Vankunnátta og afskiptaleysi fellir Ísland

Oft veltir lítil þúfa þungu hlassi og það á svo sannarlega við þegar Bretar settu hryðjuverkalögin á Ísland.

"Ekki fengust skýr svör frá íslenskum stjórnvöldum" var nóg til að setja hryðjuverkalög á landið. 

Þetta er einhver sú neyðarlegasta útskýring á milliríkjadeilu sem sést hefur í Evrópu í áratugi. 

Þvílík niðurlæging fyrir íslensk stjórnvöld og stjórnsýslu. 

Við virðumst hafa lent í botnlausu feni vanhæfni, spillingar og afskiptaleysis.

Bresk stjórnvöld verja hryðjuverkalögin

Athugasemdir

[Hákon Jóhannesson (IP-tala skráð) 20.6.2009 kl. 17:40]

Bretar bera ekki nokkra virðingu fyrir Íslandi.  Velti fyrir mér hvers vegna það skyldi nú vera ? 

[TH (IP-tala skráð) 20.6.2009 kl. 17:50]

Sæll Andri.

Hér var ekki starfandi virkur utanríkisráðherra mánuðum saman í haust og vetur? Þau litlu samskipti sem landið átti við Breta fóru fram í gegnum dýralækni annars vegar og krónískan lygara hins vegar.

Það var bókstaflega enginn til þess að halda fram hagsmunum Íslands á þessum tíma.

[Andri Geir Arinbjarnarson, 20.6.2009 kl. 20:45]

Hákon.

Hvers vegna ættu Bretar að bera virðingu fyrir Íslendingum?  Hafa íslenskir kaupsýslumenn og bankamenn hagað sér á skynsamlega?  Hafa íslensk stjórnvöld gefið réttar og nákvæmar upplýsingar tímalega?  Það þarf að skera niður þjónustu við krabbameins veik börn í Bretlandi vegna íslenskrar vankunnáttu, græðgi og afskiptaleysis.  Er það eitthvað til að vera stoltur yfir?  

Nei þetta snýst ekki um virðingarleysi Breta heldur eina mestu svikamillu í Evrópu í 60 ár.  Og veistu hvað, samkvæmt Evu Joly er þessi svikamilla "Made in Iceland" 

[Hákon Jóhannesson (IP-tala skráð) 21.6.2009 kl. 00:04]

Sumsé reiði bretana er nú beint að íslensku þjóðinni allri, en þeir hafa ekki tök á því að sækja gerendurna sem m.a. soguðu fé út úr hjúkrunar- og öldrunarheimilum og fóðruðu eigin vasa méð þeim fjármunum.

Eðlilegar tilfinningar hjá þeim, en framkoma þeirra - gagnvart íslensku þjóðinni - er ekki raunhæf að mínu mati og langur vegur frá því.  Þeir hafa m.a. fallið í þá gryfju að nýta sér stærðamun þjóðanna, neituðu aðkomu hlutlauss dómsstóls og hafa að auki beitt fyrir sér Evrópusambandinu. 

Því hef ég gagnrýnt harðlega framkomu þeirra og stend við hvert orð.

[Arinbjörn Kúld, 21.6.2009 kl. 03:43]

Það eru víst 2 hliðar á hverju máli, stundum fleiri og hér er eitt slíkt mál.

[Andri Geir Arinbjarnarson, 21.6.2009 kl. 05:53]

Sjaldan veldur einn þá tveir deila