Icesave: ESB atkvæðagreiðsla nr. 2

Icesave atkvæðagreiðslan er annað tækifæri fyrir þingmenn til að fella ESB viðræður eða að minnsta kosti skjóta þeim á frest um óákveðinn tíma.

Verði Icesave fellt munu Hollendingar og Bretar ekki taka í mál að aðildarumsóknin verið afgreidd fyrr en Icesave er komi í höfn á þeirra skilmálum.  

Því meir sem íslenskir stjórnmálamenn reyna að halda Icesave og ESB aðskildu er hinu gagnstæða haldið fram hjá viðsemjendum okkar erlendis.  

Umsókn Íslendinga að ESB styrkir stöðu Hollendinga og Breta gagnvart Íslendingum í Icesave málinu.  Þetta gefur þeim nýtt tromp.

 

Engin vissa um meirihluta fyrir Icesave

Athugasemdir

[Jón Gunnar Bjarkan, 18.7.2009 kl. 08:06]

Menn eiga að reyna tefja þetta Icesave mál. Þegar kemur að samningsviðræðum þá er allt sem við skrifum upp á hægt að nota sem leverage. Menn eiga að setja einhliða undanþágu á samninginn. Þetta munu bretar og hollendingar ekki sætta sig við. Þótt við borgum þennan reikning(sem er siðferðileg skylda okkar til) þá er gott að nota þetta sem leverage.

[Haraldur Hansson, 18.7.2009 kl. 09:15]

Góður punktur.

Ég held að menn geri allt of mikið úr óttanum við einangrun ef við samþykkjum ekki IceSave skilyrðislaust. Það má ekki stilla þessu upp eins og við getum átt von á refsiaðgerðum eins og land sem framleiðir efnavopn.

[Hákon Jóhannesson (IP-tala skráð) 18.7.2009 kl. 09:36]

Ég er þá greinilega sammála kröfuhöfunum með það að ganga fyrst frá óreiðuskuldum fyrrverandi eigenda Landsbankans og huga síðan að inngöngu í Evrópusambandið.

- Þetta eru tvö ólík mál; en hrært hér saman í einn graut af vanhæfum alþingismönnum.

 -ESB semur ekki við vanskila- og óreiðumenn. ESB menn sjá ekki eingöngu fjármálaglæframenn hér - heldur einnig vanhæfa stjórnendur (sbr. umsögn Ólafs Hannibalssonar: "„Okkar“ menn í öllum stöðum stóðu með „óreiðumönnum“ Landsbankans í þessari féflettingu á erlendum sparifjáreigendum og tóku ekki í útréttar hendur erlendra starfsbræðra").

 - Best er að fókúsera á hvort málefnið fyrir sig óháð hinu. Heilbrigð skynsemi.

- Afar skynsanlegt að hafa hreint borð þegar gengið er til viðræðna.

[Andri Geir Arinbjarnarson, 18.7.2009 kl. 11:05]

Menn gleyma oft að bankar og lyfjafyrirtæki starfa ekki eins og önnur fyrirtæki.  Þeirra starfsemi lýtur ströngu eftirlit af hálfu hins opinber í öllum löndum.  Ef opinberir aðilar skrifa upp á milliríkjasamninga sem innihalda tryggingar gagnvart þriðja aðila þá flækist málið.  Hinn erlendi sjónarhóll er annar en hinn innlendi í þessu máli.  Útlendingar líta á Icesave og Esb aðild sem skyld mál og að íslenska ríkið beri að standa skil á borgunum úr tryggingarsjóði.

Auðvita getum við neitað að borga Icesave.  Það verða engar refsiaðgerðir heldur afskiptaleysi.  Við verður að staðgreiða allt og ef við viljum meiri lán erlendis verðum við að láta okkar auðlindir sem veð.  " Iceland, who cares!"  verður viðhorfið.  Gleymd og einangruð verður refsingin.  

[Guðmundur Ásgeirsson, 19.7.2009 kl. 12:51]

"Við verður að staðgreiða allt og ef við viljum meiri lán erlendis..."

Það eru erlendar lántökurs em komu okkur í þetta klandur til að byrja með. Ef það verður stoppað þá er það bara hið alra besta mál og eina leiðin út úr vandanum!

Verði IceSave samningurinn samþykktur er það svipað og ef ég tæki myntkörfulán til að borga VISA reikninginn eftir eyðslufyllerí frænku minnar í útlöndum, sem hver einasta viti borin manneskja hlýtur að sjá að væri fásinna!

Ef höfnun á IceSave verður til þess að sprengja ESB-málið þá er það líka hið besta mál, og mikill varnarsigur fyrir fullveldi Íslands!