...svo framalega sem Icesave er frágengið

Mark Flanagan talaði um Icesave undir rós og sagði að allt væri á áætlun svo framalega sem fjármögnunin væri tryggð.  Þetta þýðir að annað hvort verðum við að ganga frá Icesave í einum grænum hvelli eða fá Pólverja og hin Norðurlöndin til að veita okkur lán án tengingu við Icesave.

 

AGS: „Erum á áætlun“

Athugasemdir

[Friðrik Hansen Guðmundsson, 14.12.2009 kl. 16:52]

Sæll Andri

Almennt var hann jákvæður og bjartsýnn á framhaldið.

Það að hann ætlar að leggja til að næsta endurskoðun fari fyrir Alþjóða gjaldeyrissjóðinn, AGS, þegar nú í janúar, þegar aðeins eru liðnar 6 vikur frá síðustu endurskoðun, það segir okkur að málin eru að snúast okkur í hag og við erum að vinna upp tapaðan tíma í þessari áætlun þeirra.

Þetta eru góðar og jákvæðar fréttir nú fyrir jólin.

[Frímann Ásgeirsson (IP-tala skráð) 14.12.2009 kl. 16:55]

Ég held að maðurinn sé skv. áætlun í geðbilun.

 Fyrst á að bíða og síðan hjálpa okkur við ekki neitt.

takk - en nei takk.

Kveðja

Frímann Ásgeirsson

[Kalikles, 14.12.2009 kl. 17:06]

Ef að "AGS" eru ánægðir............. er ísland í djúpum skít.

[axel (IP-tala skráð) 14.12.2009 kl. 17:29]

Mér finnst A.G.S. vera alltof mikið með puttana í okkar málum.

[Guðmundur Ásgeirsson, 14.12.2009 kl. 17:39]

Já Kalikles, það borgar sig allavega að taka það sem þeir segja með fyrirvara. Viðkvæðið hjá þeim gagnvart Íslandi er mjög í takt við þann tíðaranda sem tíðkaðist hér á uppgangstímanum fram til 2007: að taka fullt af lánum fyri hinu og þessu sem þarf að borga strax, en svo á bara seinna að finna leiðir til að endurgreiða lánin. Þeir gera ráð fyrir því að á næstu árum verði viðskiptajöfnuður við útlönd jákvæðari en nokkur dæmi eru um í sögunni, en hvergi fylgir sögunni hvernig í fjandanum eigi að fara að því að ná þessu markmiði nema hreinlega með því að leggja niður velferðarkerfið og gera okkur öll að vinnudýrum í skuldafangelsi. Við eigum ekki að vera að rembast við að reyna að borga það sem við ráðum ekki við því hver króna sem kastað er á bálið er töpuð. Við ættum frekar að lýsa yfir greiðsluþroti strax, því fyrr sem það er gert þeim mun minni verður kostnaðurinn, og forgangsraða svo í hvað við viljum að peningarnir okkar fari. Það sem verður afgangs má svo gjarnan nota til að friða erlenda kröfuhafa eftir megni, en þeir verða samt að sætta sig við talsverð afföll. Reynsla þeirra 60+ þjóða sem hafa farið þessa leið frá lokum seinna stríðs er sú að þetta er í langflestum tilvikum hagkvæmara til lengri tíma litið en að reyna að standa undir ósjálfbærum skuldabyrðum að kröfu útlendinga. Hvaða hagsmunir eru það sem skipta máli fyrir Ísland? Er það ímyndin út á við (sem er hvort eð er ónýt nú þegar) eða velferð íslenskra þegna (sem verður eyðilögð líka ef við hlýðum kröfum útlendinga)?

[Ólafur Jóhannsson, 14.12.2009 kl. 22:22]

Mér fannst Flanagan vera nokkuð fljótur á sér að tilkynna hvenær endurskoðun fer fram næst.

Hann á auðvitað eftir að ráðfæra sig við þá sem öllu ráða bak við tjöldin, sem sagt Breta, Hollendinga og Evrópusambandið.

[Ómar Harðarson (IP-tala skráð) 14.12.2009 kl. 22:44]

Það er um þrjár leiðir að velja í sambandi við Icesave:

1. Leið ríkisstjórnarinnar og ganga frá samningnum nú þegar.

2. Leið Sjálfstæðisflokksins og fella samninginn en leita eftir betri samningi.

3. Leið Framsóknarflokksins og Hreyfingarinnar sem og Ögmundar og Lilju sem vilja ekki borga þar sem það leiðir til þjóðargjaldþrots.

Þriðja leiðin byggir á því að landið sé í raun þegar gjaldþrota, þar sem það getur ekki staðið við slíkar skuldbindingar. Vandinn við þá leið er hins vegar að það er enginn kröfuhafi tilbúinn til að trúa því að Ísland geti ekki staðið við Icesave skuldbindingarnar eða önnur lán, né heldur til að taka undir að íslenska ríkið beri ekki ábyrgð á Icesave. Meðan svo er þá mun ekkert ríki í alþjóðasamfélaginu nokkurn tíma lyfta litla fingri okkur til hjálpar. Ef það er rétt að við séum í reynd gjaldþrota eða verðum það innan tíðar, þá verðum við því miður að ganga þau svipugöng alla leið þangað til öllum er það ljóst. Þess vegna er þriðja leiðin ófær.

Önnur leiðin byggir á því að það sé enn færi á að ná fram betri samningum. Ekki er alveg ljóst hvað Sjálfstæðisflokkurinn telur raunhæft að ná fram, né heldur hvernig flokkurinn ályktar að samningsstaða okkar sé betri nú þegar fjármálamarkaðir hafa jafnað sig og hættan á hruni vegna undanskots Íslands frá ábyrgð á innstæðum ekki lengur jafn mikil. Það er raunveruleg hætta á að viðsemjendur muni einfaldlega halda áfram að beita okkur áfram þeim þrýstingi sem þeir hafa þegar beitt.

Þá eru miklir hagsmunir í húfi vegna frekari tafa á lausn. Eigur Landsbankans geta ekki á meðan gengið upp í Icesave skuldina, með milljarða kostnaðarauka fyrir ríkið. Að ekki sé talað um frekari tafir á lánaaðstoð frá AGS og Norðurlöndum með raunverulegri hættu á gjaldfalli vegna afborgana á næsta ári og því þarnæsta.

Að öllu virtu er eina ábyrga afstaðan að ganga frá þessum Icesavesamningum nú þegar. Verði afborganir of þungar, þá er sjálfsagt að fá snjalla samningamenn eins og Birgir Ármannsson og hans nóta til að semja um endurfjármögnun þessara lána eða jafnvel afskriftir. Þeir virðast amk. vita hvar hægt er að fá ódýrari lán til Íslands til langs tíma.

[Björn Kristinsson (IP-tala skráð) 15.12.2009 kl. 08:26]

Ég legg til að Íslendingar hætti að sjá þá hluti sem þarf að gera í pólitísku ljósi.

Við verðum að koma okkur upp úr pólitískum skotgröfum því sá leikur gerir ekkert annað en að sundra þjóðinni enn frekar.

Þetta er búið og gert. Vinnum okkur út frá plani B. Það er sveigjanleiki. Það eru möguleikar í öllum stöðum - verðum aðeins að hugsa örlítið út fyrir boxið.

[Andri Geir Arinbjarnarson, 15.12.2009 kl. 13:59]

AGS hefur nú sparkað boltanum yfir til ríkisstjórnarinnar.  Ekki stendur á AGS, allt er til reiðu svo framalega sem hin Norðurlöndin eru á okkar bandi.