Að lifa á lánum

Í uppsveiflunni lifðum við á lánum einkaaðila og nú í kreppunni skrimtum við á lánum ríkisins.  Við kunnum ekki að lifa án lána, við erum eins og eiturlyfjaneytandi, okkar heróín eru lán.

AGS er að reyna að koma okkur inn á "Vog" en ekkert gengur, við látum öllum illum látum og neitum að viðurkenna fíkn okkar, þetta er allt öðrum að kenna og vitnum þar í alls konar sérfræðinga!

Að vísu er AGS ekki svo slæmur doktor, hann lofar okkur fullt af nýjum lánum en í þetta skipti þurfum við að sýna lyfseðil og eru margir ekki par hrifnir að þeirri niðurlægingu.

Baráttan við lánafíknina heldur áfram, en árangurinn er enn sáralítill. 

Mikill halli á opinberum rekstri

Athugasemdir

[Héðinn Björnsson, 7.9.2009 kl. 10:15]

Við erum þó sem samfélag farið að greiða um helminginn af vöxtunum okkar til útlanda. En betur má ef duga skal og líklega þurfum við að fara í gegnum gjaldþrot með tilheyrandi skuldaniðurfellingu og framtíðar lánaskorti áður en við getum farið að standa á eigin fótum.

[Axel Jóhann Axelsson, 7.9.2009 kl. 10:54]

Ég hef haldið því fram í gegnum tíðina, að þegnar flestra erlendra þjóða kaupi það sem þeir geti sparað fyrir, en Íslendingar kaupi allt sem þeir geti fengið lánað fyrir.  Það sem meira er, er að Íslendingar hafa aldrei sett vaxtakjörin fyrir sig, því mottóið hefur alltaf verið "þetta reddast einhvernveginn".

Vegna þessa "lánaæðis" er meirihluti almennings nú í greiðsluvandræðum, að ekki sé talað um fyrirtækin.

[Andri Geir Arinbjarnarson, 7.9.2009 kl. 12:32]

Axel,

Einmitt og nú vona flestir að þetta verði afskrifað sem fyrst svo hægt sé að byrja að taka ný lán.  

[ElleE (IP-tala skráð) 8.9.2009 kl. 11:01]

Andri, Axel, allavega er ég ekki lánafíkill og vil að ríkisstudda gengis- og vísitölu-ráninu sem bankar og önnur fjármálafyrirtæki fengu að leggja á alþýðu verð skilað til skuldara.  Það ýtir líka kannski undir "lánafýkn" ef skuldir fólks fá bara að stækka og stækka endalaust án þess að fólk fái nokkuð að gert og ólíkt öllum löndum heims.  Það er augljóst samband þarna og fólkið getur illa losað sig við skuldaskrímsli sem stækka og stækka á meðan það sefur á nóttinni. 

Og Andri, þurfum við nokkuð lán frá AGS?  Getum við ekki verið án þess?  Joseph Stiglitz hefur nú komið fram og sagt að við þurfum það ekki endilega og eins og nokkur okkar höfum haldið fram.  

[ElleE (IP-tala skráð) 8.9.2009 kl. 11:03]

Þ.e. verði skilað til skuldara.

[Andri Geir Arinbjarnarson, 9.9.2009 kl. 19:32]

Elle,

Stiglitz sagði að við þurftum ekki lán en þá er hann líka að segja að það sé í lagi að erlendir kröfuhafar eignist eignir okkar og lánin séu afskrifuð.  Undir nýju erlendu eignarhaldi er minna vandamál að fá lán.

Ég held að þessi innlenda áhersla að við tökum þetta AGS lán sé til að við getum endurfjármagnað og haldið eignum okkar í íslenskri eign.  Ég held að Stiglitz sé alveg sama hver á eignirnar svo fremi sem þeim er stjórnað skynsamlega. Þá er auðvita besta að taka ekki meiri lán of færa þær yfir á hendur erlendar kröfuhafa.  Hér rekst saman innlend pólitík og erlend hagfræði, ekki satt!