Laun þingmanna í ESB löndunum

Grein um laun þingmanna innan ESB birtist í The Times í dag.  Þar kemur ýmislegt athyglisvert í ljós.  Þar er að finna enn eina staðfestingu þess að laun á Ísland eru núna sambærileg við austur og suður Evrópu en ekki lengur vestur og norður Evrópu. 

Þingfararkaup á Íslandi er 520,000 kr.  Times miðar við grunnkaup þingmanna en hins vegar gilda auðvita mismunandi reglur um hlunnindi og aðrar greiðslur.  En kíkjum á grunnkaupið.

1. Ítalía            2,000,000 kr
2. Írland           1,300,000 kr
3. Danmörk       1,100,000 kr
4. Bretland        1,000,000 kr
5. Finnland        1,000,000 kr
6. Svíþjóð          880,000 kr
7. Ungverjaland   800.000 kr
8. Spánn            535,000 kr
9. Pólland           430,000 kr
10. Búlgaría          155,000 kr

Margir með betri laun

Athugasemdir

[EE elle (IP-tala skráð) 13.5.2009 kl. 00:00]

Oft er lært fólk á Íslandi með miklu verri tekjur en í öðrum vestrænum löndum.  Og laun lögreglu og slökkviliðsmanna á Íslandi til mikillar skammar miðað við vestræn lönd.  Það er sama og segja að störf þeirra séu ekki metin nóg.

[Andri Geir Arinbjarnarson, 13.5.2009 kl. 08:05]

Elle,

Góður puntur.  Það hefur komið fram að ein ástæða fyrir hruninu í Bandaríkjunum var að starfsmenn eftirlitsstofnanna gátu ekki ráðið eða haldið í gott fólk því bankarnir réðu það jafnóðum.  Launakostnaður einnar stofnunar sem hafði 40 starfsmenn náði ekki upp í heildarlaun þess forstjóra sem stofnunin átti að hafa eftirlit með? 

Ekki bendir margt til að hið opinbera hér á landi geti boðið bestu launin í framtíðinni.  Skera þarf laun niður til að borga vexti af lánum

[. (IP-tala skráð) 13.5.2009 kl. 10:29]

Já, og ríkis-kennarar og ríkis-læknar og háttsettir menn ríkisstofnana eru með skammarlega lítið miðað við vestræn lönd, nema kannski forstjórarnir sjálfir.  Og verður kannski enn verra.  Við þurfum að geta borgað fyrir glæpabankana og peningagróðamennina!?!  Svo ég noti nú ekki ljótara orð.   Af virðingu bara við þig. Það hlýtur að vera skylda hins almenna borgara og fátæka fólksins að borga fyrir þýfið!?  Bara grátlegt.

EE elle

[Andri Geir Arinbjarnarson, 13.5.2009 kl. 10:32]

Elle,

Sjaldan launar gullkálfurinn ofeldið!

[EE elle (IP-tala skráð) 13.5.2009 kl. 10:39]

Andri, vil líka bæta við að ég náði punktinum þínum um bankana og eftirlitsstofnanir.  Það er nú alvarlegt mál.  Og kannski er það líka þannig hjá okkur.