Danir þekkja okkur betur en við viljum viðurkenna!

Ekkert fer eins í taugarnar á Íslendingum og þegar Danir hafa rétt fyrir sér.  Þegar Danir vöruðu okkur við og sögðu að bankarnir hér væru byggðir á sandi, tókum við þeirri gagnrýni ekki málefnalega og vildum ekki ræða hana á hlutlausan og yfirvegaðan hátt.  Í staðinn var rokið upp í fússi og þrjósku í blindri minnimáttarkennd sem skekkti allt okkar mat á raunveruleikanum.  Danir voru bara öfundsjúkir og afbrýðissamir út í "velgengni" Íslendinga var sagt, nokkuð sem almenningur gleypti hrátt og var stoltur yfir!

Svona hefur saga okkar við Dani verið nær sleitulaus í 600 ár.  Hvenær ætlum við að gera upp samskipti okkar við Dani og byrja að umgangast þá eins og aðrar þjóðir?  Við getum lært margt af Dönum og ættum alltaf að hlusta á það sem þeir segja og ræða máin á jafnréttisgrundvelli en ekki hlaupa upp í einhverjum barnaskap og kenna möðkuðu mjöli frá fyrri öldum um allt sem fer illa hjá okkur sjálfum.

Gamalt Kaupþingsmyndskeið vekur athygli

Athugasemdir

[linda (IP-tala skráð) 23.8.2009 kl. 09:03]

Alveg óþolandi satt hjá þér.

[Ágúst Guðbjörnsson (IP-tala skráð) 23.8.2009 kl. 09:40]

Alveg hárrétt Andri.

12. Febrúar 2008 (Børsen): http://agustgudbjornsson.com/myndir/DSC_0001.jpg
12. Febrúar 2008 (Berlinske): http://agustgudbjornsson.com/myndir/DSC_0005.jpg

[Guðmundur Sverrir Þór, 23.8.2009 kl. 09:50]

Sammála þessu en það gildir reyndar einu hvort um er að ræða Dani eða aðrar þjóðir, t.d. er það nú alþekkt að Íslendingar taki ekki við ráðum af Svíum því þeir séu svo leiðinlegir.

Sömuleiðis sammála Berlingi með stórmennskubrjálæðið, íslenska þjóðin fylltist kollektívu stórmennskubrjálæði og því fór sem fór. Eitt gott dæmi er hvalveiðarnar, vissulega eiga aðrar þjóðir ekki að segja okkur fyrir verkum en við getum heldur ekki álasað þeim fyrir að vilja okkur ekki jafn vel þegar við höfum storkað þeim.

[persóna (IP-tala skráð) 23.8.2009 kl. 10:12]

Það skiptir ekki máli álit annara þjóða á okkur,hvað þeim finnst. Bara að við sem þjóð getum tekið ábyrgð á því sem við gerum og staðið og fallið með því,sama hvort það komi á daginn að sú ákvörðun var kanski ekki sú besta en við tókum hana og þá meina ég VIÐ og þá verðum við að standa fastir við það og reyna að læra af því og gera betur næst en ekki grafa undan okkur með því að velta okkur upp úr einhverjum sem stendur fyrir utan og bendir og segir "hvað sagði ég ekki",því þegar það gerist,svíkjum við okkur sjálf. Svo ég segi já það voru margir sem bentu og sögðu "þetta getiði aldrei" en við tókum ákvörðun, að reyna samt og ég er stoltur af þeyrri ákvörðun,og er tilbúin að standa og fall með henni,því ég þarf ekki að hugsa djöf bara ég hefði gert eins og ég ættlaði í staðin fyrir að hlusta á þessa Dani. Við erum búin og erum enn að læra að þessum mistökum okkar. Núna vitum við t.d hvernig á ekki að reka peningapólitkk þjóðarinnar.

[Andri Geir Arinbjarnarson, 23.8.2009 kl. 11:54]

Þakka athugasemdir.  Þegar kemur að peningamálastjórn er merkilegt að við skulum aldrei hafa rætt aðferð Dana.  Þeir hafa haft fastgengisstefnu í tugi ára fyrst við þýska markið og svo við evruna.  Þeir eru ekki með verðbólgumarkmið.

Verðbólgumarkmið hentar ekki litlum og opnum hagkerfum og alls ekki þeim sem búa við verðtryggingu. Hins vegar vildum við vera eins og stóru löndin, Bandaríkin, ESB og Bretland og hafa verðbólgumarkmið. Hvers vegna? Er hér komið annað dæmi um vanhugsaða mikilmennsku?

Auðvita er of seint að taka fastgengi upp núna þar sem við erum með negatífan gjaldeyrisvarasjóð!