Að borga eða ekki borga, það er spurningin?

Sjálfstæðismenn hafa aldeilis skipt um skoðun síðan Árni Matt, þáverandi fjármálaráðherra, skrifaði undir viljayfirlýsingu um að borga Icesave tilbaka á 6.7% vöxtum.  Auðvita var þessi viljayfirlýsing ekki bindandi en hún setti upphafspunktinn að samningaferlinu.  Hollendingar fengu hér sitt besta vopn og miðuðu allt út frá þessu plaggi hans Árna, sbr frétt á mbl.is:

Hinn 11. október 2008 var skýrt frá því á vef fjármálaráðuneytisins að það hefði náðst „samkomulag milli Hollands og Íslands um Icesave“.

Í fréttinni segir að Árni M. Mathiesen, þáverandi fjármálaráðherra, og Wouter Bos, hollenskur starfsbróðir hans, hefðu tilkynnt þetta. Árni bætti við að „aðalatriðið væri að málið væri nú leyst“.

Samkomulagið miðaði við að Hollendingar myndu lána íslenska ríkinu fyrir sínum hluta af Icesave-skuldbindingunum til tíu ára á 6,7 prósent vöxtum. Sama dag var birt „sameiginleg yfirlýsing“ fulltrúa Íslands og Bretlands. Þar stendur: „Verulegur árangur náðist um meginatriði fyrirkomulags sem miðar að því að flýta fyrir greiðslum til sparifjáreigenda Icesave.“ Heimildir herma að það fyrirkomulag hafi átt að innihalda sömu lánskjör.

Síðan hefur mikið vatn runnið til sjávar. 

Svavar auminginn fékk heldur á baukinn fyrir að reyna að snúa þessu ólukkansplaggi hans Árna við, og náði nú vöxtunum niður í 5.5% og lengdi lánstímann.  Miðað við þá forgjöf sem Árni Matt gaf, stóð Svavar sig bara þokkalega þó betra hefði verið að hafa þar þaulreyndan óháðan samningamann. 

Það eru því miður margir búnir að gleyma að fljótfærnislegt klúður Árna Matt er sá samnings djöfull sem við erum enn að draga.  Og hvergi hafa menn gleymt eins hratt og upp í Hádegismóum þar sem andi gömlu Prövdu virðist vera kominn á stjá samanber leiðarann í dag:

Forráðamenn ríkisstjórnarinnar sem í síbylju tala um sína miklu og þrotlausu vinnu – eins og aldrei áður hafi verið unnið í Stjórnarráði Íslands – hafa ekki puðað þar sem þurfti. Þau hafa í raun ekki lyft litlafingri til að vinna málstað Íslands fylgi. Og fyrir því er bara ein ástæða. Þau höfðu enga trú á eigin málstað. Það er meinið. Það skynja allir sem á þetta forystufólk hlusta, að þau halda jafnan sjónarmiðum andstæðinganna á lofti.

Bretar og Hollendingar gætu varla beðið um betri leiðara frá mogganum.   

Telegraph: Engin ástæða til að Íslendingar greiði

Athugasemdir

[Kristinn Pétursson, 9.1.2010 kl. 10:10]

Þú ert enn í skotgröfinni með fingurna á gikknum þó það séu para tóm skothylki í magasíninu......

Er ekki betra hætta þessu "heimskulega pólutíska Icesave þrasi" og snúa sér að því að þjóðaratkvæðagreiðslunni og skipa nýja þverpólitíska samninganefnd sem taka alfarið- við samningaumleitunum af hálfu Íslendinga.

[Andri Geir Arinbjarnarson, 9.1.2010 kl. 10:40]

Kristinn,

Við endurskrifum ekki söguna og stingum ekki staðreyndum undir teppið af því að við teljum þær óþægilegar. 

Auðvita átti íslenska samninganefndin að vera skipuð erlendum samningamönnum eins og ég hef oft skrifað um.  

Ný samninganefnd verður að tala við Hollendinga og Breta og hvað heldur að Hollendingar geri á fyrsta fundi, veifa Árna Matt plagginu!

[zaxi69 (IP-tala skráð) 9.1.2010 kl. 10:40]

Þessi umræða um það hvort við eigum að borga eða ekki er svo vitlaus. Hvað er það sem við ætlum okkur ekki að borga? Við erum skuldbundin til að greiða það sem tryggingasjóðurinnlána á að greiða. Það er því ekki spurning um það hvort við ætlum að borga heldur hvað við ætlum að borga.

Ég er þeirrar skoðunar að við eigum ekki að greiða fyrir þá ákvörðun Breta og Hollendinga að þeir hafi greitt innstæðueigendum 50.000 eur sem er um 30.000 eur meira en það sem tryggingasjóður ábyrgist. Ég er líka á þeirri skoðun að ákvörðun Breta og Hollendinga um að greiða umfram 20.000 eur. er þeirra ákvörðun og þeir þurfa að greiða það.

