Landsvirkjun og OR: 17 punktar jafngilda 1 ma kr.

Landsvirkjun og OR eru skulduð fyrirtæki, það er alveg á hreinu.  Samanlagt skulda þessi 2 orkufyrirtæki um 600 ma kr eða sem samsvarar 43% af landsframleiðslu.

Ef þessi fyrirtæki væru seld fengist kannski um 230 ma kr fyrir þau bæði.  Þeir sem keyptu væru að taka ansi mikinn skuldabagga á sig en ef kaupendur hafa betra lánstraust en Ísland þá er endurfjármögnun ansi arðbær.  Hver 17 punkta lækkun á vöxtum (100 punktar - 1%) jafngildir 1 ma kr. í lægri vaxtakostnað.

Þessi staðreynd segir okkur að erlendir aðilar eru í miklu betri aðstöðu til að kaupa Landsvirkjun en íslenskir lífeyrissjóðir.  Hversu lengi getum við dregið þennan skuldabakka á eftir okkur svo við getum sagt að við "eigum" þessi fyrirtæki?  Kemur ekki að þeim tímapunkti að heilbrigðisþjónusta verður mikilvægari en eignarhald á OR og LV.   Hvað þá?

Landsvirkjun ekki föl

Athugasemdir

[Eiríkur Hjálmarsson (IP-tala skráð) 23.10.2009 kl. 20:34]

Ef þú lækkar ávöxtunarkröfuna á lán OR um 17 punkta þá ertu kominn langleiðina niður fyrir LIBOR/EURIBOR. Orkuveitan býr við afar hagkvæma fjármögnun á sínum lánum og hefur erlendar tekjur til að borga þau.

[Sigurður Rafn (IP-tala skráð) 23.10.2009 kl. 21:59]

Hagnaður Landsvirkjunar á fyrri helmingi árs var nærri 6 milljarðar kr. USD 49.3 milljónir. Hagnaður allt árið 2009 gæti orði nálægt 12 milljarða með hækkandi álverði. Ef skuldir eru um 382 milljarða er afkoman viðunandi. Árið 2006 greiddi Landsvirkjun 22 ma. í tekjuskatta, en frá 2007 enga. Landsvirkjun nýtur þess nú hve vextir í USD eru lágir, en staðan í vaxtamálum gæti versnað.

Fróðlegt væri að sjá vexti og skuldir OR til samanburðar. Hagnaður OR á fyrrihluta árs er sagður 575 milljónir eða einn tíundi tekna Landsvirkjunar. Skuldir gætu verið yfir 200 milljarða.

[Gunnar Skúli Ármannsson, 23.10.2009 kl. 22:00]

Sæll Andri,

veit einhver með vissu hvað þessu fyrirtæki skulda. Tóku þau kúlulán? Hvenær eru gjalddagar? Þessar upplýsingar skipta máli þegar ákvörðun er tekin.

Andri, ef erlendir aðilar eignast Landsvirkjun og OR hvernig mun þá verð til almennings verða á afurðum þeirra. Er ekki vænlegra að við höldum þessu í innlendri eign?

[Björn Kristinsson (IP-tala skráð) 23.10.2009 kl. 22:22]

1. Getur vel verið að OR hafi fengið hagstæð erlend lán á sýnum tíma. OR og Landsvirkjun þurfa hins vegar að endurfjármagna sig að stórum hluta á næstu 2 árum um hudruði milljarða á næstu árum. Ætli vaxtaálagið verði ekki  hærra en það er í dag
2. Ef sjóðsstreymi OR væri raunverulega sett saman í samræmi við lánakörfu félagsins þá væri það í góðum málum í dag. Vandi OR og Landsvirkjunar er hins vegar að stór hluti af tekjum þess kemur í IKR en skuldastaðan er einkum í erlendri mynt !!

Skoðum ársreikning OR aðeins betur (árshlutareikning 30.06.09)

Vaxtaberandi skuldir = 223 milljarðar IKR þar af

Erlendar skuldir = 206 milljarðar í dreifðri myntkörfu

Innlendar skuldir = 17 milljarðar

Samkvæmt eðlilegu rekstrarlíkani ættu því um 92% af tekjum OR að koma af erlendri starfssemi.

Rekstrartekjur = 11,9 milljarðar IKR (1H 2009) sem skiptast í um 60-70% innlendar tekjur (IKR) og 30-40% erlendar tekjur.

Í skýringum stendur:

"Orkuveita Reykjavíkur hefur samþykkt stefnu um markmið og framkvæmd áhættustjórnunar. Meginmarkmið áhættustýringar samkvæmt stefnunni er að stuðla að stöðugri afkomu og lágmarka fjármagnskostnað með því að lágmarka sveiflur í gengi og álverði og stuðla að lágu vaxtastigi."

Finnst mönnum virkilega að þetta sé staðreyndin miðað við niðurstöðu ársreikningsins.

Höfum einnig í huga að eigið fé OR brann upp um tæpa 11 milljarða á 1H 2009 og fór úr 48 milljörðum í 37 milljarða. Það er stutt í felgurnar með sama framhaldi.

[Björn Kristinsson (IP-tala skráð) 23.10.2009 kl. 22:31]

Sigurður Rafn (IP-tala skráð) 23.10.2009 kl. 21:59

"Hagnaður OR á fyrrihluta árs er sagður 575 milljónir eða einn tíundi tekna Landsvirkjunar"

Tap OR á 1H 2009 var samkvæmt árshlutareikningi 2009 10,6 milljörðum IKR. OR er í virkilega vondum málum og er á leiðinni í gjaldþrot með sama framhaldi. Það er nú bara ekkert meira en það !!

Að Reykjavíkurborg ætli síðan að krefja OR um 2 milljarða arðs af rekstri er hjóm því að eigið fé OR er í björtu báli þessa mánuðina.

Kalt mat. OR hefur ekkert bolmagn í meiriháttar framkvæmdir á næstu árum.

[Sigurður Rafn (IP-tala skráð) 23.10.2009 kl. 23:15]

Arðgreiðslur OR hafa numið 1,5 milljarða á ári til borgarinnar, en Hanna Birna borgarstjóri vill fá 800 m. í ár. Kröfur borgarstjóra um arðsemi er eins og tilskipun.  Hlýtur að vera veðbólguhvetjandi ef OR færi að hækka verð. Lítill munur er á OR og öðrum fyrirtækjum. Þau blómstra eftir tekjum og árferði. Þessi fyrirtæki eru á engri vonarvöl og hljóta að bíða eftir betri tíð og hærra orkuverði.

[Andri Geir Arinbjarnarson, 24.10.2009 kl. 07:41]

Arðgreiðslur OR til Reykjavíkur eru fengnar að láni!  Þegar kemur að endurfjármögnun lána OR og LV þá held ég að erlendar lánastofnanir noti tækifærið og hækki álagið í samræmi við lánstraust ríkisins.

Því hærri vexti sem þessi fyrirtæki þurfa að borga því minni skatta og hagnað skila þau.  Það er ekki endalaust hægt að taka lán til að borga "arð"

Erlendir aðilar með betra lánstraust en ríkið geta endurfjármagnað lán LV og OR í framtíðinni betur sem styrkir skattstofn þessara fyrirtækja.  Þetta er einfaldlega dæmi sem þarf að stilla upp og reikna. 

[Arinbjörn Kúld, 24.10.2009 kl. 17:13]

Þetta er nú bara hreint og klárt brjálæði, 2 fyrirtæki sem skulda 43% af landsframleiðslu! Í hvers konar veröld lifum við?

Kveðja að norðan.