Bretar græða 16 ma kr. á ári á Icesave!

Bretar lána okkur 650 ma kr. á 5.5% vöxtum en breska ríkið getur fjármagnað þetta á 3% vöxtum.  Vaxtamunur upp á 250 punkta er frábær fjárfesting fyrir breska skattgreiðendur á kostnað íslenskra skattgreiðenda og erlendra kröfuhafa. 

Þetta þýðir að Bretar græða 16 ma kr. á ári (200,000 kr. á ári á hverja íslenska fjölskyldu) á þessum samningi eða yfir 100 ma kr. áður en við förum að borga krónu af þessu láni. 

Svo er auðvita hin mikla spurning hvort þessir 5.5% vextir eru fastir eða breytilegir.  Ég vona að þetta sé ekki bundið LIBOR sem er nú um 1.5%.  Ef þessir vextir eru breytilegir og 400 punkta yfir LIBOR hafa Bretar og Hollendingar landað samningi aldarinnar. 

Hvað ætli erlendir kröfuhafar segi um þennan samning.  Hvað gerist ef neyðarlögin halda ekki?  

Engin Icesave-greiðsla í 7 ár

Athugasemdir

[Jakob Þór Haraldsson (IP-tala skráð) 5.6.2009 kl. 20:28]

Auðvitað á aldrei að koma til greina að greiða vexti af þessu láni.....  Takist UK & Hollendingum að "plata vöxtum inn á okkur" þá erum við að tala um hámark 0,75% fasta vexti - svona svipað og Seðlabanki Englands er að bjóða í dag!  Þessi vita gagnlausa & stórhættulega ríkisstjórn hefur möguleika á að lýsa yfir "greiðsluþroti" eins og Argentína gerði í kringum 1980 - þannig að það væri bara BILUN að skrifa undir svona "fábjána samning."   Bretar & holllendingar bíða spenntir og munu eflaust hlægja sig mátlausa verði núverandi samningsdrög að veruleika - ÞRÆLAEYJA - skuldafangelsi býður íslenska sauðsins um aldur & æfi...!  Allt út af því að "siðblindir, spiltir & lélegir stjórnmálamenn okkar" gáfu 30-50 útrásar skúrkum (alheimsníðingum) íselnsk ríkisfyrirtæki til að leika sér með - afleiðingarnar eru SIÐROÐF - samfélag okkar í rúst og þessir glæpamenn (þar með taldir stjórnmálamenn) ganga síðan lausir eins og ekkert sé sjálfsagaðar...  Nei, nú fer maður að standa fyrir "borgaralegum handtökum", maður er búinn að fá sig nóg af lífinu í SVÍNABÆ - þar sem Óli grís er yfirsvínið....

kv. Heilbrigð skynsem

[Einn hræddur (IP-tala skráð) 5.6.2009 kl. 20:59]

Já nú fer um mann hrollur, líkt og þegar Geir okkar sagði að hér væri allt í góðu lagi í ágúst 2008. Ætli næsta búsáhaldabylting verði ekki líkari þeim hörmungum sem áttu sér stað á torgi hins himneska friðar heldur en þeirri sem varð hér í haust. Æi hvað ég vildi óska þess að við gætum bakkað um nokkur ár og ........ keypt bláan ópal. Guð blessi okkur ÖLL.

[Björn Friðgeir (IP-tala skráð) 6.6.2009 kl. 09:06]

Nokkrir punktar:

• Það skiptir í sjálfu sér engu hvað Bretar geta fjármagnað sig á, hér er verið að lána Íslandi og við erum ekki traustasti pappír í heimi, enda fólk hér heima að heimta að við förum í gjaldþrot frekar en að taka þetta á okkur.
• Skv þessu: http://www.swap-rates.com/UKSwap.html sem ég hef ekki hugmynd um hversu rétt er, eru GBP 7 ára skiptavextir úr fljótandi Libor í fasta vexti 3,77%. Miðað við það er álagið 175 punktar. Ef þessir 5,5% vextir eiga að gilda öll árin 14 þá er 14 ára swappið í sirka 4,35%. Þar sem greitt verður niður milli 7 og 14 ára, ætti að miða við meðaltal þar á milli, segjum sirka 4,05%, og það gefur álagið 145 punkta. Miðað við ástandið í heiminum í dag og ástandið hér þá myndi ég halda það bara þolanlegt miðað við hvað byðist annars staðar.
• 0,75% er bara ekki neinir fastir vextir til 7 ára. Skv því sem maður sér í morgun virðist þetta alveg örugglega fastir vextir, annars er auðvitað bara verið að ljúga um kjörin.

NB þarna er ég bara að tala um kjörin á þessu, ekki að taka einhverja afstöðu til hvort við eigum að taka ábyrgð á IceSave eða ekki.

[Andri Geir Arinbjarnarson, 7.6.2009 kl. 16:35]

Björn Friðgeir,

Þakka góðar ábendingar.  Ég notaði "yield" á 10 ára ríkisbréfum Breta sem eru um 3% núna sem gefur hugmynd um hvað það kostar þá að fjármagna þetta.  Þeir nota auðvita hið hræðilega lága lánstraust Íslands til að þrýsta vöxtum upp í 5.5% sem eru um það bil sem illa rekin BBB lánstraust vatnsveita í Bandaríkjunum þarf að borga. 

Svo er alltaf spurningin hvort þessir háu vextir umfram kostnað breska ríkisins flokkist undir dulbúna auka borgun af Íslands hálfu?

[Björn Friðgeir (IP-tala skráð) 7.6.2009 kl. 16:58]

Ja, við erum núna ratuð BBB-/Baa1. Þannig að það virðist þá bara frekar fair, ekki satt?

[Andri Geir Arinbjarnarson, 7.6.2009 kl. 18:15]

Björn Friðgeir,

Jú þetta er "fair" miðað við að þetta sé allt Íslandi að kenna.  Bretar taka ekkert á sig með þessum samningi.  Maður hefði kannski búist við að tvær vinaþjóðir hefðu mæst á miðri leið, þ.e. vexti í kringum 4.25%.