Bretar sögðust ekki vilja taka yfir Landsbankann á Mön því þeir hafi aldri fengið fjármagnstekjuskatt af innstæðum þar. Bretar og Hollendingar fengu fjármagnstekjuskatt af öllum innlánum og nú vilja þeir fá greiðslu fyrir að hafa tryggt 50.000 eur. pr. ínnlánseiganda.

Lög um tryggingaiðgjald eru til staðar og þar segir að hver einstaklingur geti fengið 20.000 eur. greiddar ef viðkomandi stofnun fer á hausinn.

 Meira eigum við ekki að borga, en við eigum að borga þessar 20.000 eur. það hefur aldrei verið karpað um það. Ef menn halda að við getum komist upp með það að greiða það sem tryggingasjóði ber þá eru þeir á villigötum.

[Sigurjón Pálsson (IP-tala skráð) 9.1.2010 kl. 10:51]

Neitun að borga eða önnur hörð afstaða Íslandinga í þá átt að borga ekki, hefði á þeim tíma kallað fram allt önnur viðbrögð bresku þjóðarinnar en nú, mikla reiði og samstöðu og ofan af henni hefði verið erfiðara að snúa nú. Kringumstæður voru allt aðrar í miðju hruninu en nú þegar Bretar hafa mildast og ólgan farin að sjatn og þeir sýna frumkvæðið um að Íslendingar eig ekki að borga neitt. Slíkt gat ekki gerst ekki þá. Tíminn þurfti að vinna með okkur.

[zaxi69 (IP-tala skráð) 9.1.2010 kl. 11:02]

Sigurjón!

Ef þú ert að halda því fram að við getum komist undan skuldbinginum okkar án þess að greiða þá ertu lítið skárri en fréttaflutningurinn sem er í gangi í Bresku og Hollensku pressunni. Þeir halda að við ætlum ekki að greiða neitt. Málið er að það gengur ekki upp því við verðum að greiða það sem tryggingasjóður innlána hefur tryggt.

Vandamálið við þann sjóð er að það eru ekki til nægir fjármunir og því þurfum við að taka á okkur byrgðar sem því nemur.

 Það mun því aldrei koma til að við borgum ekkert. Við þurfum að borga það sem okkur ber en ekki krónu meira.

[Andri Geir Arinbjarnarson, 9.1.2010 kl. 11:07]

Sigurjón,

Afstaða almennings, hagfræðinga og blaðamanna hefur kannski mildast en fátt bendir til að stjórnmálamenn innan ESB hafi mildað tóninn.  Danski fjármálaráðherrann setur Íslendingum skýr skilyrði.

Tíminn er afstæður, hann getur unnið með okkur á einu sviði en á móti á öðru.

Það er erfitt að halda því fram að strategía Íslendinga hafi verið gáfuleg.

Fyrst að skrifa undir viljayfirlýsingu um 6.7% vexti, síðan að semja upp á 5.5% og síðan segja að aðeins þjóðin hafi umboð, við vorum bara að drepa tíma þar til almenningur erlendis mildaðist! 

Þá hefði verið betra að samþykkja þennan samning í sumar og taka hann síðan upp eftir 3 til 5 ár þegar allt er dottið í dúnalogn.  

[Vilhjálmur Örn Vilhjálmsson, 9.1.2010 kl. 11:31]

Árni Matthíasson, give me a break, veit hann yfirleitt af hverju hann er í Sjálfstæðisflokknum. Fæddist hann ekki inn í hann?

Þú ert hér að vaða í gömlum fréttum. Er eitthvað nýtt í Íslendingabók?

[Andri Geir Arinbjarnarson, 9.1.2010 kl. 12:21]

Vilhjálmur,

Þetta eru gamlar fréttir en engu að síður skiptir þetta máli til að fá heildaryfirlit yfir stöðu málsins.  Árni Matt var fjármálaráðherra þegar hann skrifaði undir þess viljayfirlýsingu og það skiptir máli fyrir utan landssteinana þó hann sé ekki hátt skrifaður hér á landi.

Ekki gleyma að gömul vopn geta nýst vel hjá andstæðinginum.

[Sigurjón Pálsson (IP-tala skráð) 9.1.2010 kl. 12:28]

Ég er einfaldlega að benda á þá augljósu staðreynd að tíminn hefur unnið með okkur. Allt frá því að við stóðum sem taparinn á miðjum vígvellinum með byssur á báðum gagnaugum, síðan með „glæsilega“ árangurinn hans Steingríms sem átti að troða ofan í okkur af honum og Jóhönnu. Þá gjörbreyttan samning, sem undirritaður er af forsetanum í ágústlok þar til nú, í opnari stöðu en nokkru sinni fyrr í málinu sem ég held að fæstir vildu skipta út fyrir hinar. Sprengingin úti í heimi við neitun forsetans, hefur einungis aukið þrýsting á Breta og Hollendinga um að semja á sanngjarnari nótum og sá þrýstingur fer vaxandi. Seint verður Steingrími og Jóhönnu þökkuð sú staða frekar en aðrar.

