Sjálfstæði og fagmennska KPMG og PWC undir smásjá

Fréttir um lögreglurannsókn á skrifstofum KPMG og PWC er ekki það sem fólk býst við hjá vönduðum endurskoðendafyrirtækjum. 

Svona fréttir eru mjög sjaldgæfar og því er mjög athyglisvert að tvö stærstu endurskoðendafyrirtæki landsins fái heimsókn frá saksóknara sama daginn. Líkur á þessu eru eins og eldingu slái niður tvisvar á sama stað.

KPMG og PWC eiga að starfa algjörlega óháð hvort öðru og ekkert samband á að vera á milli starfsmann þeirra eða vinnuaðferða.  En er það svo á Íslandi?  Margt bendir til að óeðlilegt samband hafi verið á milli þessara fyrirtækja?  Hittust starfsmenn og komu sér saman um aðferðir og túlkun á stöðu bankanna?

Hér eru margar spurningar sem þarf að svara.  

Framtíð endurskoðendafyrirtækja með erlenda tengingu virðist lokið hér á landi í bili.  Tenging við Ísland og íslenska viðskiptahætti hefur í för með sér miklu meiri hættur en hagnað fyrir erlenda endurskoðendur.

Of hátt mat á virði bréfa í peningamarkaðssjóðum

Athugasemdir

[Guðmundur Ásgeirsson, 3.10.2009 kl. 16:05]

"Sjálfstæði og fagmennska KPMG og PWC undir smásjá".

Og ekkert að sjá þar, sama hversu mikil stækkun er notuð!

[Andri Geir Arinbjarnarson, 3.10.2009 kl. 16:23]

Guðmundur,

Íslenskar smásjár eiga það til að vera útbúnar með hélað gler!

[Arnór Baldvinsson, 4.10.2009 kl. 00:44]

Sæll Andri,

Það kemur ekki fram í frétt mbl.is hvenær þetta mat átti sér stað.  Ef þetta átti sér stað 2008 eða snemma 2009 þá var alls ekki útséð um hver staða margra þessara fyrirtækja yrði.  Ef þetta mat var gert stuttu eftir bankahrunið eða jafnvel fyrir hrun, þá eru þetta e.t.v. ekki óeðlilegar tölur. 

Kveðja,

[Friðrik Hansen Guðmundsson, 4.10.2009 kl. 16:16]

Frá því bankarnir féllu þá hefur það bara verið tímaspursmál í mínum huga hvenær endurskoðunarskrifstofurnar sem árituðu og þar með ábyrgðust falsaða ársreikninga og árshlutauppgjör bankana munu falla.

Falsaða segi ég því það var ekki að sjá nein merki þess í ársreikningi 2007 eða árshlutareikningum á árinu 2008 hver raunveruleg staða bankana var. Það koma síðar heldur betur í ljós.

Mín tilgáta er sú að þátttaka þessara endurskoðunarfyrirtækja í þessum blekkingum og fölsun bankana sem muni á endanum fella þessar endurskoðunarskrifstofur. Mín tilgáta er sú að það muni rísa holskefla málaferla þar sem sótt verður að þessum endurskoðunarskrifstofum vegna þeirrar ábyrgðar sem þær bera að hafa áritað glanspappírana sem frá bönkunum. Glaspappíra sem urðu þess valdandi að fjöldi aðila keypti hlutabréf í þessum bönkum í góðri trú eða lánuðu þeim fé.

Þessir glanspappírar bankana sem endurskoðunarskrifstofurnar staðfestu að væru réttir eru á ábyrgð þessara alþjóðlegu endurskoðunarskrifstofanna.

Margir telji það nauðsynlegt í framhaldi af einu stærsta bankagjaldþroti heimsins að það verði að fella þessi endurskoðunarfyrirtæki sem árituðu þessa glanspappíra til þess að endurreisa traust á alþjóðlegum endurskoðunarskrifstofum. Það sé ekki hægt að láta þessi fyrirtæki starfa áfram á markaðnum. Engin trúir og treystir því sem frá þeim kemur eftir það sem gerðist hér á landi.