Skuldir og krónan magna vandann

Allar þjóðir eiga nú við efnahagserfiðleika og aukið atvinnuleysi að etja, en vandamálið er stærra á Íslandi eins og flestir vita.  Þar eiga hinar gríðarlegu skuldir landsins og ónýtur gjaldmiðill mikla sök.

Brýnustu aðgerðir í efnahagsmálum nú eru:

1. Ákveða og ná samningum við erlenda kröfuhafa og banka um hvaða skuldir við ætlum að borga og hvernig, og hvaða skuldir við verðum að fá felldar niður.  Aðeins þá mun fjármagn fara að streyma til landsins.  Erlendir fjárfestar og bankar þurfa að vita hver greiðslugeta Íslendinga er í raun og veru.  Í núverandi ástandi halda fjárfestar að sér höndum því þeir vita ekki hvort við erum í raun gjaldþrota eða ekki.  Því lengur sem þetta ástand varir því erfiðar verður að snúa þróuninni við. 
2. Krónan er dauð og kemur í veg fyrir að fjölbreytt atvinnulíf blómstri hér.  Henni þarf að skipta út um leið og samningar nást við krónubréfshafa.  Valið stendur aðeins um evru og dollar.  Senda verður skýr skilaboð til ESB að við ætlum að sækja um aðild og að gjaldeyrir þjóðarinnar verði annað hvort evra eða dollar.  Gott væri að þegar verði hafnar viðræður við Seðlabanka Bandaríkjanna og honum kynntar hugsanlegar aðgerðir hér til að taka upp einhliða dollar.  Þetta setur pressu á ESB að láta okkur fá evru á undaþágu. 

Við verðum að fara að tala við nágrannalöndin okkar um þessi mál strax. 

17.944 á atvinnuleysisskrá

Athugasemdir

[Arnar Geir Kárason (IP-tala skráð) 3.4.2009 kl. 11:21]

Krónan er ekki alveg dauð, hún er illa haldin og í lífshættu en henni má vel bjarga ef vilji er fyrir hendi.

Það er mín skoðun og sannfæring að hagsmunum okkar Íslendinga væri líka best borgið ef við myndum ná að blása lífi í krónuna.  Það er erfiðara en til langs tíma litið þá er það miklu betri staða.

Ef við köstum krónuni miðað við núverandi ástand hvernig reiknaru yfir skuldir og uppfærir skuldir sem íslendingar eiga í erlendri mynt ???  Þær væru komnar til að vera og ættu engann möguleika á að lækka aftur.