Ekkert nýtt hjá Mishcon de Reya

Það var fyrir löngu ljóst að að vextir á Icesave miðuðust við að Ísland væri í 100% órétti í þessu Icesave máli.  Vextir upp á 4.25% hefðu verið eðlilegri eins og ég skrifaði um í júní hér.

Álit þessarar dýru lögmannsstofu er eins og að Alþingi fengi erlenda ráðgjafa til að lesa á klukkuna í Alþingishúsinu.  Augljóst en dýrt. 

Ekki er öll vitleysan eins.

 

Icesave-samningur hvorki skýr né réttláttur

Athugasemdir

[Sævar Helgason, 21.12.2009 kl. 22:26]

Nú er stefnt að því að ljúka við að samþykkja þennan Icesave samning, sem er okkur í raun afar hagstæður miðað við þátt okkar í málinu öllu.  Síðasta umræða er áætluð n.k mánudag og síðan gengið til atkvæðagreiðslu.  Best og heilla vænlegast hefði verið fyrir þjóðina að ljúka þessu mál í júní s.l eða fyrir 6 mánuðum. Þá væri  hér bjartara yfir efnahagslífinu... Á þessari 6 mánaða töf með skrípaleik og ónytjungsaþvargi hefur ekkert áunnist ... En gott að málalok eru skammt undan...

[Sigurður Sigurðsson (IP-tala skráð) 21.12.2009 kl. 22:50]

Bjartara yfir efnahagslífinu, já alltaf gaman þegar menn komast að svona niðurstöðum. Bjartara segir Sævar, það væri nákvæmlaga ömurlega ástandið. Við skuldum alveg jafn mikið og sennilega meira ef eitthvað er. Það sem þessi lögfræðistofa segir er líka það sem við vissum fyrir að samningurinn er skelfilegur og Svavar og félagar hafa samið af sér.

[Hans Haraldsson (IP-tala skráð) 21.12.2009 kl. 23:50]

Hvar náðir þú í álit Mishcon de Reya?

[Magnús Birgisson (IP-tala skráð) 22.12.2009 kl. 09:34]

Ef 5,55% vextirnir eru of háir afhverju endurfjármagnar þessi flotti lántakandi, Ísland, ekki einfaldlega lánin annarsstaðar frá?

Skyldi það ekki vera staðreynd að  þessir vextir, 5,55%, eru einfaldlega bestu vextirnir á einu lánunum sem okkur stóð til boða?

Það kann að vel að vera að 4,25% vextir séu "eðlilegir" fyrir Ísland....hinsvegar eru engin lán með slíkum lánskjörum í boði og því bara rifrildi um keisarans skegg að bera þetta tvennt saman.

Hvort sem okkur líkar betur eða verr þá er það skynsamlegasta leiðin núna að ljúka Icesave og snúa okkur að því að koma Íslandi aftur inní samfélag þjóðanna með það að markmiði að endurbyggja lánstraust og þá fyrst eru forsendur til staðar til að tala um 4,25% vexti eða í raun hvaða vexti sem er.... 

[Andri Geir Arinbjarnarson, 22.12.2009 kl. 14:43]

Magnús,

Rök þín eru einmitt þau rök sem Bretar og Hollendingar hafa notað enda höfum við um ekkert val að ræða þegar kemur að þessari fjármögnun.  Hins vegar áttu Íslendingar að höfða til óvissunnar í kringum Icesave og fara fram á að löndin hittust á miðri leið.  Það getur vel verið að Ísland sé í 100% órétti með þetta Icesave en það lág ekki fyrir í þessari samningagerð og samningar eru jú til þess fallnir að aðilar nái saman.