Að spara krónuna en kasta evrunni!

Eitt erfiðasta málið nú þegar aðildarumræður hafa verið samþykktar er að skipa þá nefnd sem á að ná "frábærum" samningi við Brussel.  Við höfum ekki glæsilega reynslu af erlendri samningagerð undanfarið, Icesave og skilanefndirnar eru nýjustu dæmin.  Vandamálið er að við erum að gera allt í fyrsta sinn en viðsemjendur okkar hafa áratuga reynslu. 

Það verður athyglisvert að fylgjast með þeim hrossakaupum sem munu eiga sér stað um nefndarmenn.  Allir flokkar vilja fá sína menn inn til að gæta flokkshagsmuna.  Þetta verður samansafn að pólitískum "lögreglumönnum" og embættismönnum úr ráðuneytunum.  Búast má við miklum deilum innbyrgðis innan íslensku nefndarinnar um öll helstu atriði og áherslur í samningsdrögunum. 

Hitt vandmálið er að Brussel hefur mikla og langa reynslu í að semja um inngöngu en Íslendingar enga.  Þessa ósymmetría í reynslu og þekkingu verður að laga.  Þeir einu sem virðast hafa áhuga á að hjálpa okkur og benda á sína reynslu eru Norðmenn.  En er þeim treystandi, hvers vegna vilja þeir koma að þessu ferli?  Til þess liggja tvær ástæður:

1.  Til að varna því að Ísland semji af sér um fiskveiðar í Norður Atlantshafi

2. Til að vernda norska hagsmuni

Það er deginum ljósara að hin íslenska samninganefnd þarf á góðum erlendum sérfræðingum að halda sem þekkja innviði ESB og hafa reynslu í svona samningaviðræðum.  Best væri að fá sérfræðinga frá fleiru en einu landi.  Einnig mætti hugsa sér að koma Brussel á óvart með því að fá topp samningamenn frá Bandaríkjunum sem hafa verið viðriðnir flókna viðskiptasamninga á milli ESB og USA.

Við megum ekki aftur falla í þá gryfju að spara krónuna og kasta evrunni þegar kemur að sérfræðingahjálp.

Hefur ótvíræð áhrif í Noregi

Athugasemdir

[Andri Geir Arinbjarnarson, 17.7.2009 kl. 09:10]

Norðmenn eru að hugsa til framtíðarinnar og vilja halda öllu opnu fyrir sig.  Ef þeir í framtíðinni kjósa að ganga inn í ESB vilja þeir ekki að Ísland hafi sett stein í þeirra götu.  Svo vill stóri bróðir líta yfir öxl á litla bróðir sem svo oft hagar sér ótæpilega.

[Hákon Jóhannesson (IP-tala skráð) 17.7.2009 kl. 09:25]

Fyrst og fremst þarf í þennan verkefnishóp reynda lögmenn, bæði héðan og ráðgefandi lögmenn af ESB svæðinu.  

Það segi ég vegna þess að það þarf - frá degi - eitt að verja hagsmuni Íslands fyrir aggressívum aðilum.

M.a. auðlindir okkar sem ekki má undir neinum kringumstæðum veita þessum græðisöflunum aðgang að.

En  alþjóð má alveg bóka það að ESB menn eru búinir að kortlegga allar auðlindir Íslands - fyrir löngu.

Hægt er að staðfest þá einföldu staðreynd með því að skoða hina ýmsu upplýsingabanka á netinu s.s. Worldbank.org. T.d. eru upplýsingar um neysluvatnsmagn á Íslandi aðgengilegar í þessum gögnum.

[Björn Kristinsson (IP-tala skráð) 17.7.2009 kl. 12:56]

Andri,

Algjörlega sammála þér. Við verðum að fara hugsa strategískt. Hér eigum við ekki að spara peninga. Þess vegna tek ég undir með þér að við eigum að kalla að borðinu fólk sem hefur reynslu af samningum við ESB. Þar eru Norðmenn og BNA mjög reynslumiklir.

Er ekki sammála Jóni Frímanni um aðkomu Norðmanna. Þótt þeir séu ekki í ESB þá vita þeir fyrir víst að þeir muni í framtíðinni tilheyra ESB, að minnsta kostir sterkur möguleiki á því. Það er því þeirra hagur að hjálpa Íslendingum eins mikið og unnt er win-win. Hér dugir ekki hefðbundið sveitaómagahugsun hjá okkur að halda að aðkoma Norðmanna væri á einhvern hátt niðurlægjandi fyrir okkur.

 Ef Ísland á að fara í ESB þá byggist styrkur þess í framtíðinni að Norræna blokkinn verði sem sterkust. Aðkoma Norðmanna í ESB er því lykilatriði, ekki aðeins fyrir Íslendinga heldur einnig Svía, Dani og Finna. Slík norræn blokk er eina raunhæfa pólitíska andsvar við miðblokk ESB. Þetta vita frændþjóðir okkar; vona að okkar fólk lesi stöðuna rétt.