Hörkubarátta en hver eru markmiðin?

Það er íslensk lenska að vera alltaf að frá morgni til kvölds en afrakstur og framlegð eru oft framandi hugtök.  Hvað margir hafa ekki verið í hörkubaráttu síðastliðinn 5-10 ár en að hvaða marki?  Allt gufað upp og ekkert eftir nema skuldir og skattar.

Það er ekki hægt að tala um að fara í hörkubaráttu nema að markmiðin séu á hreinu og tækin og tólin til reiðu.   Markmiðin verða að vera skýr, skiljanleg og mælanleg.  Frasar eru ekki markmið.

Svo hver eru markmið Steingríms og hvernig og hvenær á að nálgast þau?  Hver og hvar eru tólin og tækin?  Hver skaffar þau?  

Eins og sagt er á ensku "the devil is in the details" sem má snara yfir á íslensku "kölski býr í smáatriðunum"

Hörkubarátta framundan

Athugasemdir

[Haukur Kristinsson (IP-tala skráð) 14.7.2009 kl. 18:03]

Mikið til í þessu Andri Geir. Oft er sagt að Íslendingar vinni mest allra þjóða og þá er átt við það, að Íslendingar skapi meiri verðmæti, afkasti meiru, en aðrar þjóðir. En málið er ekki svona einfalt. Langur vinnudagur eða löng dvöl á vinnustað er ekki það sama og afköst (output, efficiency). Þetta á ekki síst við í opinbera geiranum, þar sem afkostin eru líklega oft á tíðum arfaléleg. Ég hef aldrei heyrt getið um það, að reynt hafi verið að bæta á markvissan hátt afköst embættismanna á Íslandi. En það væri sko heldur betur hægt að gera. Til eru góð prógrömm til slíks og eitt af þýðingarmestu tækjunum í þeim er einmitt mælikvarðinn (yardstick). Það er ekki bara hægt að mæla þyngd og lengd, svo ég nefni eitthvað, heldur margt annað, þó engar eðlisfræðilegar dimensjónir séu til um þær stærðir. Hagræðing byggist ekki á því að kreista sem mest úr starfsmanni, fremur að nota rétt tæki og rétta tækni og að fylgjast stöðugt með afköstum með mælingum. Svo hægt sé að breyta um stefnu ef nauðsyn krefur. Sem sagt að forðast það sem kallast “leerlauf” á þýsku. En ýmindið ykkur bara allt "leerlauf"-ið í opinberum störfum.

[Arinbjörn Kúld, 15.7.2009 kl. 01:36]

Ha! Efnahagsástandið erfitt! Hvar hefur SJS verið?

Kveðja að norðan.