Lengi getur vont versnað

70% þjóðarinnar vill fella Icesave og stór hluti vill ekki aðkomu útrásarvíkinga að endurreisninni eins og umræðan um Verne Holding sýnir.  En það er ekki bæði haldið og sleppt.

Það er ekki hægt að fella Icesave og senda gamla gengið burt.  Nei, fall Icesave verður eins konar syndaaflausn fyrir útrásarvíkinga eins og Jón Ásgeir og Björgólf.  Þeir munu skála í kampavíni ef þingið fellir Icesave.  Hvers vegna?  Jú því þá verða þeir einir um hituna í uppbyggingu íslensks atvinnulífs.  Erfitt er að sjá af hverju útlendingar ættu að koma með sitt fjármagn hingað til lands ef arður og afborganir eru ákveðnar í vinsældarkosningum á netinu.

Hins vegar mun þetta opna gáttina fyrir fjármagn af vafasömum uppruna í "eign" útrásarvíkinga.  Í krafti einokunaraðstöðu sinnar mun endurreisn útrásaraflanna verða undraverð og eftir nokkur ár hugsa menn hvaða rugl var þetta 2009 þegar fólk ætlaði að senda þessu "fínu pappíra" í tætarann!

Útiloka ekki að Icesave verði hafnað

Athugasemdir

[HF (IP-tala skráð) 21.12.2009 kl. 12:50]

Takk fyrir góðan og athyglisverðan pistil. Þú kílir á kaunin. Er ekki viss um að margir setji þetta í samhengi. Held að almennt vilji menn bæði losna við að borga icesave og  einnig losna við útrásarliðið (fínu pappírana). Nema "elítan", ég er farinn að halda að hún vilji helst halda áfram þar sem frá var horfið fyrir hrun. Hef hvorki séð né heyrt um neina iðrun hjá fjórflokkunum. Meira að segja VG sem var minnst spilltur er farinn að spila með þessu liði sbr. Saga Capital og það að ætla að endurreysa BYR. Held að flestir pólitíkusar vilji helst ýta á "reboot" og halda áfram þar sem frá var horfið, því miður.

[Sveinn (IP-tala skráð) 21.12.2009 kl. 15:36]

Það er alveg rétt, Íslendingar verða einhvern vegin að gera upp við þá sem áttu innistæður á Icesave reikningum í Bretlandi og Hollandi. 

Fyrsta skrefið í slíku uppgjöri væri að draga ráðandi hluthafa, stjórnarmenn og stjórnendur Landsbankans til ábyrgðar. Og gera heiminum ljóst að slíkt óreiðufólk muni ekki fá að vaða uppi á Íslandi í framtíðinni. Það hefur ekki verið gert.

 Annað  skrefið væri að skipa samninga nefnd af hæfum einstaklingum sem reynslu hafa að bera til að semja um sklíka gjörninga sem Icesave skuldbindingarnar og fá þá til að tala máli Íslands með hógværum hætti en jafnframt með kurteislegum ábendingum um glufurnar í reglugerðarverki EES og ábyrgð breskra og hollenskra yfirvalda. 

 Frumábyrgð á Icesave er hjá Íslendingum að afhenda dæmdum glæpamanni ráðandi hlut í banka í málamyndarútboði. En reglugerðasmiðir í Brussel og eftirlitsstofnanir í Bretlandi og Hollandi bera líka ábyrgð. Landsbankinn var í höndum glæpamanna, það var lengi ljóst, og Bretar og Hollendingar hefðu aldrei átt að leyfa Landsbanka að safna innistæðum í sinni lögsögu.

[Arinbjörn Kúld, 21.12.2009 kl. 17:28]

Ég vona svo sannarlega að þetta verði ekki raunin að dólgarnir nái íslandi aftur á sitt vald. HFF!

Kveðja að  norðan.

[Þrándur (IP-tala skráð) 29.12.2009 kl. 15:08]

Gleymist ekki hér líklegasta afleiðingin ef til þess kæmi að Alþingi hafnaði Icesave : Þá samþykkja Hollendingar og Bretar samninginn sem þegar hefur verið samþykktur af þinginu.

Þ.e. með fyrirvörum.

Hví ættu þeir að hafa áhuga á dómsmáli?