Japanir verða að læra af Norðmönnum

Japanskir fjárfestar verða að læra af Norðmönnum að ekkert þýðir að reyna að fjárfesta hér á landi nema með sterk pólitísk tengsl.

Kjölfestufjárfestar innan norska verkamannaflokksins treysta á Jens Stoltenberg sem kemur sínum manni að hér sem Seðlabankastjóra sem síðan, undir því yfirskini að nú þurfi að laða erlent fjármagn til landsins, heldur prívat fundi með þeim fjárfestum sem hafa sama vegabréf og hann og reynir að ráðstafa bestu bitunum til Noregs?

Auðvita þora íslenskir blaðamenn og pólitíkusar ekki að spyrja Svein Harald fyrrverandi Seðlabankastjóra hvort hann fái þóknun, eða "finder´s fee" fyrir að mæla með þessum fjárfestingum hér á landi. Er hann að maka krókinn persónulega, með sambönd og upplýsingar sem hann aflaði sér hér sem Seðlabankastjóri?  Er óviðeigandi að spyrja svona spurninga af því að hann er Norðmaður?

Nú verður gaman að sjá hvort Japanir fá að bjóða í þá bita sem Norðmenn telja sína!

 

 

Vilja fjárfesta fyrir milljarð dala

Athugasemdir

[Robert (IP-tala skráð) 9.9.2009 kl. 22:08]

Þú vilt kannski fá útrásarsnillingana að þessu, eða frjálshyggju"villingana"   ég hef orðið var við það meðal Norðmanna að þeir telja þetta lið hafa eyðilagt allt á Íslandi og hafi bara ekkert fram að færa, þótt þetta séu prófessorfígúrur í háskóla Íslands þá telja Norðmenn þá harla lítils virði.  Norðmönnum þykir hinsvegar vænt um Íslensku þjóðina, og vilja hjálpa þjóðinni, en það er bara annað mál.                                

[Andri Geir Arinbjarnarson, 10.9.2009 kl. 05:41]

Robert,

Ég vil fyrst og fremst að sömu reglur gildi fyrir alla hvort sem það eru Norðmenn eða aðrir.  Að halda að þessir Norðmenn séu hér í góðgerðarstarfsemi er barnaskapur.  Þetta eru fyrst og fremst businessmenn sem hugsa um sig en markaðssetning þeirra og PR er sniðið að þörfum Íslendinga.  Þessir Norðmenn eru 100% kapítalistar en þeir klæða sig í norska velferðarskikkju og þar með er leikurinn unninn.

Hvers vegna bauð Sveinn Harald ekki þessum Japönum á fund með sér?  Það er þessi pólitík sem er svo vond.  Norðmennirnir hafa pólitíkin á hreinu alveg eins og Björgólfur gerði á sínum tíma. Auðvita eru þessir Norðmenn heiðarlegri en okkar pakk en það er ekki málið, reglur eru reglur alveg sama hver á þar í hlut.

Já, Norðmönnum  þótti voða vænt um Íslendinga þegar þeir slógu eign sinni á Jan Meyen fyrir framan nefið á okkur.  

[ElleE (IP-tala skráð) 16.9.2009 kl. 17:51]

Nei, Andri, það er ekki óviðeigandi að spyrja svona spurnnga og vel við hæfi, og hvort sem hann er Norðmaður eða Venusbúi.  Og hvort sem hann var Seðlabankastjóri eður ei.  Þegar hlutir líta grunsamlega út eru þeir það oft og fólk ætti alls ekki að þegja.  Fólk hefur þagað of lengi, enda vaðið yfir allt og alla í landinu og allt kerfið rotið í gegn.