Lognið á undan storminum

Spilaborg Geirs Haarde sem var byggð á neyðarlögunum mun hrynja eins og íslensku bankarnir.  Það verður lítil uppbygging á Íslandi með erlendu lánsfé á meðan allt logar í málaferlum við erlenda banka.

Lánshæfni ríkisins og annarra aðila hér á landi mun falla eins og steinn.  Endurfjármögnun verður nær ómöguleg með skelfilegum afleiðingum fyrir fyrirtæki eins og Landsvirkjun.

Icesave er aðeins lognið á undan storminum.

93% kröfuhafa bankanna íhuga málshöfðun

Athugasemdir

[Halldór (IP-tala skráð) 18.8.2009 kl. 08:18]

Menn uppskera eins og sáð er til. Við förum kannske að átta

okkur á því hverja við höfum valið til forystu hingað ti og sennilega

lærum við seint af reynslunni.

[Hákon Jóhannesson (IP-tala skráð) 18.8.2009 kl. 08:36]

Þurfum við eitthvað lánsfé ?

Til hvers ? Endurfjármagna óreiðuna ? Til að geta staðið undir styrkjunum til óreiðumannanna í Alcan-Riotinto og Norðurál-CenturyAluminium ? Eða til að endurnýja bílaflotann ? 

Er ekki kominn tími að greiða til baka erlendar skuldir og þar á meðal margumræddar fjárdráttarskuldir ?

P.S.:  Nú ætla menn í mál allt í einu.  Er þá skyndilega og úr heiðskíru lofti ekkert "mál" að finna dómara, dómsstól, lögsögu og alles.  Þetta verður furðulegra með degi hverjum.  Fáránleiki í boði fjórflokksins.

[E. Jonsson (IP-tala skráð) 18.8.2009 kl. 08:45]

Leiðinlegt að segja það.....enn ég skil erlenda banka vel...ekki myndi ég lána peninga til íslands. Og það er ekki bara sökum þess að þeir séu hræddir við bankana....þeir hara ekki mikla trú á yfirvöldum (enda eiga þau það ekki skilið)

[Margrét Sigurðardóttir, 18.8.2009 kl. 08:59]

Vanhæfni íslenskra stjórnvalda var augljós sl. haust. Daglegir blaðamannafundir Geirs og Björgvins voru útí hött og leiddu bara í ljós að þeir voru að reyna að viðhalda ímynd sem lítið vit var í. Og nú er að koma í ljós að það sem þeir voru að bardúsa var til mikils skaða fyrir íslenska þjóð!
Auðvitað voru þeir vanhæfir! Þetta var liðið sem gerði bankaræningjum kleift að rupla og ræna hér og erlendis!

[Haraldur Hansson, 18.8.2009 kl. 09:26]

Þetta er frétt sem verður að taka alvarlega.

Í henni segir að bankar "íhuga málhöfðun gegn íslenska ríkinu" sem "hafi ekki komið með sanngjörnum hætti fram við kröfuhafa."

Ef neyðarlögin hrynja, eins og segir í færslunni, í hvaða samhengi setur það þá "samninginn" um IceSave?

[Elle E. (IP-tala skráð) 18.8.2009 kl. 10:44]

Blessuð öll.  Já, þurfum við lán?   Verður ekki bara farið illa með það?   Ætla yfirvöld endalaust að eyða peningum út í loftið og fara ílla með bæði lánsfé og fé skattborgara?   Byggja dýra vegi þar sem þeirra er ekki þörf og valda verðbólgu með ofureyðslu?    Gefandi auðrónum bankana okkar og fiskinn í sjónum.  Og ég get vel skilið að ekki nokkur banki vilji lána nokkrum banka landsins eða þeim óstjórnar-yfirvöldum. 

[Andri Geir Arinbjarnarson, 18.8.2009 kl. 16:34]

Ef við fáum ekki lán og getum ekki endurfjármagnað getum við aðeins borgað niður og staðið í skilum við brot af okkar lánum.  Við höfum mjög takmarkaðan afgang af gjaldeyri þegar búið er að borga það allra nauðsynlegasta.  Þetta þýðir einfaldlega að útlendingar munu í auknu mæli ganga að veðum sínum hér á landi og þar með eignast stóran hluta af atvinnufyrirtækjum landsins, vélum og fasteignum.

Ætlum við að láta útlendinga eignast togarana okkar, sigla þeim úr landi og selja á uppboði erlendis?  Hver og hvernig á að stoppa það?  Með enn einum neyðarlögunum?  

Við verðum að fást við raunveruleikann eins og hann er og reyna að vinna með alþjóðasamfélaginu við að leysa þessi mál.  Icesave er aðeins brot af þessu en getur sett af stað ferli sem við ráðum ekki við ef ekki er rétt haldið á spilunum. 

Stjórnvöld verða að fara að taka heilstætt á þessum málum og ræða  af alvöru við alla erlenda aðila sem koma að þessu máli með staðreyndir og sanngirni að leiðarljósi en ekki innlent lýðskrum.