[Marinó G. Njálsson, 9.1.2010 kl. 12:36]

Eins og ég hef oft bent á, þá er ekkert mál að ábyrgjast skuldbindingar um lágmarksgreiðslu, ef forgangurinn að eignum Landsbankans er hafður þannig að íslenski tryggingasjóðurinn fá fyrst sitt og síðan hinir.  Eða kannski eigum við að hafa það þannig, að við tökum ekki lán hjá Bretum og Hollendingum, heldur ábyrgjumst bara fyrstu 20.887 evrurnar og eignir Landsbankans renni að öllu leiti til þeirra.

[Ómar Bjarki Kristjánsson, 9.1.2010 kl. 13:38]

Skil ekki alveg þetta tal, sko enn þann dag í dag, um að "ekki borga"

Bara ef litið er til yfirlýsing ráðamanna og viljayfirlýsinga og þess háttar, allar götur frá byrjun - nú síðast Forsetans á BBC - þá væri það ekkert smá álitshnekkir fyrir eitt land ef upp myndi dúkka að þeir hefðu bara allan tíman verið að plata og orðhenglast !

Nei nei, það átti að fara að mínu ráðum og samþykkja samninginn strax í sumar.

Í staðinn velja menn ferðalag þar sem herkostnaðurinn verður hundruðir ef ekki þúsundir milljarða til langs tíma litið.

Allt vegna pólitískrar vitleysu innanlands.

Sorglegt.

[Andri Geir Arinbjarnarson, 9.1.2010 kl. 14:36]

Ómar,

Vandamálið verður að margir munu halda að nú sé verið að kjósa um að borga eða ekki borga.  Aðrir munu halda að nú sé verið að kjósa um nýjan samning eða ekki, osfrv.   

Það virðist lítið hafa breyst hér, flestir eru á þeirri skoðun að bestu lánin fáist með ótraustustu veðunum, þ.e. ekki ríkisábyrgð.  Svona var þetta en er ekki lengur. 

[Soffía (IP-tala skráð) 9.1.2010 kl. 15:04]

Vildi óska þess að við myndum ekki borga þetta. Auðvitað var sorglegt að Árni Matt hafi sagt þetta þarna í upphafi og Björgvin G síðan bitið höfuðið af skömminni. En sem betur fer var þessi gjörningur ekki bindandi fyrir þjóðina eða ríkið því allt svona þarfnast staðfestingar alþingis. Ég held að hann og þeir sem sátu í ríkisstjórn á tímum hrunsins hafi hreinlega verið í losti og alls ekki áttað sig á stöðunni sem við vorum í. Engum datt í hug að þetta mál væri svo stórt og dýrt. Síðan hefur svo sannarlega mikið vatn runnið til sjávar. VIð höfum fengið miklu meiri upplysingar um allt þetta mál, kynnt okkur almennilega stöðu okkar og sjáum öll að núna er tilefni til að endurskoða þá samninga sem gerðir hafa verið við Breta og Hollendinga. Við eigum marga málsvara og nú er lag að bæta skaðann. Þingmenn stjórnarflokkanna hljóta að sjá það eins og aðrir og þeir bara verða að standa með okkur - sama hvort Árni Matt eða Björgvin G hafi gert mistök eða ekki þarna í upphafi.

[Ómar Bjarki Kristjánsson, 9.1.2010 kl. 18:28]

Andri, jú jú.  Þetta er allt komið í þvílíka ruglið - að maður er ekki alveg að sjá hvernig þetta veltist.

En í samb. við fréttina sem þú vísar í 11.okt 2008 þá leitaði eg hana uppi og fór að skoða bloggin við hana.

Í fréttini kemur alveg fram aðalatrið máls, þ.e. að Hollendingar láni ísl. fyrir lágmarkinu o.s.frv.

Jú, 2-3 spurja hvort þetta lendi þá á almenningi - en, en heilt yfir eru menn bara hininlifandi.  Má sjá fyrirsagnir og pistla eins og: 

"Glæsilegt"

"Samningurinn við Hollendinga ber vitni vel heppnuðum diplómatískum viðræðum þar sem sest er niður að borðinu til að semja, sem er eitthvað annað en segja má um Bretana"

"Afar dýrmætt samkomulag"

"Verstu hnútarnir að leysast"

Það er nefnilega það merkilega að það var ekki þessi "hystería"  varðandi efnið fyrr en á seinni tímum.  Það er ekkert hægt að horfa framhjá því - og í framtíðinni verður auðvitað litið til þess við er menn skilgreina nútímann.

Það var aldrei neitt annað í spilunum en að greiða umrætt lágmark - bara spurning um greiðslufyrirkomulag.

[Ægir Óskar Hallgrímsson, 9.1.2010 kl. 23:13]

Þessi stjórn hefur engan vilja til lausna..það bara á að borga til þess að flýta fyrir aðild að ESB..með góðu eða illu..og gegn stefnu flokks..það bara skal borga..þó að við munum aldrei getað borgað..ef við getum borgað þá verður það ekki fyrir tilstilli þessarar stjórnar..það er öruggt.

[Gunnar Skúli Ármannsson, 9.1.2010 kl. 23:41]

Er Ísland ekki gjaldþrota með eða án Icesave?