Harðir í horn að taka

Bandarískir vogunarsjóðir eru harðir í horn að taka og hugsa aðeins um eigin skyndigróða.  Það hefði verið auðveldara og betra að semja við evrópska banka, sérstakleg ef þeir vissu að við ætluðum að sækja um ESB aðild.

Margt hefði farið öðruvísi ef Geir Haarde hefði hlustað á fólk fyrir utan sinn flokk og tekið af skarið og sett strax inn umsókn um ESB aðild í október og þar á eftir gengið í að koma bönkunum af stað með hjálp ESB.  Þá væri evran líklega 140 krónur og vextir um 6%.  Við hefðum einnig fengið betri Icesave samning.  Þá værum við ekki í þessu þrasi núna heldur á fullu að skapa ný störf og koma hjólum atvinnulífsins af stað.  Tíminn er líka peningar.

Markmiðið er hið sama en leiðin sem við völdum er sú torsóttasta og dýrasta sem hugsast getur.

Bandarískir vogunarsjóðir meðal stærstu eigenda Kaupþings?

Athugasemdir

[Friðrik Hansen Guðmundsson, 15.7.2009 kl. 00:02]

Þetta eru án efa mestu og bestu sérfræðingar í heiminum að mjólka restar þrotabúa eins og Kaupþing er.

Spennandi verður að sjá hvaða leið þeir fara, verði þetta raunin. Munu þeir bíða í rólegheitunum næstu 5 til 10 árin og láta afborganir af lánunum malla inn í bankann um leið að þeir sinna almennri viðskiptabankaþjónustu hér á landi eða munu þeir fara uppboðsleiðina og reyna að ná inn til sín öllum þeim fasteignum og fyrirtækjum og þeir mögulega geta með uppboðum og djöfulgangi.

[Ólafur Fáfnir Sigurgeirsson (IP-tala skráð) 15.7.2009 kl. 00:26]

Þetta eru sjóðirnir sem keyptu upp skuldabréfin á 10 cent á dollarann af Evrópsku bönkunum. Ég veit ekki hvort þeir hafi mikinn áhuga á að standa í viðskiptabankaþjónustu á Íslandi, frekar að þeir klári að mjólka kúnna þar til að henni blæðir út.

[Valsól (IP-tala skráð) 15.7.2009 kl. 01:21]

Málið er að VG liðar eru við það að takast að fella eigin stjórn með því að dissa formann sinn með bréfi einhverra tólf öfgamanna innan flokksins. Það minka líkurnar á því að þingmenn taki skynsamlega ákvörðun varðandi aðild að ESB. Ef við förum ekki í ESB, bíður okkur ekkert annað en 50 tíma vinnuvika svo endar nái saman. Vextir til heimila og fyrirtækja í landinu gætu lækkað um 228 miljarða á ári sem þýddi minni vinnu og meiri aur í veskinu þegar búið væri að borga af lánunum. Ég fullyrði það að innganga í ESB yrði mesta kjarabót sem íslendingar geta fengið næstu árin og áratugina.

[Arinbjörn Kúld, 15.7.2009 kl. 01:44]

Maður þarf að hugsa eins og vogunarsjóðirnir til að fá einhverja hugmynd um hvað þeir eru að vilja upp á dekk. Sjóðirnir hugsa bara um eitt: gróði!

Til að ná sem mestu munu þeir líklega taka bankann yfir. Setja vel flest fyrirtæki sem eru í viðskiptum við bankann og eru í vandræðum á hausinn. Bankinn tekur þau yfir og selur í smábitum til að hámarka hagnað sinn. Svipuð nálgun verður notuð á fjölskyldur og einstaklinga.

Sammála um að betra hefði verið að fá evrópska banka en vogunarsjóði. Eins og að gefa arsenik við hjartaverk.

Kveðja að norðan.

[Hans Haraldsson (IP-tala skráð) 15.7.2009 kl. 02:16]

Lettar og Ungverjar naga sig vafalaust í handabökin yfir að hafa ekki gengið í ESB fyrir nokkrum árum.