Almenn skynsemi stjórnar Icesave viðhorfum erlendis

Þessi frétt í FT um Icesave staðfestir það sem margir hafa haldi fram.  Hollendingar og Bretar eru aðeins að fara fram á það sem almenn skynsemi krefst.  Þeir þurfa ekki að beita sér neitt sérstaklega þar sem umheimurinn utan Íslands frá Helsinki til Washington er á sveif með þeim. Þetta geri stöðu okkar enn veikari.

Eignarrétturinn er verndaður í stjórnarskrá Íslands og mannréttindasáttmála SÞ og Evrópu og því er eðlilegt og sjálfsagt að siðmenntuð lýðræðisþjóð sjái sinn sóma í að ganga frá þessum málum tímanlega og faglega.  

Sú staðreynd að við fengum ekki "góðan" samning er okkar vandamál sem við verðum að lifa með.  Við getum ekki hagða okkur eins og óþekkur og ofdekraður krakki sem er vanur að fá allt.  Sá tími er liðinn en því miður hafa margir hér á landi ekki gert sér grein fyrir þeirri staðreynd.

Íslendingar kenni Hollandi og Bretlandi um allt slæmt

Athugasemdir

[Helga (IP-tala skráð) 31.7.2009 kl. 20:48]

Ertu búinn að gleyma því sem Gordon Brown sagði í breska þinginu um að hann væri að vinna með Alþjóðagjaldeyrissjóðnum að því að láta Íslendinga borga?

[Kári (IP-tala skráð) 31.7.2009 kl. 21:03]

Almenn skynsemi, já... er það að hlaupast undan skuldbindingum? Að hunsa aðrar þjóðir? Að vera Íslendingur? Hvað áttu eiginlega við?

[Jón Sveinsson, 31.7.2009 kl. 21:07]

Auðvita þurfa þeir ekkert að hugsa um samningin,  því þeir bjuggu hann til og létu Svavar skrifa undir, það var aldrei samið, Því Svavar kann ekki að semja kom bara með viðbjóðin sem Steingrímur og Jóhanna vilja nauðga í gegn, Sama hvað það kostar þjóðina, Sem sagt fals og meira fals.

[Margrét Sigurðardóttir, 31.7.2009 kl. 21:18]

Auðvitað semjum við en fyrst eftir að búið er að frysta eigur auðmanna, sækja þjófana til saka, nota fjármunina til greiðslu á skuldinni og semja um rest.

[Offi (IP-tala skráð) 31.7.2009 kl. 21:23]

"Sú staðreynd að við fengum ekki "góðan" samning er okkar vandamál sem við verðum að lifa með."

Við erum ekki komin með NEINN samning. Þetta verður ekki fullgildur samningur nema ef og þá þegar Alþingi samþykkir hann. Vonandi verður það ekki. Við getum gert betur en að senda afdankaðan pólítíkus sem dreginn er á flot úr kokteilmarineringu sendiráðslífsins á móti tveggja milljarða lögfræðingum.

[Guðbjörn Guðbjörnsson, 31.7.2009 kl. 21:29]

Þetta allt hverju orði sannara og algjörlega í samræmi við það sem ég hef sagt undanfarnar vikur - því miður!

[Arinbjörn Kúld, 31.7.2009 kl. 21:38]

Það sem svíður mest er ranglætið að baki þessa samnings ef hægt er að kalla hann það. Þjóðin þarf á réttlæti að halda. Margrét hér að ofan kemur einmitt að kjarna réttlætisins. Þjóðin er ekki tilbúin til að taka á sig þessar klyfjar fyrr en hún fær réttlæti. Flóknara er það ekki.

Kveðja að norðan.

[Hákon Jóhannesson (IP-tala skráð) 1.8.2009 kl. 01:39]

 Tek undir það sem Margrét og Arinbjörn rita hér að ofan.

Það er nú bara þannig að það er engin tilviljun hve mikil og almenn óánægja er hér meðal venjulegra borgara á þessum "samningi", tilkomu hans og umgjörð allri.

Það sjá það allir að þetta var knúið í gegn með yfirgangi og auðvitað viljum við ekki svona framan í okkur.

Það þarf að  semja uppá nýtt á eðlilegum forsendum.  Ekki undir kúgun. Og með hæfu fólki auðvitað.

[Andri Geir Arinbjarnarson, 1.8.2009 kl. 05:37]

Auðvita er öll þessi saga hin mikla íslenska sorgarsaga.  En að gangast undir Icesave skuldbindingar okkar og sækja íslenska útrásarvíkinga til saka eru tvö aðskilin mál. 

Það er ekki Bretum og Hollendinum að kenna að ekkert miða áfram í sakamálum og enginn bankamaður hefur verið sóttur til saka?  Þessi mál munu taka mörg ár að leiða til lykta.  Höfum við efni á að stöðva allt okkar efnahagskerfi á meðan?

Tíminn er peningar.  Að halda að við getum reist okkar efnahag við án lána er blekking. Við höfum byggt allt okkar efnahagskerfi á lánum? Hversu margir geta keypt sér bíl, hús eða farið í nám án lána?  Eru allir tilbúnir að fara að safna fyrir þessu og staðgreiða?    Hvernig eiga útgerðarfyrirtæki að kaupa nýjan togara án lána?

[Hákon Jóhannesson (IP-tala skráð) 1.8.2009 kl. 11:44]

Ég skil vel áhyggjur þínar varðandi það að nauðsynlegt sé að ganga frá þessu sem fyrst.

Það sem vantar núna er að senda viðsemjendum strax skýr skilaboð frá þjóðinni um að þessi samningur sé ekki ásættanlegur og að semja verði á eðlilegum forsendum.

Við getum ekki skrifað undir þetta, því við munum mjög líklega ekki geta greitt það. Og ef við (þ.e.a.s. börnin okkar) getum ekki greitt til samræmis við þennan samning - erum við að skapa enn meiri vandamál en eru í augsýn núna. 

Allt er þetta byggt á líkum Andri - og þetta lítur ekki vel út eins og það er núna - þökk sé vanhæfi ráðamanna...

[Andri Geir Arinbjarnarson, 1.8.2009 kl. 19:01]

Það er nokkuð ljóst að Steingrímur er orðinn mikill realpolitik sinni.  Hann vill skrifa undir til að við getum hafið uppbyggingu strax og látið stjórnmálamenn eftir 7 ár hafa áhyggjur af Icesave.  Ég held að þetta sé eitt allsherjar "bjarga andlitinu" atriði.  Enginn heldur að Ísland geti borgað í framtíðinni en best er að skrifa undir og fresta vandanum í 5-7 ár.  Auðvita er þetta blekkingarleikur en þetta er raunveruleikinn í Evrópu í dag.  Eins og Ameríkanar mundu segja "wake up and smell the coffee"