"Much Ado About Nothing"

Bresk og hollensk stjórnvöld geta sagt við sína skattgreiðendur:

Íslendingar munu borga alla upphæðina með vöxtum.

Tíminn skiptir minna máli enda snýst þetta ekki um upphæðir hjá þeim heldur prinsipp og pólitík.

Íslendingar geta sagt við alþjóðasamfélagið:

Við stöndum við okkar orð og borgum.

Og vonandi geta íslensk stjórnvöld sagt við skattgreiðendur:

Nú kemur alþjóðasamfélagið okkur til hjálpar, AGS mun fara í sína endurskoðun og EB mun að öllum líkindum standa undir mestu af Icesave þegar allt kemur til alls, enda munum við fá alls konar styrki bakdyramegin á móti okkar  greiðslum.  

Áður en við förum að borga og þegar við erum komin inn í EB mun nefnd líklega skila áliti þar sem mun koma fram að gölluð EB reglugerð hafi átt þátt í Icesave klúðrinu og þar með verður þessi sjoppureikningur borgaður af EB.  

Við getum því ýtt þessu Icesave til hliðar og hætt að fara af taugum út af þessu. 

Allt bendir til að við munum aldrei borga neitt af þessu.

 

Lengra varð ekki komist

Athugasemdir

[Sævar Helgason, 18.10.2009 kl. 21:46]

Klárlega verður þetta í reynd svona.   Þessi ríki hafa engan hag af því að keyra þessa þjóð í duftið. En mikilvægast er að við viðurkennum skuldir okkar og stöndum upprétt frammi fyrir umheiminum.  Nú getur endurreisn Íslands hafist

[Björn Kristinsson (IP-tala skráð) 18.10.2009 kl. 21:56]

Andri, fullkomalega sammála þér. Hef ætíð talið að við munum ekki borga EUR/IKR varðandi Icesave.

Við deilum hér sömu skoðun og meginmarkmiðið hafi verið að fá Íslendinga til að undirrita þennan samning til að bjarga gölluðu regluverki EB. Hvernig svo sem niðurstaðan verður í skjóli nefndar á vegum EB eða í sjálfum EB samningnum þá verður tekið skikk á forsendubrest varðandi Icesave.

[Hólmfríður Bjarnadóttir, 18.10.2009 kl. 22:13]

Þetta er það sem mér hefur fundist vera niðurstaðan allan tímann og gott að þrefið er búið. Hef ekki talið þessa skuld skipta svo miklu fyrir okkur fjárhagslega. Það allra besta er að sjórnarandstöðunni tókst ekki að ná völdum.

[Jóhannes Laxdal Baldvinsson, 18.10.2009 kl. 22:22]

Vonandi fæst þetta samþykkt. En ekkert er búið fyrr en það er búið.  Næsta mál á dagskrá er sáttmáli um næstu skref í iðnaðaruppbyggingu. Þetta niðurrifstal bæjarstjórans í Reykjanesbæ grefur undan siðferðisþreki íbúanna. Það er víst nóg samt.  Ég held að VG og Samfylking verði að fara að halda sameiginlega þingflokksfundi og ná saman um mál áður en athyglissjúkir þingmenn fara að gaspra við fjölmiðla.

[Geir (IP-tala skráð) 18.10.2009 kl. 22:30]

Af hverju samþykkja bretar þá ekki fyrirvarann um niðurfellingu 2024? Og afhverju vilja þeir geta gengið að eigum ríkisins ef OR eða önnur ríkisfyrirtæki geta ekki greitt skuldir? Það er mjög óábyrgt af ykkur að halda það að bretar muni vera eitthvað sérstaklega góðir við okkur, þeir hafa nú ekki verið það hingaðtil. 

[Elías Pétursson (IP-tala skráð) 18.10.2009 kl. 23:48]

Erum við að fara í ESB?

 Hvenær var það ákveðið?

Var þetta þá allt eitt leikrit?

Hitt er sennilega rétt að við  munum ekki greiða ICESAVE, ekki nema ríkisstjórnin noti AGS lánið til þess......

[Andri Geir Arinbjarnarson, 19.10.2009 kl. 07:39]

Elías,

Ég held að Icesave eigi eftir að spila rullu í að koma okkur inn í EB, öðruvísi komumst við ekki út úr þessu klandri.  Þetta er allt ein pakkalausn Icesave, AGS og EB.  

[Haraldur Hansson, 19.10.2009 kl. 09:52]

Aumara getur það ekki orðið.

Samþykkja klyfjarnar, skríða inn í ESB og treysta á "styrki bakdyramegin" til að losna við óréttlætið! Að alþjóðasamfélagið "hjálpi okkur" þegar við verðum búin að koma okkur í vonlausa stöðu og þess vegna sé skynsamlegt að skjóta sig í fótinn. 

