"Kerling vill hafa nokkuð fyrir snúð sinn"

Hvað vilja Bakkabræður fá fyrir þessa verksmiðju?  Það hangir eitthvað meir hér á spýtunni en taugar til landsins?  Hvað getur það verið?

Skuldaniðurfelling?

Hagstæð lán?

Uppreisn æru?

Yfirráð yfir Exista?

Eitt ættu Íslendingar að hafa lært og það er að sjaldnast koma réttar upplýsingar fram í íslenskum fjölmiðlum.  Þar hefur fagurgalinn löngum sungið falskan söng.

Verksmiðja Bakkavarar gæti skapað 750 ný störf

Athugasemdir

[Snorri (IP-tala skráð) 13.6.2009 kl. 08:22]

Ég held að þessir landráðsmenn ættu að láta sig hverfa. Fyrir mitt leiti þá vill ég ekki sjá þá í íslensku atvinnulífi meir.......

[TH (IP-tala skráð) 13.6.2009 kl. 09:52]

Þessir menn eru helber "kríp". Ætla þeir að nota blóðpeninga þjóðarinnar í þessa verksmiðju líkt Björgólfur Thor í gagnaverið í Keflavík?

[Björn Finnbogason, 13.6.2009 kl. 10:00]

Hvað með ódýrt vinnuafl, og atvinnuhúsnæði? Hráefniskostnað? Ég tel að maður þurfi nú ekki að vera neinn stjarneðlisfræðingur til að sjá kostina við þetta eins og staðan er.  Þessir bakkabræður hafa nú hingað til ekki talist heimskir neitt!

[Andri Geir Arinbjarnarson, 13.6.2009 kl. 10:44]

Björn,

Hver á að fjármagna þessa verksmiðju?  Það þarf að punga út tugum ef ekki hundurðum milljóna áður en hægt er að fara að græða á ódýra íslenska vinnuaflinu.

Er ekki betra að hafa vaðið fyrir neðan sig og að taka engu trúanlegu sem heyrist frá þessu liði og spyrja óþægilegra spurninga og krefjast að allt sé upp á borði varðandi þetta mál.  Ætli Exista og Kaupþing tali ekki sínu máli.

Ef það er grundvöllur fyrir svona verksmiðju þá á að bjóða það út og reyna að fá sem flesta aðila með í dæmið.