Morgunblaðið horfir til fortíðar

Sú ákvörðun að aðskilja Morgunblaðið frá blogginu er einhver sú furðulegasta í blaðaheiminum í dag og verður seint talin góð út frá viðskiptalegum sjónarhóli.

Fjölmiðlar út um allan heim keppast við að nota nýja tækni til að tengja sig betur og nær lesendum sínum.  Fólk er hvatt til að segja sína skoðun á mönnum og málefnum.  Fréttaöflun er í sí auknu mæli að færast í hendur almennings sem er staddur þar sem atburðir gerast.  

Það er ekki hægt að stöðva tímann og hverfa til liðinnar aldar.  Morgunblaðið er hreinlega að grafa sína eigin gröf með svona strategíu. 

Athugasemdir

[Jóhannes Laxdal Baldvinsson, 17.3.2010 kl. 16:41]

Þessir nýju herrar og eigendur eru greinilega ekki að skilja hversu djúpstæð andúð manna er á ritstjóranum. En það er líka reynsla fyrir því að hann vill sitja fast í embættum svo kannski er ekki hægt að reka hann...

[Grefillinn Sjálfur - Koma svo! (IP-tala skráð) 17.3.2010 kl. 16:47]

Á kerfisblogginu stendur þetta um tilgang breytinganna:

"Tilgangurinn með þessum breytingum er fyrst og fremst að skapa betri aðgreiningu milli þess efnis sem heyrir undir ritstjórnarlega ábyrgð Morgunblaðsins og annars efnis."

Var í alvöru einhver sem skildi bloggskrif eintaklinga þannig að þau "heyrðu undir ritstjórnarlega ábyrgð Morgunblaðsins"?

Það held ég varla þannig að þessi skýring er bara bull og yfirklór.

[Björn Birgisson, 17.3.2010 kl. 17:07]

Hrunskýrslan er handan við hornið. Betra að vera við öllu búinn!

[Svavar Bjarnason (IP-tala skráð) 17.3.2010 kl. 18:41]

Það má alltaf búast við svona löguðu, þegar Dabbi fer öfugu megin fram úr rúminu að morgni dags!

[Kama Sutra, 17.3.2010 kl. 20:31]

Ég gæti best trúað að þessi ráðstöfun sé örvæntingarfull tilraun örvasa manns til að reyna að fjölga áskrifendum að þessum dauðadæmda fjölmiðli.  En virkar samt alveg þveröfugt.

Sorglegt hvernig búið er að láta einn mann eyðileggja Morgunblaðið.

[Sævar Helgason, 17.3.2010 kl. 21:58]

Kannski er þetta fyrsta skrefið á þeirri vegferð að leggja blog.is af ?

Nú styttist í skýrslu Rannsóknarnefndar Alþingis. Hugsanlega vill ritstjórinn vera einn um að skýra og fjalla um efnið . Bloggið truflar  þá einræðu sem þessi ritstjóri er vanur og þekktur fyrir.

[Ómar Ragnarsson, 17.3.2010 kl. 23:08]

Þegar ég renni augum yfir nokkra bloggara sést að innlitum hefur fækkað í dag, hvað sem síðar verður. Sjálfur áttaði ég mig ekki á því strax hvernig ég gæti komist inn á bloggið.

Þetta á kannski eftir að venjast en ég spyr eins og fleiri: Datt einhverjum í hug annað en að ég bæri sjálfur ábyrgð á bloggsíðunni minni? 

[Björn Birgisson, 18.3.2010 kl. 00:02]

Nei, Ómar Ragnarsson og ég á minni. Hvað er Mogginn eiginlega að bralla? Kíktu á Andra Geir. 

[Björn Birgisson, 18.3.2010 kl. 00:04]

 Fattaði ekki hvar ég var! Mikið að gera!

[Hildur Helga Sigurðardóttir, 18.3.2010 kl. 05:11]

Þetta er alveg með ólíkindum !