Skilanefnd Kaupþings bera að segja af sér?

Samkvæmt breska blaðinu Observer er Halldór Bjarkar sem vinnur fyrir skilanefnd Kaupþings með stöðu grunaðs manns.  Ef þetta er rétt, bendir það til að þessi pólitískt skipaða skilanefnd sé vanhæf.

Að Halldór skuli ekki víkja frá sínu starfi á meðan hann er með stöðu grunaðs aðila að eigin frumkvæði vekur upp spurningar um siðferðisþrek og hæfni hans.  Það sama á við þá einstaklinga sem sitja í skilanefnd og sérstakleg formann hennar.  Þá má spyrja um hvers vegna ráðherrar virðast leggja blessun sína yfir þetta með þögn og afskiptaleysi?

Það er margoft og búið að skrifa um hversu óráðlegt það var að skipa pólitíska gæðing í þessar skilanefndir og hér virðist komið upp skýrt dæmi um mjög vandræðalega stöðu fyrir alla aðila.  Hverra hagsmuna er verið að gæta hér?

Réttast væri að öll skilanefnd segði af sér ásamt Halldóri.

Fyrstur til að fá stöðu grunaðs manns

Athugasemdir

[Þórarinn Þ Gíslason (IP-tala skráð) 11.10.2009 kl. 09:17]

Sæll.

 Þetta fór nú allveg framhjá mér að hann væir í skilanefndinni.

Ég á ekki orð, en ég ætla að fylgjast með til kvölds hvort hann verður áfram.

Þvílík hneisa á allt réttar og siðhugusn , þeirra sem stjórna landinu.

Kveðja.

[Maelstrom, 11.10.2009 kl. 09:31]

Það kemur nú eiginlega líka fram að hann fái mögulega stöðu vitnis í málinu.  Er það nú orðið þannig að það sé nóg að verða vitni að hlutum til að dómstóll götunnar taki menn af lífi.  Djöfulsins fávitar getið þið verið!!!

Af hverju haldið þið ekki bara kjafti og látið saksóknara um málið.  Hverjar haldið þið að séu líkurnar á því að menn verði dæmdir fyrir nokkurn skapaðan hlut ef að fyrsta vitni saksóknara missir vinnu og æru.  Ætli hann verði ekki fyrsta og eina vitni sérstaks saksóknara.

[Andri Geir Arinbjarnarson, 11.10.2009 kl. 09:51]

Þórarinn,

Ég held að þessi Halldór Bjarkar vinni fyrir skilanefndina og vann áður hjá Kaupþing.  Hann er ekki skilanefndarmaður en það breytir ekki því að skilanefnd á ekki að hafa menn í vinnu sem eru með stöðu grunaðs manns.  Þar skiptir engu máli hvort hann verði vitni seinna, það kemur í ljós,  og þá getur hann tekið upp fyrra starf en á meðan á hann að víkja.  Þetta eru einfaldlegar siðareglur sem því miður vefjast fyrir mönnum og eru gerðar pólitískar á Íslandi til að redda stjórnmálamönnum fyrir horn.

Maelstrom,

Orðbragð þitt og nafnleysi dæma sig sjálf og ekkert meir um þínar skoðanir að segja.

[Jóhannes Laxdal Baldvinsson, 11.10.2009 kl. 10:03]

Skiptir það í raun máli hvort maðurinn hafi stöðu vitnis en ekki grunaðs? Vitni búa yfir upplýsingum og ef hann hefur búið yfir upplýsingum um refsvert athæfi og ekki sagt frá þá hefur hann gerst meðsekur um refsivert athæfi. Allt ber þetta að sama brunni, þetta viðskiptasiðferði sem viðgengst er í eðli sínu criminelt. Þá túlkun frjálshyggjumanna að allt sem ekki er bannað sé þar með leyfilegt verður að uppræta. Við hljótum að ætlast til að menn geti sett sér moralskar siðareglur sem ekki  gangi á skjön við almenn siðferðisviðmið

[Ragnar Eiríksson, 11.10.2009 kl. 10:19]

