Það eru verðmæti í Icesave fyrir ESB aðild!

Þessi Icesave samningur er auðvita algjört klúður en það er vegna þess að hann er pólitísk sýndarmennska. 

Flestir útlendingar gera sér grein fyrir því að Ísland er tæknilega gjaldþrota og mun aldrei geta borgað allar sínar skuldir.  Skuldasamningar þjóðarinnar snúast því fyrir og fremst um hvernig og hvað við ætlum að borga. 

Það er þetta "hvernig" sem er svo mikilvægt fyrir ESB löndin.  Þetta snýst um að ESB haldi andlitinu gagnvart sínum þegnum.  Því er þessi Icesave samningur pólitísk handsprengja fyrir ESB löndin (sérstaklega Holland, Þýskaland og Bretland) en peningaleg séð erum við að tala um skiptimynt fyrir ESB. 

Notum Icesave til að semja um fiskinn við ESB.  Það eru meiri verðmæti í Icesave en margur gerir sér grein fyrir ef rétt er haldið á spilunum.

Skrifar undir með fyrirvara

Athugasemdir

[Helga (IP-tala skráð) 9.7.2009 kl. 21:20]

Nei, takk, Andri Geir. Göngum ekki í ginið á ESB með því að taka á okkur skuldir ESB gegn því að halda fiskimiðum okkar: Fiskimiðunum sem við eigum!

Höldum andlitinu, stöndum með okkur sjálfum og neitum að ESB noti landið okkar, okkur sjálf og menningu okkar til að bjarga bákninu í Brussel.

[Andri Geir Arinbjarnarson, 10.7.2009 kl. 06:25]

Helgi,

Útlendingar munu alltaf láta okkur borga sama hvað við gerum.  Auðvita eigum við fiskinn en útlendingar eiga gjaldeyrinn sem þeir kaupa fiskinn með og þeir hafa val hvar þeir kaupa fisk.  Ef við borgum ekki Icesave með samningi þá borgum við með tollum.

Hvað heldur þú að taki við ef við höfnum Icesave og ESB?  

[Helga (IP-tala skráð) 10.7.2009 kl. 11:31]

Veit það ekki, frekar en þú og öll hin hvað gerist ef þingið hefur kjark til að hafna Icesave.

En vil að íslenska þjóðin fái að leita réttar síns fyrir dómstólum, en verði ekki beygð undir nauðung og látin lúta kúgun.

ESB hefur aldrei verið á dagskránni hjá mér. Það er efni í grein en ekki komment.