Vextir eiga bara eftir að hækka og hækka

Reiðilestur Ögmundar yfir vaxtastefnu Norræna fjárfestingarbankans endurspeglar vel íslensk viðhorf til lána og vaxta, og sýnir vel lítinn skilning á hvernig alþjóðlegir fjármálamarkaðir virka.

Eftirspurn eftir lánsfé á eftir að aukast til muna á næstu árum þegar Bandaríkjamenn, Bretar og Japanir þurfa að endurfjármagna sig.  Það þýðir að vextir munu hækka og bilið á milli þeirra sem hafa gott og lélegt lánstraust mun aukast.  

Bankar geta þá valið úr hverjum þeir lána. Það verður lítið um ný lán til Íslands - svarið verður, borgið fyrst gömlu lánin annars hafið þið ekkert svigrúm til að borga vexti af nýjum lánum.

Bankar eru ekki góðgerðastofnanir. 

 

Ranglæti gagnvart Íslendingum

Athugasemdir

[Doddi D (IP-tala skráð) 4.12.2009 kl. 23:58]

Ef þú heldur að heiminum sé stjórnað af viðskiptalögmálum, þá hefurðu ekki lesið mikla sagnfræði. Þú hefur ekki einu sinni fylgst með síðastliðin 5 ár.

[Jóhannes Laxdal Baldvinsson, 5.12.2009 kl. 07:30]

Ég hélt að NIB væri ígildi Byggðastofnunar og þar eiga að gilda fleiri lögmál en þau kapitalísku

[Andri Geir Arinbjarnarson, 5.12.2009 kl. 08:06]

NIB er banki sem þarf að fjármagna sig.  Það þarf líka að gæta jafnræðis.  Það er ekki boðlegt að verkefni á hinum Norðurlöndunum séu látin niðurgreiða vexti hér á landi.

Hvers vegna tala Ögmundur ekki um okurvexti Íbúðarlánasjóðs.  Eiga þeir ekki með sömu rökum að vera langt undir markaðsvöxtum og þar með niðurgreiddir af skattgreiðendum af því að fólk er í greiðsluvandræðum?