Afneitun - töfralausn Íslendinga

Afneitun á öllu er orðin ein allsherjar töfralausn hér á landi.  Allt gengur út á að láta hlutina líta vel út á yfirborðinu, kenna öðrum um ófarirnar og hneykslast á þeim sem biðja um að við lítum í eigin barm.  Við þolum enga gagnrýni erlendis frá, getum ekki tekið á henni, förum í lás og heimtum svör frá öllum öðrum en okkur sjálfum. 

Meiri hluti þjóðarinnar vill segja nei við AGS, EB og Icesave, neita erlendum lánum og byggja íslenska endurreisn á "einn eða annan hátt"  í dásamlegri einangrun frá okkar nágrönnum.  Og Guð hjálpi þeim sem voga sér að spyrja um smáatriðin í þessu stórkostlega plani!

 

 

 

 

Athugasemdir

[Erling Garðar Jónasson (IP-tala skráð) 29.10.2009 kl. 16:57]

Sammála upp á millimetra.

[Finnur Bárðarson, 29.10.2009 kl. 16:59]

orð í tíma töluð. Þessari rembuþjóð er ekki við bjargandi.

[Andrés Kristjánsson, 29.10.2009 kl. 17:42]

Sammála, ég tel að tilraunir margra til að varpa ábyrgðini frá sér sé dæmi um vanhugsaðan popúlisma.

[Sævar Helgason, 29.10.2009 kl. 19:06]

Sammála þér .

Er ekki að koma í ljós uppeldi þjóðarinnar síðustu 60-65 árin ? 

Þjóðin var í einstakri aðstöðu öll kaldastríðsárin og gat leyft sér að heimta nánast hvað sem var frá erlendum þjóðum- undir verndarvæng Kanans- annars úrsögn úr Nato og herinn burt. Ráðamenn fv. í BNA vanda okkur ekki umsögnina um tíðina..

Þetta er uppeldið - en þjóðin skilur ekki að þetta eru liðnir tímar.

[Kama Sutra, 29.10.2009 kl. 19:59]

Ég er sammála.

Það eru margir í samfélaginu sem eiga allt sitt undir því að gamla spillingin fái að grassera hérna áfram.  Auðvitað vilja þeir engar breytingar.  Þeim fylgir svo hjörð af heilaþvegnum sauðum og litlum tunglum, sem lepja allt upp eftir þeim og sjá ekki í gegnum skrumið.  Sauðirnir vilja frekar láta þessa hagsmunaaðila kvelja sig og arðræna en að þurfa að viðurkenna og horfast í augu við eigin heimsku.  Þeir eru logandi hræddir við breytingar.

Það er þetta þjóðrembufólk sem galar endurtekið "Ísland best í heimi"!   Og við hin erum kölluð landráðalið.

Mér fallast hendur.  Frá upphafi hruns hef ég aldrei verið eins svartsýn á framtíð þjóðarinnar eins og ég er orðin núna.

[thin (IP-tala skráð) 29.10.2009 kl. 21:13]

Frábær grein og takk fyrir. Afneitunin kemur fram holdi klædd í skoðanakönnunni sem sýnir hverjum þjóðin treysir við uppbyggingarstarfið, Davíð Oddssyni. Það er ekki einu sinni hægt að biðja Guð að hjálpa okkur,........