Ekki er sopið Icesave kálið þó í ausuna sé komið!

Það mætti halda að Icesave væri í höfn þar sem Lilja, Atli og Ögmundur styðja þetta nýja samningsuppkast.  En hvað með Breta og Hollendinga, hefur einhver spurt hvað þeim finnist?

Hvað ef þeir vilja koma með athugasemdir við þetta nýja uppkast?  Við hverja eiga þeir að tala?  Svavar? Steingrím? eða Lilju?  Hvar liggur samningsumboð Íslands?

  

 

Full samstaða um Icesave í VG

Athugasemdir

[Ína (IP-tala skráð) 16.8.2009 kl. 14:39]

Kemur allt í ljós Andri. Ef þarf að setjast við samningaborðið aftur þá verða stjórnvöld að passa að hafa nefndina þannig skipaða að alþingi allt geti sætt sig við hana. Þingið á að velja nefndina ef gömlu nefndinni verður skipt út sem væri rétt að gera vegna þeirrar miklu óánægju sem var með þessa gömlu undir forsæti Svavars.

Tel það hafa verið mestu mistök Steingríms að skipa í þessa nefnd án aðkomu alþingis. Ef við viljum nýtt og opið þjóðfélag þá verður alþingi að koma meira að málum þverpólitískt.

Það yrði skýrasta táknið um nýja tíma.

[Björn Kristinsson (IP-tala skráð) 16.8.2009 kl. 14:49]

Hvað hefur breyst í grundvallaratriðum. A.m.k. ekki hvað varðar greiðslur. Miðað við 75% heimtur í Icesave og þeim 70 milljörðum sem liggja hjá Seðlabanka Bretlands þá standa eftir árið 2016 um 300 milljarðar til greiðslu og þeir verða einnig greiddir samkvæmt þessum saningi, og meira ef minna heimtist). Skoðum þetta aðeins nánar.

Það er mikilvægt að átta sig á að greiðsluþolið í núverandi samningi er miðað við vöxtu vergrar landsframleiðslu (VLF) og yfir tímabil en ekki árlegan vöxt eins og margir myndu halda. Vöxtur VLF er því fundinn út frá því hvað VLF hefur breyst frá 2008 og til greiðsluárs.

Eftirfarandi grunntölur er hægt að finna á Hagstofunni:

Á milli áranna 1995 og 2007 var meðalvöxtur VLF um 4,4%.

Á árinu 2007 var VLF um 1300 milljarðar IKR.

Út frá þessu fæst að VLF er á árunum 2016 til 2024 eftirfarandi í milljörðum IKR.

Ár VLF   Vöxtur   VLF    Hámark Hlutfall af VLF
2017    1995      641      38,5    1,9%
2018    2083      729      43,7    2,1%
2019    2174      820      49,2    2,3%
2020    2270      916      55,0    2,4%
2021    2370      1016    61,0    2,6%
2022    2474      1120    67,2    2,7%
2023    2583      1229    73,7    2,9%
2024    2697      1343    80,6    3,0%

Samkvæmt þessu er meðalhámark á greiðslu 2,5% af árlegri vergri landsframleiðslu sem er nákvæmlega sama tala og Sjálfstæðisflokkurinn lagði til !! Meðalhámarksgreisla er um 55 milljarðar tala sem sumir ráðherrar voru mjög ósáttir við.

Það hefur því ekkert breyst hér. Þetta er nánast sami samningurinn og áður og enn reynt að ljúga að þjóðinni.

[Andri Geir Arinbjarnarson, 16.8.2009 kl. 14:50]

Ína,

Vonandi verður þetta Icesave fíaskó til þess að ráðherrar geri sér grein fyrir takmörkunum sínum og að Alþingi byrji að vinna eins og þjóðþing í öðrum löndum.

[Finnur Bárðarson, 16.8.2009 kl. 15:17]

Maður gæti haldið að við værum að semja við okkur sjálf og Hollendingum og Bretum væri þetta óviðkomandi. Ég óttast það versta frá þeim.

[Ómar Bjarki Kristjánsson, 16.8.2009 kl. 15:27]

Soldið erfitt að meta þetta.  Eg er ekkert endilega að sjá að svokallaðir efnahagslegir fyrirvarar séu svo byltingakenndir.  Það fer líka dáldið eftir hvernig menn skilja upphaflega samninginn.  Endurskoðunarákvæðið þar o.þ.h.

