Hér er verið að bæta gráu ofaná svart - ekkert grænt hér!

Ákvörðun ríkisstjórnarinnar um nýja orkuskatta bætir grá ofaná svart hér á landi.  Eins og það sé ekki nóg að við búum við efnahagshrun, pólitískan óstöðuleika, atvinnuleysi, gjaldeyrishöft, og skort á trúverðugleika og trausti, nú bætist við óvissa í skattamálum sem er eitur í blóði erlendra fjárfesta. 

Írar sem eiga við svipaðan fjárlagahalla að stríða og við, hreyfðu ekki við sínu skattakerfi fyrir fyrirtæki á ótta við að hræða frá erlenda fjárfesta og þar með gera horfur á efnahagsbata enn verri.

Icesave mun varla fella þessa stjórn, en afstaða þeirra í orku- og umhverfismálum gæti vel gert það.

Áform um orkuskatt og ákvörðun umhverfisráðherra valda mikilli óvissu

Athugasemdir

[Jóhannes Laxdal Baldvinsson, 16.10.2009 kl. 10:28]

Hingað til hef ég verið þér að mestu leyti sammála en hér skilur á milli. Orkuskattar eru eðlilegir og hefði átt að bvera búið að koma þeim á fyrir löngu síðan. Og þar fyrir utan þá eigum við að verðleggja umhverfisvænu orkuna hærra en hina.  Óvissan er bara fólgin í því að útfærsluna vantar. Hvort um verði að ræða 1 krónu á einingu eða eitthvað lægra. Álbræðslurnar eru hér vegna ódýrrar orku og einnig þjónar ímynd landsins ákveðnu hlutverki. Látum ekki erlenda umhverfissóða hræða okkur með innantómum hótunum

[Andri Geir Arinbjarnarson, 16.10.2009 kl. 10:43]

Jóhannes,

Ég er ekki gegn sanngjörnum orkusköttum en útspil fjármálaráðherra hefur aðeins skapað óvissu og þetta er ekki tíminn til að fæla erlenda fjárfesta í burtu.

Svo mega orkuskattar ekki verða eins konar gjaldtökuuppbót vegna lélegra samningagerða um orkuverð af hálfu Íslendinga.

[Jóhannes Laxdal Baldvinsson, 16.10.2009 kl. 11:21]

Mér sýnist Steingrímur vera að berja í þá bresti sem afleikir Samfylkingar sköpuðu, varðandi undirritun fjárfestingarsamnings við Century Aluminum Company og Norðurál Helguvík ehf. vegna byggingar álvers í Helguvík.  Þetta eru sérstakir tímar og það verða allir að taka á sig byrðar.  Ekki síst álfyrirtækin sem njóta sérstöðu.

Ef orkuskattar fæla Norðurál frá frekari áformum um álver í Helguvík þá er það bara af hinu góða. Það er ljótur leikur að ala á óraunhæfum væntingum eins og gert hefur verið af sveitastjórnamönnum á Suðurnesjum. Þeim væri skammar nær að leggjast á arar með þeim sem vilja nýtt fiskveiðistjórnarkerfi og endurheimtur á aflaheimildum heim í hérað.  Sjómennska er það sem þessi bæjarfélög byggðust upp á og það á að vera undirstaða byggðar. Ekki mengandi stóriðja sem aðeins skapar störf fyrir fáar fjölskyldur til frambúðar.  Ef álbræðsla ætti að leysa vandann þá þyrfti 6 álbræðslur en ekki eina