Úr fyrsta í annan flokk

Með því að takmarka endurgreiðslur á ríkisskuldum er Ísland í raun að segja við alþjóðasamfélagið: við eru tæknilega gjaldþrota og ef við fáum ekki skuldaaðlögun tökum við málin í okkar eigin hendur.

Hér er ekki aðeins komið fordæmi til vanþróaðra skuldsettra ríkja heldur er þetta líka fordæmi til skuldara á Íslandi.  Þeir sem ekki geta eða vilja borga af sínum lánum nema ákveðinn hluta ráðstöfunartekna eru nú í sterkri stöðu.  Varla geta ríkisbankarnir neitað almenningi um úrlausnir sem ríkið sjálft og Alþingi telur sanngjarnt?

Hvað varðar fjármögnun í framtíðinni verður hún dýrari.  Ísland er nú dottið úr fyrstu deild hvað varðar lánshæfni og það er dýrt að vera í annarri deild.

Það sem ríkið "sparar" með þessum Icesave fyrirvörum munu einstaklingar, fyrirtæki og opinberir aðilar borga í hærra álag á lán í framtíðinni.  Það verður ekki hægt að gera þennan Icesave reikning upp fyrr en eftir um 30 ár.  Þá mun koma í ljós hver heildarkostnaðurinn er.

Eitt er víst, hann verður hár og ef til vill verður stærsti hlut hans fyrir utan samninginn! 

 

 

Fleiri fari að dæmi Íslands

Athugasemdir

[Haraldur Hansson, 17.8.2009 kl. 15:02]

Fyrirvari um ríkisábyrgð í milliríkjadeilu getur ekki orðið fordæmi í venjulegum lánaviðskiptum.

Það er ekki ljóst hvað ríkið "sparar". Ef settar eru inn forsendur um t.d. 4% hagvöxt að meðaltali á lánstímanum (sem er í takt við það sem viðskiptaráðherra nefndi) þá verður greiðslan ekki lægri en samkvæmt óbreyttum samningi.  

[Andri Geir Arinbjarnarson, 17.8.2009 kl. 15:22]

Haraldur,

Ég get ekki betur séð en að stjórnmálaflokkarnir ríði hér á vaðið og innleiði hugtaki "greiðsla byggð á getu skilgreind af lántakanda"  Ég held að pólitískt séð verði erfitt fyrir stjórnmálamenn að veita almenning ekki sama úrræði?  

Og hvaða skilmála ætli ríkið fái þegar það þarf að taka önnur lán í framtíðinni eða t.d. veita ábyrgð á lán  Landsvirkjunar?

[Héðinn Björnsson, 17.8.2009 kl. 16:33]

Við verðum að stefna að því að greiða niður skuldir okkar við útlönd og fjármagna okkur sjálf. Skuldafyllerí á ekki að leysa með nýju skuldafylleríi, heldur með því að láta renna af sér og vinna sig gegnum timburmennina.

[Doddi D (IP-tala skráð) 17.8.2009 kl. 16:38]

Það er erfitt að horfast í augu við staðreyndir.

[Finnur Bárðarson, 17.8.2009 kl. 16:41]

Doddi segir margt í fáuum orðum.

[Magnús Helgi Björgvinsson, 17.8.2009 kl. 18:19]

Auðvita er þetta hárrétt. Og eins þessi hugsun. Af hverju ætti einhver að vilja lána okkur í framtíðinni! Sér í lagi til ríkis eða fyrirtækja sem hafa ríkisábyrgð. Ef ég stjórnaði lánastarfsemi einhverstaðar þá mundi ég ekki samþykkja að lána til lands sem segist kannski ætla að borga ef að vel gengur. Ég held t.d. að Norðurlönd og fleiri verði tvístígandi!

Hef frá því um helgina verið stöðugt að efast meira og meira um þessa fyrirvara. Þeir ganga svo langt og eins er málflutnngur alþingismanna þannig að ég held að Bretar og Hollendingar komi jafnvel til með að hafna þessu.

Finnst að menn séu einmitt búnir að gleyma því að nú á þessu og næsta ári þarf Landsvirkjun að endurfjármagna lán sem þau eru með upp milljarða tugi eða hundruð. Og ef að menn eru ekki vissir um að við greiðum lán til baka þá fáum við væntanlega ekki lán. En þetta er jú það sem allt snýst um hér á landi núna. Þ.e. að það er ekki fólki að kenna þó það hafi tekið há lán og því eigi að láta útlendinga bera a.m.k. 20 niðurfærslu allra lána á landinu. Því að fólk lætur eins og það hafi ekki átt annarra kosta völ en að taka gengistryggð lán til að kaupa bíla. Eða gengistryggð lán til að greiða upp verðtryggð íbúðarlán þrátt fyrir að margir vöruðu við því. Og það var útlendingum og bönkunum að kenna að fólk keypti íbúðir á yfirsprengdu verði, þrátt fyrir að búa kannski ágætlega fyrir. Almenningur ber enga ábyrgð. Þetta eru voru allt vondu karlanir í bönkunum og útlendingarnir sem lögðu inn á icesave sem voru svona vond við okkur.

[Eirikur , 17.8.2009 kl. 20:12]

Héðinn, Doddi, Magnus og Finnur........ég held að þetta sér mikið rétt yjá ykkur..þakka fyrir hugsandi Menn...........I just hope it can be sorted out, without too much damage to Iceland......(sorry my bad islensku)

Good Luck......