Óskabarni þjóðarinnar blæðir út

Hver er að fjármagna þetta hrikalega tap Eimskips upp á 6.5ma kr. allt síðan bankarnir hrundu?  Eiginfjárstaða er nú neikvæð um 28.5ma kr. 

Tap Eimskips á einum ársfjórðungi nær hátt í nýlega kynntan sparnað í heilbrigðiskerfinu.  Ef fram heldur þá mun tap Eimskips frá nóvember til apríl slaga hátt í kostnað við að ljúka tónlistarhúsinu. 

Tap á fyrstu tveimur mánuðum ársins er álíka og háskattur myndi gefa í þjóðarbúið á heilu ári. 

Hvað er að gerast hér.  Getur einhver svarað því?

Áframhaldandi tap hjá Eimskip

Athugasemdir

[Óskar (IP-tala skráð) 31.3.2009 kl. 23:57]

Það sem er að gerast er í raun tiltölulega einfalt.

Eimskip er að undirbjóða "markaðinn".

Þess fyrir utan að þeir ná ekki að fjármagna sig að fullu.

Við (þar sem ríkið er í raun með rekstur Eimskips í gegnum Landsbankann) erum að kosta það að sem höfuðlaus herinn hjá Eimskip er að gera frá degi til dags.

Það kostar "X" að reka fyrirtækið og lánalínur þess. "Y" kemur í kassann. Munurinn 6,5ma kr,-

Það er þekkt staðreynd að fyrirtækið er í raun gjaldþrota en samt leyfir Samkeppniseftirlitið það að Eimskip bjóði verð sem eru LANGT undir kostnaðarverði. LAAAAANGT.

Með almennings-hagsmuna-sjónarmiði eru sjálfsagt einhverjir sem réttlæta það fyrir sjálfum sér, með því að þetta sé til hags fyrir almenning.

Það er það bara ekki í raun.

Það verður ekki mikill hagur í því ef að fyrirtækið er svo stöðvað einn góðann veðurdag og ÖLL vara sem er þá í beinunum er kyrrsett þar sem hún er (haldsréttur).

Þann dag munu MÖRG fyrirtæki fara í raun á hausinn á nokkrum klukkutímum.

Hvað er hinn almenni skattborgari til í að borga með í flutningum fyrirtækjanna sem flytja með Eimskip?