bókhaldsæfingum er ekki beitt).