Forseti vor og Facebook

Íslenskt lýðræði er eins og skyrið okkar, alveg einstætt á þessari jörðu.  Alþingi og ráðherrar eru að verða að stofustássi sem brátt flyst yfir á þjóðminjasafnið.

Í dag er það Forseti vor og Facebook sem blífur.  Það skiptir engu máli hvað ráðherrar blaðra og lofa eða hvernig Alþingi vinnur.  Á endanum er Facebook sem ákveður og Forsetinn framfylgir.

Í raun má segja að sú aðför sem nú er í gangi gegn hinu 19. aldar konungsinnleidda þingræði er mun athyglisverðari en þetta Icesave mál. 

Erum við að leggja línurnar fyrir nýjum lýðræðissiðum?

Íslendingar munu draga úr losun

Athugasemdir

[Hans Haraldsson (IP-tala skráð) 6.12.2009 kl. 22:39]

Fari svo að forsetinn beiti synjunarvaldi eftir undirskriftasöfnun þá eru það tæplega nein nýmæli á heimsvísu.

Það tíðkast víða að hægt sé að knýja fram atkvæðagreiðslu um eitthvað mál með undirskriftasöfnun. Sumstaðar (t. í Sviss og Kaliforníuríki) er það meira að segja ekki bundið við að hafna máli heldur er beinlínis hægt að setja frumvörp beint í almenna atkvæðagreiðslu framhjá fulltrúalýðræðinu með undirskriftum visst margra kjósenda.

Á báðum stöðum sem ég nefni eru almennar atkvæðagreiðslur um tiltölulega minniháttar mál, jafnt sem stórmál, algengar.

[Andri Geir Arinbjarnarson, 6.12.2009 kl. 22:55]

Hans,

Það sem er athyglisvert er notkun á Facebook og netinu til að miðla upplýsingum og ná fram undirskriftum á mettíma.  

Ég hef skrifað aðrar færslur um beinna lýðræði eins og tíðkast í Sviss og að við þurfum að huga að þessu þegar nýtt stjórnlagaþing kemur saman.