OR: Tap nemur 13 faldri orkunotkun

Tap OR upp á 73 ma kr. er ótrúleg tala eða 200,000 kr á mánuði fyrir hverja 4 manna fjölskyldu í Reykjavík.  Á sama tíma er orkukostnaður þessarar sömu fjölskyldu um 15,000 kr.  

Sem sagt hver fjölskylda mun koma til með að borga margfalt hærri upphæðir fyrir skuldir og brask OR en fyrir rafmagnið og heita vatnið! 

Ísland er að verða landið þar sem fólk borgar tvisvar fyrir allt.  Einu sinni fyrir eðlilegan kostnað vörunnar og þjónustunnar og svo aftur vegna skulda, brasks og/eða vanhæfni í fjármálastjórnun.

Stjórn OR er ekki stætt að sitja við þessar aðstæður.  Hún verður að víkja fyrir nýjum, sjálfstæðum og hæfum stjórnarmönnum.

71,5 milljarða halli hjá Reykjavík

Athugasemdir

[Guðmundur Pétursson, 2.6.2009 kl. 17:15]

Þetta er alveg ótrúlegt tap.  Á hverjum einasta virka degi síðasta árs, tókst OR að loka sjoppunni í lok dags með 300 milljóna tapi.   Hverskonar hálfvitar stjórna þessu fyrirtæki? 

En það er sama hvert litið er á Íslandi.  Bankarnir, orkufyrirtækin, sjávarútvegurinn, tryggingafélögin, olíufélögin, stjórnmálin  þá blasir spillingin og vanhæfnin við.

Það er ekki skrítið að þetta land sé á hausnum. 

[Einar Guðjónsson, 2.6.2009 kl. 23:40]

Ekki bara stjórnin heldur stóru ´´eigendurnir ´´ líka s.s. Hjörleifur Kvaran og Kó.

Svo er fyrirtækið líka mikill umhverfissóði. 

[Arinbjörn Kúld, 2.6.2009 kl. 23:44]

Sveitarfélögin rekin með tugamilljaðratapi að auki. Verður landið okkar það fyrsta í veröldinni sem verður algerlega gjaldþrota? Fer verr en Argentína?