Seðlabankinn: Opið ráðningarferli, veskú!

Hvers vegna er ráðningarferlið í stöðu Seðlabankastjóra ekki opið og gegnsætt?  Hvers vegna hefur almenningur ekki aðgang að ítarlegri starfslýsingu Seðlabankastjóra og hvaða kröfur eru gerðar þar um menntun, reynslu og hæfni.  Hvaða vægi hafa þessir þrír þættir og hvernig eru þeir metir hjá umsækjendum?  Hvers konar viðtöl fara fram og hverjir taka þau?  Ekkert af þessu hefur verið gert opinbert?  Hvers vegna ekki? 

Lítum á þessa 3 þætti:

Menntun.  Þetta er sá þáttur sem auðveldast er við að eiga enda ljóst að ítarleg hagfræðimenntun er æskileg í þessa stöðu.  Allir umsækjendur verða að hafa góða menntun.  Þessi þáttur á ekki að gera útslagið.

Reynsla.  Hér fer málið að vandast.  Er starfreynsla hjá Seðlabankanum akkur eða hindrun?  Það fer auðvita eftir því hvenær viðkomandi vann hjá Seðlabankanum og í hvaða stöðu.  Þeir umsækjendur sem komu beint að þeirri stefnu sem Seðlabankinn viðhélt síðustu 2 árin þarf að skoða vel áður en þeir eru dæmdir hæfir.  Varast ber að stimpla aðeins þá sem áður hafa unnið hjá Seðlabankanum sem "mjög hæfa".  Þá er ekki um utanaðkomandi val að ræða heldur aðeins innanhúss stöðuhækkun.

Hæfni.  Þetta er erfiðasti þátturinn í valinu.  Hér á ég við hin mannlega þátt í starfinu.  Hversu sjálfstæðir og yfirvegaðir eru umsækjendur?  Hvernig glíma þeir við erfið mannleg samskipti?  Munu þeir njóta virðingar erlendis hjá stofnunum sem við þurfum að eiga samskipti við?  Þetta er yfirleitt sá þáttur sem skilur á milli efstu manna ef vel er vandað til valsins.

Ef umræðan snýst aðeins um menntun og reynslu bendir það til að vankantar séu á ferlinu.   

 

Kvartaði vegna hæfismats

Athugasemdir

[Elín (IP-tala skráð) 11.6.2009 kl. 08:36]

Ferlið sem á að fara eftir er mjög faglegt og flott en nefndin vann ekki skv. því. T.d. voru engin viðtöl tekin við umsækjendur! Einn nefndarmanna er fyrrverandi aðstoðarkona Jóhönnu Sigurðardóttur, ekki mjög faglegt. Margt í þessu ferli sem skítalykt er af - en einhvern veginn virðist nefndin komast upp með að svara út í hött.