Stærsta bankarán sögunnar!

Það verður að teljast í hæsta máta óeðlilegt að bankar láni skúffufyrirtækjum 1000 ma kr. án þess þar komi til rekstur eða óháð og sjálfstæð veð. 

Hér er um að ræða einhverja stærstu og heimskulegustu spilaborg sem um getur.  Hverjir fengu þessa peninga og hvar eru þeir núna? Héldu menn að þetta væri skynsamlegar og ábyrgar lánveitingar?  Hverra hagsmuna voru lánanefndir bankanna að gæta þegar þær veittu þessi lán á skúffufyrirtæki en ekki persónulegar kennitölur?  Var það ekki til að bjarga sínum góðkunningjum ef allt færi á versta veg? Það bendir nú margt til að lánanefndir bananna og bankaráðsmenn hafi vitað í hvað stemmdi í all langan tíma, þó öðru sé haldið fram opinberlega.   Engin furða að Kjartan Gunnarsson vilji klína þessu öllu fyrir á Gordon Brown! Er hægt að treysta og trúa því sem íslenskir bankamenn gera og segja?

1000 ma kr. gufa ekki bara upp.  Að halda því fram að FME og ríkisstjórn landsins hafi ekki vitað af þessu og ekkert geta gert, er þvílík afsökun að hið hálfa væri nóg.

Í raun er hér um ekkert annað að ræða en vítavert gáleysi með almannafé sem jaðrar við bankaráni.  Bankaráðsmenn gömlu bankanna þurfa að svara fyrir þetta.  Nú 11 mánuðum eftir hrun er búið að yfirheyra þá af ríkissaksóknara?

Allt bendir til að myndin "The Icelandic Job" verði óskarsverðlaunamynd í framtíðinni.

 

Skulduðu yfir þúsund milljarða

Athugasemdir

[Hrafn Arnarson (IP-tala skráð) 20.8.2009 kl. 10:17]

Hvernig lítur málið út ef eigendur skúffufyrirtækja eru einnig stórir hluthafar í bankanum ?

[Óli (IP-tala skráð) 20.8.2009 kl. 11:06]

Eini tilgangurinn með eignarhaldsfélagi er að fría auðmenn frá ábyrgð á sínum skuldum. Þetta er glæpur sem er löglegur vegna þess að þeir sem setja lögin eru að græða á þessu.

[Jóhann (IP-tala skráð) 20.8.2009 kl. 21:37]

Og af hverju eru ehf'in enn leyfð og lögleg þó eigendur þeirra hafi svikið út milljarða  eftir milljarða á kostnað allra þeirra sem þeir gera viðskipti við?   Og á kostnað skattgreiðenda þegar milljarðarnir gufa upp og ehf'n fara viljandi í gjaldþrot?  Já, löglegur glæpur af því þeir sem setja lögin og þeim tengdir græða á kostnað annars fólks.   Okkur er óhætt að kalla þetta bankarán og rán af saklausu fólki.   Það er það sem það er.