Góðan dag,

Það eru fáir ef nokkrir af þeim sem höndlað hafa með mál viðvíkjandi hruninu sem sjálfviljugir hafa viðurkennt vanhæfi sitt.    Fáeinum hefur verið vikið úr starfi eða þeir hafa hætt eftir að almenningur hefur úthrópað þá og lýst vanþóknun.    Vonandi muna menn hvernig skilanefndirnar brugðust við þegar FME vék nokkrum úr starfi (þar sem verkefnum þeirra var lokið eins og FME orðaði það!) en hvað gerðu skilanefndirnar?   Þær réðu 3 af 4 aftur sem starfsmenn og ef ég man rétt þá fór skilanefnd Landsbankans þar fremst og endurréð 2!      Þetta fólk, skilanefndir, starfsmenn þeirra, stjórnmálamenn og opinberir starfsmenn og sjálfsagt fleiri virðast algerlega siðlausir FARÍSEAR sem sjá ekkert illt í eigin garði.    Það ætti að vera búið að skipta út öllu skilanefndarfólkinu og öllum starfsmönnum sem störfuðu í efri lögum gömlu bankanna fyrir löngu!       Spillingin sést best í orðum Höskuldar eða Sigmundar Davíðs, framsóknarþingmanna og Noregsfara þegar þeir tala um "nornaveiðar"  og að það eigi ekki að láta mikla hæfileikamenn gjalda þess að þeir störfuðu hjá Straum-Burðarás og eru nánir vinir og samstarfsmenn Björgólfs Thor's.       Ég fylgdist nokkuð náið með Bloomberg fréttavefnum í desember 2008 og tók þá eftir að dag eftir dag var Straumur-Burðarás með hæstu veltu allra fyrirtækja í Evrópu!!!!     Hvað voru þeir þá að höndla með - íslenskan gjaldeyri e.t.v. í aflandsviðskiptum??????     Og þá voru þessir menn við störf í Straumi - það er nú ekki lengra síðan!!     

Það eru fáir eða enginn af þessu liði sem er í starfinu af hugsjón og heiðarleika,  það eru allir að reyna að méla eigin köku.   Orti ekki Bólu Hjálmar:

.............

Eru þar flestir óþokkar

illgjarnir þeir sem betur mega,

......." 

Ragnar Eiríksson

[Sigurður Helgason (IP-tala skráð) 11.10.2009 kl. 11:25]

Einn vinur minn úr austurstrætinu fékk átta mánuði fyrir 250 kall,

úps hvað fá þessir menn langan dóm,,,,,,,,, kannski mánuð ;)

[Marinó G. Njálsson, 11.10.2009 kl. 12:59]

Það er tvennt í þessu sem er hvoru tveggja jafn mikilvægt.

1.  Allir eru saklausir uns sekt er sönnuð.  Hvað svo sem okkur finnst, þá lendir fjöldi manna í því að vera grunaðir um glæp, en síðar í rannsókninni kemur fram að viðkomandi er ekki lengur á lista yfir grunaða.  Réttarstaða viðkomandi hefur breyst.  Vissulega er algengt að menn víki meðan rannsókn stendur yfir og þá kemur að seinni þættinum.

2.  Meðan viðkomandi er grunaður, þá má efast um hæfi viðkomandi til að gegna starfi sínu, í þessu tilfelli fyrir skilanefnd Kaupþings.  Til að taka af alla efa, þá er betra að viðkomandi víki starfi.  Um þetta höfum við fjölmörg dæmi um á síðkastið.  Tvo þekktustu eru séra Gunnar á Selfossi og heilsugæslulæknirinn á Eskifirði.  Það skynsama hjá skilanefnd Kaupþings er því að setja Halldór Bjarka í tímabundið leyfi meðan hann hefur réttarstöðu grunaðs manns.  Með því er ekki verið taka afstöðu til sektar hans, heldur verið að verja orðspor og heilindi skilanefndarinnar þannig að utanaðkomandi aðilar þurfi ekki að efast um verk nefndarinnar.

[Andri Geir Arinbjarnarson, 11.10.2009 kl. 13:41]

Marinó,

Alveg rétt og á að vera augljóst.  Að skilanefnd skuli ekki hafa gert þetta strax og láti finna svona siðferðilegan höggstað á sér er ótækt.  Þetta vekur upp spurningar um hvers konar vinnubrögð eru viðhöfð þarna, því verður krafan um afsögn rökrétt afleiðing.