Margar af færslum þínum um þjóðmálin hafa verið prýðilegar síðustu mánuðina, en nú virðist sem að þegar IceSave ber á góma séu bara til dökkir litir í litakassanum þínum. Það er mikil synd.

[Andri Geir Arinbjarnarson, 19.10.2009 kl. 10:11]

Haraldur,

Ég skil afstöðu þína mæta vel og óskandi væri að við værum ekki í þessari stöðu en það erum við.  Auðvita er hart að þurfa að ganga inn í EB með allt niður um sig í stað þess að gera það þegar maður er með allt á hreinu og eftirsóttur meðlimur.  

Hins vegar verður maður að vera raunsær.  Efnahagslífið verður ekki reist við hér nema með utanaðkomandi hjálp.  Skuldirnar og skaðinn er of mikill til að við getum gert þetta sjálf.  Því fyrr sem við viðurkennum það því betra.  Betra er því að vinna í sátt og samlyndi við alþjóðastofnanir og okkar nágranna, sýna skilning, sanngirni og sveigjanleika en jafnframt hörku og ákveðni byggða á sterkri stefnu og skýrum markmiðum.  

Ef við vitum hvert við stefnum og útskýrum það skilmerkilega fyrir erlendum aðilum þá fáum við hjálp og stuðning.  Þetta snýst ekki svo mikið um peninga hjá AGS og EB enda erum við algjör skiptimynt.  Þetta snýst um traust, trúverðugleika og skýrt markaða stefnu.  

Í stað þess að vinna að því að bæta traustið og marka stefnuna hefur tíminn farið í rifrildi og sundurþykkju, væl og vol.   Erlendir aðilar hafa einfaldlega ekki tíma til að standa í svona þrasi við 320,000 manna þjóð.

Við verðum að taka frumkvæðið en passa okkur jafnframt að vinna innan þessa ramma sem okkur er "skammtaður".   Við verðum einfaldlega að bíta í það súra epli að Icesve er utan þess ramma.

[Haraldur Hansson, 19.10.2009 kl. 10:28]

Ég mæli með að þú takir þér mynd í kvöld. Horfðu á Flash of Genius.

... sýna skilning, sanngirni og sveigjanleika en jafnframt hörku og ákveðni ...

Í alla okkar framgöngu vantar einmitt hörku og ákveðni. Þó ekki væri í öðru en því að stand á rétti sínum. Það er líkta til lítils að sýna skilning þegar mótaðilinn gerir það ekki. Þá kallast það að lúffa. Að sætta sig við yfirgang.

Þetta snýst um traust, trúverðugleika og skýrt markaða stefnu.

Traust, sem byggt er á þeim grunni að annar aðilinn, í krafti stærðar sinnar, meinar hinum að fá skorið úr um deilumál að lögum, er einskis virði. Að marka skýra stefnu um að skríða til Brussel í nafni uppgjafar er það ekki heldur.

Erlendir aðilar hafa einfaldlega ekki tíma til að standa í svona þrasi við 320.000 manna þjóð.

Hvað ertu eiginlega að fara hér? Af því að við erum svo fámenn eigum við bara að láta allt yfir okkur ganga? Að sanngirni, réttlæti og reglum samfélagsins skuli ýtt til hliðar af því að við erum svo fá? Ég mæli aftur með Flash of Genius. Þú finnur kannski týndu litina eftir að hafa horft á þá mynd. 

[Björn Kristinsson (IP-tala skráð) 19.10.2009 kl. 14:10]

Vandi Íslendinga er miklu meiri en við áttum okkur á. Sjálfur er ég ekki hrifinn af EB en við erum kominn upp að vegg og erum hreinlega neidd í EB. Ástæðan:

1) Erlendar skuldir þjóðarinnar: min 240-250% og það er viðkennt opinberlega

2) Gjaldmiðlamál

3) Skuldastaða heimila og fyrirtækja

4) Alþjóðleg kreppa sem mun mögulega dýpka enn frekar

Það eru yfirgnæfandi líkur á því að Ísland/íslenska ríkið verði fyrir greiðslufalli vegna vandamála hér. Það er eini möguleiki okkar að við munum njóta skjóls í EB. Ég get haft rangt fyrir mér og þá sérstaklega sé horft til lengri tíma.

Þjóðarbúið ræður hins vegar ekki við afborganir og vextagreiðslur af 3-4000 milljarða skuldapakka !!

[Andri Geir Arinbjarnarson, 19.10.2009 kl. 15:33]

Haraldur,

Það sem ég er að segja er að við verðum að gera okkur grein fyrir að stórar þjóðir geta ekki eitt hlutfallslega meiri tíma í okkur en aðra og því verðum við að haga okkur eftir því og vera vel undirbúin því tíminn sem okkur er gefin er alltaf stuttur.