"Sjoppulegt samsæri gegn Sjálfstæðismönnum"

Viðhorf verða að raunveruleika segir enska máltakið: "perception becomes reality".  Fátt á betur við um ímynd Íslands erlendis um þessar mundir. 

Menn verða að spyrja sig hvort líklegra sé að erlendir aðilar taki trúanleg orð virts blaðamanns, Roger Boyes, frá The Times í London eða orð Íslendings sem gefur í skyn að The Times sé málgagn sósíalista og þar vaði vinstri menn uppi um allt?

The Times er yfirleitt talið hægra megin við miðju í Bretalandi, eins konar Morgunblað áður en Davíð tók völd þar.  Auðvita eru þar blaðamenn af öllu pólitísku litrófi enda er það einn styrkur blaðsins.  

DV gefur bók breska blaðamannsins Boyes, Meltdown Iceland, hálfa stjörnu í dag og kallar hana "sjoppulega".  Ég hefði nú haldið að það væri ansi mikill gæðastimpill fyrir bókina.  Hún hefur greinilega stuðað Sjálfstæðismenn eins og vel kemur fram í skrifum Jóns Magnússonar á Pressunni.  Hins vegar held ég að hún stuði menn ekki af því að höfundur sé í einhverju vinstri samsæri gegn Sjálfstæðismönnum, heldur vegna þess að hún kemst nálægt óþægilegum sannleika.

Það er rétt að í bókinni eru nokkrar minniháttar staðhæfingarvillur sem íslenskur rithöfundur myndi ekki við hafa en það ætti nú að styrkja menn í þeirri trú að enginn Íslendingur hélt þar á penna.

Þetta er bók sem útlendingar munu treysta betur en jarmið í Íslendingum, enda hefur hún fengið góða dóma erlendis. 

Athugasemdir

[Vilhjálmur Örn Vilhjálmsson, 7.12.2009 kl. 10:23]

Andri, þessi bók og framganga Boyes stuðar marga aðra en Sjálfstæðismenn.

Hinn óþægilegi sannleikur sem þú talar um er aðeins hluta hluti af sannleikanum. Þessi bók er full af hálfkveðnum vísum. Rugli um spæjara og sérstakar rannsóknir sem aldrei hafa farið fram, og því jafnvel haldið fram að Íslendingar séu dálítið tregir. Eitthvað er til í því. Það liðið sem feiti karlinn á silfrinu hefur dáleitt.

Það er því ótækt að svona blaðamannageim sé ekki svarað fullum hálsi. Bókin er á svo lágu plani, og svo yfirborðskennd, að það getur tekið fjölda ára að laga þann skaða sem þessi maður hefur valdið. Þótt stafsetningarvillur séu í íslenskum orðum, sannar það ekki að skíthælar á Íslandi séu ekki bak við bókaframtak Roberts Boyes.

[Steini (IP-tala skráð) 7.12.2009 kl. 11:11]

Það að Vilhjálmur skuli drulla yfir bókina er sennilega bestu meðmæli sem hún getur fengið. Ég ætla að næla mér í hana núna.

[Loori (IP-tala skráð) 7.12.2009 kl. 11:44]

"...heldur vegna þess að hún kemst nálægt óþægilegum sannleika. "

 ...mikið ofboðslega ert þú klár Andri?  með þetta allt á hreinu þ.e. hvað er sannleikur og ekki sannleikur.

[Andri Geir Arinbjarnarson, 7.12.2009 kl. 12:02]

Málið er að fáir þekkja hinn raunverulega sannleika.  Fólk treystir engum nema Evu Joly.  Á meðan þetta ástand varir er það orðspor höfundar sem blífur.

Þessi bók er ekki til heimabrúks á Íslandi en er lesin erlendis af fólki sem hefur áhuga á Íslandi eða hefur hagsmuna að gæta hér.  Bankamenn og fjárfestar erlendis lesa þetta. 

Íslendingar geta reynt að svara þessu fullum hálsi en á hvaða grundvelli og með hvaða staðreyndir höndunum?  Matreiddar "staðreyndir" úr höndum Íslendinga verða um langa framtíð teknar með fyrirvara.  Hver hlustar á Íslendinga?