En sjáum til hvað skeður. 

Það er helst þetta í lagalegu fyrirvörunum:

"Ábyrgðin takmarkast við að Tryggingarsjóður innstæðueigenda og fjárfesta láti á það reyna fyrir þar til bærum úrlausnaraðilum hvort kröfur hans gangi við úthlutun framar öðrum hluta krafna vegna sömu innstæðu."

Eg er ekkert endilega að sjá heldur að lagalegu fyrirararnir séu bylting - hverjar eru líkurnar á að "þar til bærir úrlausnaraðilar" komist að annari niðurstöðu en samningurinn færir fram.  Veit ekki.  Spurning.

En svartur á leik núna.

Það er bara þögn á austurvígstöðunum.

[Einar Björn Bjarnason, 16.8.2009 kl. 18:47]

• Samingurinn var sagður, það besta sem hægt hefði verið að ná.
• Að ekki væri von, að fá Hollendinga og Breta aftur að samingaborði.

Nú, verða menn að skýra grunnafstöðu sína.

• Töldu þeir samninginn góðann, eða slæmann.
• Töldu þeir, að samninganefndin hefði gert mistök eða ekki.
• Töldu þeir, líkur til þess, eða ekki, að hægt væri að semja á ný við Hollendinga og Breta?

Ég er sammála, formanni Sjálfstæðisflokksins, að í fyrirvörunum, felist nýtt samningstilboð til Breta og Hollendinga.

Einhliða fyrirvarar, geta ekki gilt nema mótaðilarnir samþykki. Þá mótast líkur þess að þeir gerir það, af líkum þess að hægt sé að ná fram betri samingum við Breta og Hollendinga.

• Ef menn telja líklegt, að þeir samþykki þessa fyrirvara, þá hafði aðstoðarmaður fjármálaráðherra, rangt fyrir sér, þegar hann hélt því fram, að Icesave hefði verið það besta sem hægt hafi verið að ná fram, og einnig um það, að ekki væri hægt að endursemja við Hollendinga og Breta.
• Ef menn telja líklegt, að þeir hafni þessum fyrirvörum, þá hafði aðstoðarmaður Fjármálaráðherra rétt fyrir sér í öllum höfuðatriðum.

Þ.e. ekki "concistent" að hafa verið ósammála því, að hægt væri að semja á ný við Hollendinga og Breta, og telja nú líklegt að þeir samþykki fyrirvarana.

Þess vegna, er afstaða Fjármálaráðherra og Forsætisráðherra, frá því í gær, "inconsistent".

-----------------------------------------

Þ.e. allt of snemmt að fagna, eins og sumir gera.

Kálið verður ekki sopið þó í ausuna sé komið.

Þ.e. allt eins líklegt, að þetta sé einungis byrjun að nýjum kafla Icesave deilunnar, eins og að þetta sé upphafið að endi hennar.

Kv.

[Andri Geir Arinbjarnarson, 17.8.2009 kl. 15:31]

Einar,

Takk fyrir athugasemdina.  Þessir fyrirvarar eiga eftir að hafa alls konar afleiðingar í framtíðinni sem fólk er ekkert að hugsa um.  Hér innleiðir Alþingi hugtakið "við borgum eftir okkar getu sem lántakandinn skilgreinir"  Ætli viðvörunarbjöllur hringi ekki nú í öllum helstu bönkum heims.  Hvernig ætlar ríkið að fá lán í framtíðinni á meðan verið er að borga upp Icesave?  Alþingi er búið að senda þau skilaboð út að við ráðum ekki við Icesave svo varla ráðum við við Icesave plús ný lán!  

[Einar Björn Bjarnason, 17.8.2009 kl. 16:12]

Ekki heldur við Icesave + önnur lán, sem þegar eru fyrir hendi.

Næsta verkefni, þarf að vera að, semja við aðra kröfuhafa um lengingu og/eða niðurfellingur að hluta, hvað restina af erlendu skuldunum varðar.

---------------------------------------

Annars er mjög raunveruleg hætta, að við lendum í greiðsluþroti.

Kv.